NDUMBA 18:13 - Boy Lonana

¹³ Yam tlesuu asi tokosi ay hu mbassa halaŋŋa maŋ Yawe, an ɦaŋsina ni maŋu, suu may suu ka vo varaŋ wi tasi ki teteɗna ndak ti tle asina.

NDUMBA 18:13 ပူးပေါင်းရင်းမြစ်များ

KALKIRA 22:29

Aŋ li u mbutlina ni na lay u timigiina ni na lay, asi vuɗ wa ni li buuna u susi kiɗisiya, hu buu ma kalavandina ni aŋ ɦansina ay ki gaw.

MISE 7:1

Hahawra ka kanu. Anni ko ndal suu cil ɦelena vun semeɗnana na, ko ndal suu dok barra siira balam suu to wana kina na. Na may ii wa ka na dew a tiraɗi, vuɗum mayra jewra an miniɗ cocora ka na dewɗi lay.

Magaara Vi Sa Jok Vun Lona OZE 9:10

An fi Israel ni ko ndal vuɗ gugutlu ma ay ki bagi hu fullana na, ko ndal vuɗ tulum ma famma kolo humum jewna na, an wagi somoyogiya. Asi may ni mba hu Baal Peor mbuɗ tasi ki zolona ni na gaw, asi mbuɗ ki ni suu cona ko ndal va hurusi minimma na.

JEREMI 24:2

Kaalam taa dew tulum ma huruɗna jivi coco ko ndal ma vuɗ vun semeɗna jewna na. Kaalamba hiŋga may ɗaŋŋi tulum ma huruɗna ni ma cona, ki saɓak coo sa ka tambi.

KALKIRA 23:19

Aŋ mbaa vuɗ tlegeyeŋ suu ne jewna halaŋ ay hu Ziŋ Yawera fok Looŋŋa. Aŋ ka zal goo ɦuna duk mbii sum tokgi.

KALKIRA 34:26

«Aŋ mbaa vuɗ ŋgusugi maŋ suu ne ki jewna ay ki ni hu ziŋ Yawe Looŋŋara. Aŋ zal goo ɦuna duk mbii sumbi.»

GA 8ATAMBARA 26:2

agi yow yam tlegeyegi suu ne ki fok jewna halaŋ suu fuɗugi hu mbassa Yawe Loogina ɦagirara, cuk tle asina hu kaalamba, tuɗusi hu li ma Yawe Loogina ŋgaɓam kina.

EZEKIYEL 44:30

Yam tlesuu jivi suu asi ɦasi ay ki maŋ Lonana halaŋŋi masiya. Yam wa ma ne ki fok jewna, yam tlesuu daŋŋa halaŋ, suu agi yowosi ay ki duk tlegeyegina halaŋŋi maŋ muli suu li ɓivunna, yam fuɗ magira jivi ɦayra agi ɦaɗ ki maŋ muli suu li ɓivunna kay a paɗvun ma heɓpa li kay ziigiya.

DLAŊ LEVIRA 22:7

Hu li ma faɗta kal gana ni nam ki ni mbuɗi teteɗ, ni nam ndak a ti tlesuu teteɗ suu li ɓivunna, kay ana ni tiim ma nam tamma.

DLAŊ LEVIRA 23:17

Aragelay li ma agi cuki huna ni agi mbaa funa ay mba', fu ma yam u fuɗta kelewna hindi, ni fu ma kuffa dukumma. Ni yam wa ma ne ki jewna maŋ Yawe.

GA 8ATAMBARA 18:4

Agi ɦasi yam wa ma ne ki fok jewna u sum veŋ ma wilina u mbulna u tlimiɗ timigiina suu agi cawasi kina may.

2 MULINA 4:42

Hu coki ndaɗta sana dew col ay hu Baal-Salisa mbaa funa ay maŋ sa vi Lonana na dok-mba', kus yam wa ma neeyna ay kam hu mbumbuna may. Elize di ana, «Ɓorowom ha ki maŋ suuna, asi tamu.»

2 DLAŊ MULINARA 31:5

Hu li ma suuna hum di ndaɗta kina may ni, suu Israelna tok yam wa ble masi ma ne ki fokŋa ay ki bolow cocoo, sum veŋŋa u mbulna, mbul yumma u tlesuu daŋŋa zeɗ zeɗ cocoo u keŋ ma doogona vi tlesuu asi feɗesi ay ki vona halaŋ halaŋ.