NDUMBA 18:10 - Boy Lonana

¹⁰ Agi hin tasi ni ko tlesuu ma teteɗna, njufiina halaŋ ndak tiya, tle asina ni tlesuu teteɗna.

NDUMBA 18:10 ပူးပေါင်းရင်းမြစ်များ

EZEKIYEL 42:13

Sana hin dan ana, «Zigini suu ii mbayawna u suu ii dalina asina ni zigini suu teteɗna. Muli suu li ɓivunna suu li sunda hu Ziŋ Lonara hin ti tlesuu teteɗna ni hu zigini asina. Asi ni zigini suu ki teteɗna, cuk tlesuu teteɗ suu li ɓivunna ni hurusiya. Ni tlesuu ɦasi ayna u tlesuu ŋgaɗasi a li ɓivun ma bulum cora kina halaŋ cukusi ni huwa.

DLAŊ LEVIRA 10:13

Agi ti tle asina ay ni hu li ma teteɗna hol kay ni ɓorow maŋŋa u ma vi goryoŋŋa hu ɓivun ma ŋgalam ki ŋgalina, ni ko Yawe u vun tamba danda na.

DLAŊ LEVIRA 10:17

«Agi kom ɦu ma ɓivunna hu Li ma Teteɗnaɗi ni kay mege? Kay ana nammi tliw ma teteɗna. Yawe ɦagi tliw namma ni a bulum cora vi suuna kira, kay a agi li dlara ɓivunna kayam fok Yawe a mbus cora vi suunara kira.

DLAŊ LEVIRA 14:13

Nam ŋgaɗ timiina ni hu li ma asi ŋgaɗ ɓivun ma bulum cora kina u ɓivun ma ŋgalam ki ŋgalina huna ni hu li ma teteɗna. Kay ndaɗta ɓivun ma min duk ɦoŋga u ɓivun ma bulum cora kina ni ɓivun ma teteɗna, tle asina ni maŋ mul ma li ɓivunna. Asi ni tlesuu teteɗna.

DLAŊ LEVIRA 21:22

May nam ndak a ti ti ma vi Loomma ma ki saɓaki teteɗna, u ma teteɗna.

DLAŊ LEVIRA 6:16

Ɓivun ma vi muli suu li ɓivunna ŋgalam ki halaŋ maŋ Lona, sa ka tambi.»

DLAŊ LEVIRA 6:18

«Aŋ di gi Aaron u goryom ana, Gola ɓivun ma agi lam a bulum cora kina lini ko wanda na. Va ma ŋgaɗam a li ɓivun ma bulum cora kina, ŋgaɗammi hu li ma ŋgaɗ ɓivun ma ŋgalam ki ŋgalina huna, ni fok Yawe, kay ana ni va ma teteɗna.

DLAŊ LEVIRA 7:6

Suu njufii suu li sunda a muli suu li ɓivunnana halaŋ ndak kom tliw namma, komom ha ni hu li ma ki mbuɗi teteɗna may, kay ni va ma teteɗna.

NDUMBA 18:11

Olo ni tlesuu suu Israelna ɦasi ay u min masirana an ɦaŋsina ki ni maŋ u goryoŋ halaŋ, gaɗ ndaɗta ni ta ka a mbuɗɗira, gegelay ma ka vo varaŋ ma wi tam ki teteɗna ndak a ti tle asina.

NDUMBA 18:9

Gola ni keŋ tlesuu aŋ a yowosi ki hu ɓivun ma teteɗ ma asi mbay a ŋgalam kina, tlesuu ka ŋgalasi kiɗina ni ana puura ta lam u fuɗtana, ɓivun ma bulum cora kina halaŋ, u ɓivun ma min duk ɦoŋgana, tlesuu asi ɦansina ay asina halaŋ, tlesuu teteɗ asina ni maŋ aŋu u goryoŋu.