NDUMBA 18:1 - Boy Lonana

¹ Yawe di Aaron ana, «Aŋu, goryoŋu u gorseŋŋa, agi ni suu may suu a hin hoŋ dira kay cora li hu Ziŋ Lonara, agi daɓaɗ ki ni agiya, na may cora li koŋ hu sunda li ɓivunnara, aŋ u goryoŋ daɓaɗ ndaɗta ni agi doy hol.

NDUMBA 18:1 ပူးပေါင်းရင်းမြစ်များ

KALKIRA 28:38

Ndaɗ hin li ni vok Aaron kay a nam mba dla mayra li ay cora eg tlesuu teteɗna, tlesuu suu Israelna ɦasi a li ɓivunnana, lor ndaɗta mba li njunni vogom tew tew kay ana ɓivun masina li jivi ii Yawe.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

EZEKIYEL 4:4

«Aŋ buu ni kay bikiŋ ma guluna a tli dla cora vi suu Israelna kira. Hu li ma aŋ ka buuri nana ni dla cora vi suu Israelna halaŋ tok ay ki kaŋu. Aŋ ka zii ni nekka vi suu hu Israelna.

DLAŊ LEVIRA 10:17

«Agi kom ɦu ma ɓivunna hu Li ma Teteɗnaɗi ni kay mege? Kay ana nammi tliw ma teteɗna. Yawe ɦagi tliw namma ni a bulum cora vi suuna kira, kay a agi li dlara ɓivunna kayam fok Yawe a mbus cora vi suunara kira.

DLAŊ LEVIRA 22:16

Lini suu ka ndaki a ti tlesuu teteɗ asinaɗina tasi wa ni asi mbaa cora ni kay suu Israelna, ni asi ndak a li ɓivun ma min duk ɦoŋga, kay an Yawe, mbuɗ muli suu li ɓivunna ki teteɗ ni anu, a asi lan sun manda.»

DLAŊ LEVIRA 22:9

«Muli suu li ɓivunna hum u gaɗ manda, asi mbuɗ tasi co u ti ma asi tammaɗi, lini asi li wa na ni asi hin miɗa. Kay mbuɗusi ki teteɗ ni an Yawe.

NDUMBA 14:34

Ko agi tuɗ a gol mbassa li buuna ay dok-fiɗi, ko ndaɗta na may agi hin li basara ŋgoo bagi ni dok-fiɗi may. Buuna dew ni basa dew may, ni a zii coogira agi laɗta, agi hin wi ki ana an ma ka mbuɗɗina li ni na.

NDUMBA 16:10

Nam hinigi a agi ɦuɗ tagi ay egem tok, aŋ Kore u gorseŋ suu vi Levina halaŋ, sun ndaɗta na ni ndakagi kaɗi tu su?

NDUMBA 17:13

Nam col ki duk ɦoŋ suu miɗina u suu irina, na ni miɗna seŋŋi na gaw.

NDUMBA 17:3

Ganun suu cuk mbitla his jivira vi suu warak ki kay dla coosira u iiri masirana, aŋ yowomu dliɗim ki va ma kulup kay givin ma togolla, kay nam halaŋ mbuɗ ki ni teteɗ ko asi mbaram ki fok Yawera. Nam hinni a va ma tak suu Israelna gasi humusina.»

NDUMBA 17:7

Hu li ma suuna ɓakasi ay na ni, gi Moiz u Aaron pereɗ irisi ni eg Mbutluɓ ma Tokkana na ɗow. Gola ni ɗugulla kuluɓ ki kolo kay Mbutluɓ ma Tokkana na dlum, bibiŋilla vi Yawera tak taɗ ay kiyo.

NDUMBA 18:11

Olo ni tlesuu suu Israelna ɦasi ay u min masirana an ɦaŋsina ki ni maŋ u goryoŋ halaŋ, gaɗ ndaɗta ni ta ka a mbuɗɗira, gegelay ma ka vo varaŋ ma wi tam ki teteɗna ndak a ti tle asina.

NDUMBA 3:6

«Mbaa njaf suu vi Levina ay fok Aaron, mul ma li ɓivunna, kay a asi njunum a li sunda.

GA 8ATAMBARA 10:8

Yawe yow njaf suu vi Levina ki vay dasi zeɗ a zii Zandukka Galamba vi Yawera. Asi ni suu sun Yawena, suu vunna ki paɗi kasina, ni ko ndal asi ka li cemi wandara na may.

HEBRENA 13:17

Humugi u suu fokogina, hoŋ yagi kaŋga usiya, kay asi ka saa kay ŋgus magira tew tew, lini agi hum usiya ni asi ka joɓ Lona kagiya. Asi hin li sun masira ni u furira may, li ka naɗi ni asi li sun masira ni u yoora, ni agi ka fi va huɗi may.

HEBRENA 4:15

Aygi faygi ka ni mul ŋgol ma li ɓivunna a fi wihawra kal hu maŋi maygiraɗi. Ni na ɗow ana mul ŋgol maygi ma li ɓivunna, ndemba ndemem hu tlena halaŋ ko aygi suuna na may. Na lay ni nam li co kaɗi.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

SUU KAƁAKŊA 17:12

Mika ɦal sunda maŋ goo namma. Goozoŋ namma mbuɗ ki ni a mul mam ma li ɓivunna. Nam kakŋi vo hu zina vi Mika.