NDUMBA 16:33 - Boy Lonana

³³ Asi cuk hu zulla iiri u tlegeyesi halaŋ halaŋ, ndaŋgara hoŋ ha dukka kasi ni na gaw may, sesi bulum ki duk suu Israelna wa.

NDUMBA 16:33 ပူးပေါင်းရင်းမြစ်များ

SOOLLA 141:7

«Ko ndal sana zum ndaŋgara ki kolo a horokŋa na, sokosi ki njayra hu lina vi suu miɗina ni na may.»

SOOLLA 143:7

Yawe, hoŋon dira ay zak, musukun ka oloɗi. Ŋgay taŋ ki irinɗi, li ka naɗi ni anni ko suu cuk ki ga hu zulla na.

SOOLLA 55:15

Ni ma ami taɓi ko tami dewna, ami tuɗ hu Ziŋ Lonara ki ko tami dew lay.

SOOLLA 55:16

Ko ɓalakka li ha kay suu asina. Ko asi cuk hu lina vi suu miɗina iiri, iiriya kay hurusi oy u dla cora.

SOOLLA 55:23

Tin dlara caŋ nekka fok Yawe, nam hin ɦaŋ saɓakŋa, nam ka hin sa ma ɗegeena ndi kaŋgaɗi.

SOOLLA 69:15

Paɗan ki duk doroɓma ko an ŋgaa dukgi, ko an suɗ ki ko suu halanna, suɗun ki ko mbo ma hu gaalinana.

SOOLLA 9:15

Kay a an col ki fun ɦoŋzi ma Siyonna, dasi ki kay furi manda. An gaŋ deɓpa wanda, an gi soolla u furira kay aŋ suɗun ki wa.

EZAYI 14:15

Na may cemi aŋ kalni hu lina vi suu miɗina. Kalni ga day hu zul mayra uɗ derewra.

EZAYI 14:9

Lina vi suu miɗina ha ga day ni ka dlak tam a vaŋga, asi ka juɓmi buu ma aŋ kal hana. Suu ŋgolo suu kay yam mbassana halaŋ dliɗ ki koloo, muli suu laki hu dlam masira mulla yow ki kolo u sesi halaŋ halaŋ.

EZAYI 38:18

Kay ana lina vi suu miɗina ka ndak a ŋgaaŋgi. Suu cuki kaŋga hu zullana ka saa kay ɗegee maŋga oloɗi.

EZEKIYEL 31:14

«Ŋgusugi suu doŋ lummana halaŋ ma wul ŋgol ko nam na ka oloɗi. Kay ana gu ma wul ki kolo fiyek coco a ŋga tam kay ndaryamma oloɗi. Kay ana asi halaŋ hin so kiyo. Hu mbassa kaŋga ɦuɗugumba lay asi hin miɗ ki ko ndal suu warna na may, eg suu ki ga hu zullana.

EZEKIYEL 32:18

«Goŋ sanna, yoo taŋ kay suu zuli coco suu Egiptena, cukusi ni ga hu zul ŋgolla. Asi u njaf suu daŋŋa lay halaŋ. Sesi tii vasi duk suuna coco lay ni. Asi cukŋi hu zul ŋgolla uɗ ka doɗira u suu ha ki cuki fokosi hu jewna.

EZEKIYEL 32:30

«Suu ŋgolo suu ay hu mbassa mbayawra ka hu lay, suu Sidonna ka hu lay, asi ni suu ay jew suuna li ndaana ko saɓak masina cocona. Cemi ni asi ka oloɗi. Asi cuk ga hu lina vi suu miɗina u suu ɗiwisi bay cawra dew, asi dlaɓ hu zulla u suu casi ha fun duunana dew. Asi cuk hu zulla u zolo masi namma halaŋ.

NDUMBA 16:32

Mal vunuɗ ki likisi ki u suu masisina halaŋ, suu vi Korena u tlegeyesi halaŋ lay.

NDUMBA 16:34

Suu Israelna humusi tii ma kasina na ni tum liŋŋa, asi di ana, «Liŋiygi kiyo, gola ndaŋgara mbuɗ vunuɗ ay kaygi likiygi ki may.»

NDUMBA 22:33

Korra wanu, ndaɗ tuɗ ki yaɗ hindi a ŋgay taɗ ki konda, lini ndaɗ li ka gin naɗi ni an caŋ ki ni cecemi gaw, u dlara ndaɗ li nara iiri maŋga suɗ wa.»

NDUMBA 26:11

Goryoŋ Korena u tasira miɗ kaɗi.

GA 8ATAMBARA 32:22

«Yaanda col ay hurun ko ndal kura na, ŋgal ta ta tuɗ tew ay ki eg lina vi suu miɗina, ndaɗ ŋgal ndaŋgara ki u tlege suu kaɗna halaŋ. Ta ta kura tuɗ tew ay ki eg u ɦinira ay ŋgaari kaŋgara.

Magaara JUD Ɓiiriɗta 1:11

Hahawra kasiya, kay asi tli voɗta vi Kainda. Asi viɗ tasi ki u lem gursura, ko Balaam lira na may. Olo ni asi ba kini kayra asi yow kolo duuna ko Kore nara.