NDUMBA 18:2 - Boy Lonana

² Aŋ hin gorseŋ suu hu njaf ma vi Levina mbay li sunda uŋ hu Ziŋ Lonara may, asi ni a suu funuŋŋa njunuŋ a li sunda, may aŋ u goryoŋ cologi fun Mbutluɓ Galamba ni agi doy hol.

NDUMBA 18:2 ပူးပေါင်းရင်းမြစ်များ

URA TIN AYRA 29:34

Ndaɗ hoŋ vi wiina olo, vuɗ go njufna, ndaɗ di ana, «Cemi njufun hin taɓ u an may ɗaŋ kay an vuɗum gor njufiina hindi.» Kay ndaɗta asi tinim sem ana Levi.

EZEKIYEL 44:15

«Muli suu li ɓivunna suu hu njaf Levina, suu goryoŋ Sadokŋa ni suu may suu li sunda u gaɗta hu Ziŋ Lonara ɗegeena, hu li ma suu Israelna hinin an Bu Suuna ki lay, asi hol ni suu ndak a mbay a li sunda fokonna, ŋgal mbulna u busu ma ɓivunna may. Di ni Bu Suuna, Yawe.

2 DLAŊ MULINARA 30:16

Asi gegelay ni col ni hu liim ma sunda ko gaɗta vi Moiz sa ma vi Lonna dira na. Muli suu li ɓivunna tuɗ vo busu ma asi vam ay ko goryoŋ Levina ha may.

NDUMBA 18:4

Asi ni a suu funuŋŋa, asi li ni sunda hu Mbutluɓ ma Tokkana halaŋ, na may sunda agi laɗ kalafira ka sa ma daŋ kal ha huɗi.

NDUMBA 17:7

Hu li ma suuna ɓakasi ay na ni, gi Moiz u Aaron pereɗ irisi ni eg Mbutluɓ ma Tokkana na ɗow. Gola ni ɗugulla kuluɓ ki kolo kay Mbutluɓ ma Tokkana na dlum, bibiŋilla vi Yawera tak taɗ ay kiyo.

NDUMBA 8:22

Ŋgoo dagan suu vi Levina tuɗ tli sun masira fok gi Aaron u goryom hu Mbutluɓ ma Tokkana. Asi li u njaf suu vi Levina ni ko Yawe di ay maŋ Moizza na may.

NDUMBA 8:19

An ɦasi maŋ Aaron u goryomu, duk suu Israelna halaŋ suu vi Levina ki ni a li tokka fokosi hu Mbutluɓ ma Tokkana, a lasi ɓivun ma mbususi coosira kina may, kay ndaɗta suu Israelna ka ɦuɗ tasi ha eg li ma teteɗna a miɗ tasi ki oloɗi.»

NDUMBA 4:15

Aragelay hu li ma suu Israelna a jok usira ni Aaron u goryom boɗ yam tlesuu teteɗna ki halaŋ, ŋgoo dagan njaf suu vi Kehatna mbay yowosi ni na tuwa. Ka suu Kehatna ŋgen kosi eg tlesuu teteɗnaɗi, li ka naɗi ni asi miɗ kiyo. Gola sunda vi goryoŋ Kehatna ta asi laɗ hu zira tokka ni na.

HEBRENA 9:6

Tle asina li ay ni na, muli suu li ɓivunna sel hu mbutluɓma hu buuna tew tew a li sun masira.

NDUMBA 1:53

Na may njaf suu vi Levina cukŋi keŋ Zira Galamba kay ana yaanda hoŋ kay suu Israelnaɗi, suu vi Levina ni suu juɓ u Zira Galamba.»

NDUMBA 3:5

Yawe di Moiz ana,

EZEKIYEL 44:11

Asi ndak a li sunda ni hu Ziŋ Lonara gol vun Ziŋ Lonara may, li sunda kalafi hu Ziŋ Lonara may, juɓ u yoori suu asi mbaarasi ay a li ɓivunna, ŋgaɗ yoori suu li ɓivun ma kay suuna belna, u ɓivun ma zeɗ zeɗna. Asi mba lakŋi a sun suu may suu mbayna halaŋ.

MALASI 2:4

Agi hin wi ana an gagi humugi na ni kay a bana manda u Levira mbuɗ ki jivira. Yawe, ma Saɓakŋa Kom Belna, di na.