NDUMBA 17:5 - Boy Lonana

⁵ Ni a gi humba maŋ suu Israelna kay ana sa ma ka hu njaf ma vi Aaronnaɗina ka ndak a ɦuɗ tam ay fok Yawe a ŋgal mbul ma hisnaɗi. A gasi humusi ana ka dlara hin vasi ko Kore na oloɗi, asi ba ki u suu mamsina. Yawe di boy namma ay ki jew fun Moiz lay.

NDUMBA 17:5 ပူးပေါင်းရင်းမြစ်များ

2 DLAŊ MULINARA 26:16

U sem ma tii ki coco namma, nam mbuɗ ŋga tam cocoo ta ta ba tam kiyo. Nam mbuɗ ka ɗegee ii Yawe, Loomma, oloɗi. Nam kal hu Ziŋ Lonara a ŋgal mbitla his jivira kay tamu.

EZDRAS 2:62

Suu asina hal sem somoyosi suu jewna may fasi kaɗi. Na ɗaŋŋi asi hin ɓak ki kasi ana asi ki njenjee, ki diki hu li ma li ɓivunna.

SOOLLA 105:26

Nam sun saam ma sunda, Moiz, u Aaron, sa nam manamma haa.

KALKIRA 16:7

Vin maɗii ni agi hin wi bibiŋilla vi Yawera kay nam humugi gurni magira egemba ha wa, ami ni me kay tami mayge? Agi gurni ni ka egemiɗi, ni eg Yawe.»

EZAYI 11:1

Na may ko sari gu ma ay gana na, mul ma daŋŋa col ay hu njaf Jese.

EZAYI 13:11

An hin kaɓakŋa kay duliyara ni kay dla co maɗta, kay suu ka wi Lonɗina ni kay ci maɗ masina. An hin daɓ ŋga tara vi suu ŋga tasina kiyo. Muli suu ŋga tasi cocona hin puk ga fok ndarayasina.

EZAYI 27:6

Hu basara ha fokka suu Yakobma sariyasi hin kal kaŋgaa, Israel mbuɗ ɓo na mbuguk mbuguk asi hin vuɗa, vuɗusi hin oy ki hu duliyara halaŋ halaŋ.

EZAYI 5:24

Ko ndal usuna kura ŋgalam kira na, ko ŋgay wana ŋgal ki duk kura na may, asi hin cim ki u sariyasi halaŋ, ɓoosi hin yak ki duk semeɗna, kay asi hin haɗta vi Yawe, ma Saɓakŋa Kom Belna, kiyo. Asi noy boy ma vi sa ma Teteɗ ma vi suu Israelna kiyo.

EZEKIYEL 16:41

Asi hin ŋgalak ziikŋa kiyo. Asi hin lak dlara gaɗta daɗta ki egekŋi ii boyogi suu daŋŋa halaŋ. An hin doorok dlaakka gawlaŋ ndaɗta kiyo. Ndak ka ndak a warak sa oloɗi lay.

EZEKIYEL 23:27

Ko ndaɗta na an hin doorok dlaakka co ndaɗta u dalam makka ndak laɗ ay hu Egipte nara kiyo. Ndak ka hin a gol irik kolo oloɗi. Humuk ka hin a gak kay dlara ndak laɗ ay Egiptera oloɗi lay.

Magaara Vi Sa Jok Vun Lona OZE 14:5

An hin suɗusi ki ko dla coosira, an hin minisi u huu ma jivina, yaanda tli ki kam wa.

NDUMBA 1:51

Lini a jok u Ziŋ Lonara kiyo ni njaf suu vi Levina hawaɗ tlesuu min zira tokka ni asiya, li ma asi cuk huna, suu vi Levina hin pi Ziŋ Lonara kolo ni asi may. Sa ma daŋ ŋgen tam ay huwa ni daŋgay mamma ni miɗna.

NDUMBA 11:1

Fali taa dew ni suuna gijaŋ gurniya. Yawe hum na ni hurum ɓeŋa. Boy namma ka irim jiviɗi. Yawe mbuɗ ki ya cocoo. Kura vi Yawera ŋgal suuna, ŋgal keŋ zi ma ki dew.

NDUMBA 16:11

Kay ndaɗta aŋ u suu maŋ suu uŋŋa halaŋ taɓagi tagi a duu u Yawe, Aaron nammi ge ba agi a duu u nam mige?»

NDUMBA 16:5

Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.

NDUMBA 17:10

«Ҥuɗugi tagi ay ki duk suu asina, an min baasi ki cem cem.» Asi goɓ vogosi ga duk ndaŋgara.

NDUMBA 17:6

Vini maɗiira wanni suu Israelna halaŋ gurni eg gi Moiz u Aaron ana, «Agiya, agi ci suu vi Yawe ki na ni kay mege?»

NDUMBA 17:8

Moiz u Aaron ɦuɗ tasi ha fun Mbutluɓ ma Tokkana.

1 KORINTNA 10:10

Gurnugi umbi, ko suu dukusi ɦiw li na ni sa sunda huulona ma ba suuna kina baasi kiyo.

JOSUWE 4:7

Agi hin dasi ana, ni kay a tak mbo lum ma Yurdanna so ki fok Zandukka Galamba vi Yawe hu li ma asi taɓa ay dukum ndolna. Mbo lumma irim ɓorow ki duku, gogoyra ndaɗta hin ki cuki ɦawaa. Gogoy ndaɗta ca ni hin ka ni a gi humba maŋ suu Israelna ha kay goryosi na gak gak.»