NDUMBA 16:5 - Boy Lonana

⁵ Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.

NDUMBA 16:5 ပူးပေါင်းရင်းမြစ်များ

SOOLLA 105:26

Nam sun saam ma sunda, Moiz, u Aaron, sa nam manamma haa.

SOOLLA 115:10

Agi suu vi Aaronna tin saa magira kay Yawe, nammi sa ma njun usina, ni mbari masina.

SOOLLA 65:4

Hu li ma coomira su kamiya, aŋ bulumumi coomira ki wa.

KALKIRA 28:1

Tay wayaŋŋa Aaron ay egeŋ u goryom halaŋ duk suu Israelna kay a nam li sunda li ɓivunna. Aaron u goromma Nadab, Abihu, Eleazar u Itamar.

KALKIRA 28:41

Aŋ cuk barawna ta wayaŋŋa Aaron u goryomu aŋ fuurusi ki u mbulna, ɦasi sunda may, lasi ki teteɗ kay asi a li sunda li ɓivunna.

KALKIRA 28:43

Aaron u goryom cuk kalasoŋ ndaɗta ni hu li ma asi a cuk hu mbutluɓma, ɗowba hu li ma asi a tuɗ eg givin ma togolla, kay a li sunda hu Li ma Teteɗna, kay ana asi fi dla cora miɗ kiɗi. Gaɗ ndaɗta ni ka gaɗta maa kiɗi, kam lay, kay njafam ma hin kana lay.

JEREMI 30:21

Mul mamma hin li ni dukugiya. Sa hin tuɗ fokogina hin vuɗ ni varamu. An ɦam voɗta nam mbaya, nam ɦuɗ tam ay egenu. Sa hin ka min a ɦuɗ tam ay egenɗina ni gege? Di na ni Yawe.

JEREMI 49:19

Ko ndal dlona col ay duk cerew ma fun lumma Yurdanna na, tuɗ irim ha kay kaana tam ki minira na, na ɗaŋŋi ko ndal iira cemekka na ni an hin ɦuɗusi ha ki egeɗ na day, an hin mbaaɗ gorzoŋŋi suu duuna ay kaɗ na zak gaw. Kay ana sa ko an nana ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

JEREMI 50:44

Ko ndal dlona ɗiŋ ay ki kolo fun lum ma Yurdanna tuɗ irim ha hu kaana tam ki minira na. Na ɗaŋŋi u cemek ira dewra an caɗ suu huruɗna kiyo. An sunuɗ gorzoŋii suu duuna ha kaɗu kay ana sa ko an na na ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

EZEKIYEL 40:46

Zi mayra vunuɗ ii mbayaw nara ni maŋ muli suu li ɓivunna suu ka li sunda hu givin ma togollana may. Nam hin di hu ana duk njaf suu vi Levina halaŋŋi, goryoŋ Sadokŋa hin cuk kalafi hu Ziŋ Lonara a sununda ni asi doy hol.

EZEKIYEL 43:19

Muli suu li ɓivunna suu Levina suu may suu hu njaf Sadokŋa, suu hin mbay egen tok a sununna, Bu Suuna Yawe, di ana, asi li ɓivun ma bulum coosira kina ki fok jew u bolo mbutlna.

EZEKIYEL 45:4

Ii li namma ki ni teteɗ, hinim ki ni maŋ muli suu li ɓivunna suu li sunda vi Yawe hu Ziŋ Lonarana. Asi hin min ziisi ni hu li namma may, li ma teteɗ ma hinim ki a min Ziŋ Lonarana may.

DLAŊ LEVIRA 10:3

Moiz di Aaron ana, «Yawe di ay ki jew jivi ana, An min ana suu a mbay egenna li u teteɗ manda. Asi ŋgaan ki ni fok suuna halaŋ.» Kay ndaɗta Aaron seŋ tam na yerek yerek.

DLAŊ LEVIRA 8:2

«Yow gi Aaron u goryomu, yow barawi suu vi muli suu li ɓivunna u mbul ma fuura, vi bolo mbutl ma li ɓivunna kay cora, yow gamlagi timigiina mba may, tli goo kaalamba fu ma bay kuffa dukumma, ɦura may.

MALASI 3:18

Na ɗaŋŋi agi hin wagi dlara duk ɦoŋ sa jivina u ma cona ki daŋgadla, duk ɦoŋ sa sun Lona u sa ka sunumbina.

NDUMBA 16:3

Asi mba mol kolo fok gi Moiz u Aaron dasi ana, «Tlaagira ndakami wa. Suu Israelna halaŋŋi teteɗ, Yawe ka ni dukusi halaŋ, agi tli tagi kolo kay suu vi Yawena na halaŋŋi kay mege?»

NDUMBA 16:6

Lagi ko wanda na aŋ Kore u suu maŋsina, yowogi ganun magisina suu ŋgal kura aya.

NDUMBA 17:5

Ni a gi humba maŋ suu Israelna kay ana sa ma ka hu njaf ma vi Aaronnaɗina ka ndak a ɦuɗ tam ay fok Yawe a ŋgal mbul ma hisnaɗi. A gasi humusi ana ka dlara hin vasi ko Kore na oloɗi, asi ba ki u suu mamsina. Yawe di boy namma ay ki jew fun Moiz lay.

NDUMBA 17:8

Moiz u Aaron ɦuɗ tasi ha fun Mbutluɓ ma Tokkana.

Boy Ma Ayra Ma JAŊ Ɓiirimma 15:16

Agi ŋgaɓan ka agiɗi, an ŋgaɓagi ni an ɗow. An cukugi ha ni ana agi tuɗ vuɗ vuɗta jivira ta ka daɓ kiɗira. Na ni, Bun hin ɦagi va ma agi hin joɓom u senna halaŋ.

SUNDA 1:2

Gak gak tew hu buu ma nam kal kolo huulona. Nam hin tok a kal kolo huulonara ni nam haɗ suu mam suu nam manasina u saɓakŋa vi Musuk Lonara.

SUNDA 1:24

Asi halaŋ cen Lona ɗaŋ ana «Aŋ sa ma wi huu suuna halaŋŋa takami sa ma aŋ manam duk suu mba' asina,

SUNDA 13:2

Fali taa dew asi tok tasi a cen Bu Suuna wanni, asi ci yoɗi lay ti vaɗi lay. Musuk Lonara dasi ki ana, «Man gi Barnabas u Sol ki kay sunda an yasi kaɗta.»

SUNDA 15:7

Asi ciwayra coco kay boy namma. Piyer col kolo zowni di ana «Gorsenna, agi wi ana Lona manan dukugi tani day day a an di Boy ma Ayra maŋ suu ka njaf suu Juifnaɗina, kay asi hum boy mamma, vi umu.

SUNDA 22:14

Nam di ana, Lona vi somoyomi manaŋ ki fok jew a aŋ wam min mamba, a aŋ wi ma Ɗegeena, aŋ hum nam daŋ ay ni u vunum gaw.

EFESNA 2:13

Cecemi hu taɓpa u Yesu Kristu agi suu li ay ki dayna mbay wa tok u miɗna vi Kristu.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

HEBRENA 12:14

Soogi tagi a lakagi u heɓpa u suuna halaŋ kay a poy jivi teteɗ, bay poyra jivi teteɗ ndaɗta bani, sa ndak a wi Bu Suunaɗi.

WIRA ŊGAYRA 1:6

Nam laygi a mulla vi muli suu li ɓivunna kay sun Lona, Bumu. Ŋgolla u saɓakŋa maŋ Yesu Kristu a fafatɗa, Amin.

1 SAMUEL 2:28

Buŋ an manam ay ki duk njaf suu Israelna halaŋ a nam li a mul ŋgol ma li ɓivunna. Nam hin kal eg givin ma togolla manna. Nam hin ɗus tlesuu his jivina. Nam hin cuk efodna, col fokonu. An ɦal tlesuu suu Israelna mbay u asi a li ɓivunnana halaŋ ki maŋ buŋu.