Ko ndal ŋgus moŋgora coli duk ŋgusugi suu daŋŋa, galanna, ha ki coli duk ndarayam gor njufiina ni na may. An kak u ŋgusummi hurun furi cocoo, vuɗum jivi funun su tlesuu daŋŋa bel bel.
Hu li namma ni Yawe hin day ii ŋgusna koloo, humum ɗuf lay. Ŋgus namma suuna hin ŋgaam cocoo, vuɗ dlara hu mbas ndaɗtara hin li ni furira u ayra maŋ u suu Israel suu hin ndena.
Na ni ŋgusu ki suu ŋgoo bagina halaŋ hin wi ki ana an ni Yawe, ma bow ŋgusu ma coli kolona ki gana, ma col ŋgusu ma bowi gana ki kolona. So ŋgusu ma ŋgolomma kiyo, ŋgusu ma sooyna hoŋ ɗufum mayna. An, Yawe, di dlara wa ni an hin laɗ kiyo.
Na may asi paɗaɗ kiyo, gaɗ ki ga u huu ma yara, babaa ma ay u maɗiinana sooɗ vuɗuɗ ma yaki gana kiyo. Gogor koɗ ma sii cocona so kiyo, kura ŋgalam ki lay.
Na may kura col ay eg guuɗ ma ŋgolna, ŋgalaɗ gogor koɗ u vuɗuɗ ki halaŋ. Koɗ ma jivi ma ka a tokolora mulla ka oloɗi.» Ni soolla hahawra, gaɗ ni hu li ma yoora.
Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.
Ni a gi humba maŋ suu Israelna kay ana sa ma ka hu njaf ma vi Aaronnaɗina ka ndak a ɦuɗ tam ay fok Yawe a ŋgal mbul ma hisnaɗi. A gasi humusi ana ka dlara hin vasi ko Kore na oloɗi, asi ba ki u suu mamsina. Yawe di boy namma ay ki jew fun Moiz lay.
Hu li namma ni givin ma togolla ma ŋgal ɓivun ma hisna mini u lorra ka huwa. Hu li namma ni Zandukka Galamba, taɗ hori u lor huruɗu, doyra lorra u manna huruɗu, u tokolora vi Aaron ta tin ɓorara, u ɦinira ceɗira u boyna vi galamba ɓiiri kaɗu.
