NDUMBA 16:13 - Boy Lonana

¹³ Cuk mayra aŋ cukumi ay ki hu mbas mayra law ki mbiira u mbul yumma mba lakami ki ŋgoo bagi hu fulla tanira ndakaŋ ka tuɗi su? Cemi olo an min ana aŋ kak a mulla kamiya?

NDUMBA 16:13 ပူးပေါင်းရင်းမြစ်များ

KALKIRA 1:11

Suu Egiptena tin suu ŋgolona kay suu Israelna, ɦasi sunda nekka, ɦeɓesi a li sunda u eŋga. Asi min ɦoŋzi ma ŋgolna maŋ Faraw ni, Pitom u Ramses.

KALKIRA 1:22

Faraw ɦal voɗta maŋ suu mamsina ana, «Kemba vuɗ wilira, gor njufiina halaŋ cukusi ki duk mbo lum ma Nilna, hin gorɓiina iiri may.»

KALKIRA 16:3

Suu Israelna dasi ana, «Lini Yawe cami ha ni hu li ma ami ay laki hu Egipte, fun doy tliw mamina ti may hoɓ lay na ni mariyaɗ, agi hin mbaarami cukumi ki ŋgoo bagi tani a suu mamisina laɓ ki ko mayra.»

KALKIRA 17:3

Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?»

KALKIRA 2:14

Sa namma hoŋom dira ana, «Sa ma kakaŋ a kaami ɓakŋa kamina ni gege? Aŋ min a can ki ko aŋ ci sa ma Egiptena kira na may su?» Moiz mbuɗ ki ndaana di ana, «Boy namma um gi ki wa ɗaŋ.»

KALKIRA 2:23

Duk ɦoŋ basara fiyek ndaɗta Faraw, mul ma Egiptena, miɗ kiyo. Goryoŋ Israelna ka yoo tasi ko lassa mbaɓura may. Asi ka yi eg Lona koloo, yiisira tew kolo eg Lona wa may.

EZEKIYEL 34:18

Agi ti hu li ma haɗ ma jivina na ni ndakagi kaɗi su? Ma hin bay ti tuna agi hin tayam ki ga u segi ni kay mege? Agi ci mbo ma ɗilina na ni ka jiviɗi su? Mbo ma hin bay sa cam tuna agi hin doɓom irim ki u segi ni kay mege?

NDUMBA 11:20

Na may ta ta tilna dew, ta ta nam mbuɗ kal ay ki cinigiya, mbuɗ bisigi ki lay. Halaŋ ca ni kay agi noy Yawe ma ka dukugina kira, agi tii ana aygi cuk ay ki hu Egipte ni kay mege?»

NDUMBA 11:4

Koyogi suu tuɗ ha duk suu Israelna, jenna lasiya. Asi gijaŋ yoo tasiya. Suu Israelna lay cuk tasi hu yoo ndaɗta, di ana, «Sa ma hin ɦaygi tliw ma komba ni gege?

NDUMBA 11:5

Humuygi gaygi kay kuluf ma aygi komom ay ki Egipte ɦawana, aygi ti kusira, bubura, patlaw ŋgolona, pazaara u tumba ni bay gusa.

NDUMBA 13:27

Asi cuɗ dla ndaɗta maŋ Moiz ana, «Ami tuɗ ay hu mbassa aŋ sunumi ha hura wa, mbas ndaɗta jivi cocoo, ni mbassa li gi mbul yumma u mbiira, gola ni vuɗ tlesuu ay huna.

NDUMBA 14:2

Suu Israelna halaŋ gurni kay gi Moiz u Aaron suu Israelna u dlasi halaŋ mba dasi ana, «Ҥaya lini ami miɗ ha ni hu Egipte ni mariyaɗ, ɗowba lini ami miɗimi ni ŋgoo bagi tani ni irimi mariyaɗ.

NDUMBA 14:3

Yawe min a tuɗumi hu mbassa a suuna cami kira ni kay mege? Boyogomi u goryomi suuna hin yowosi ki mbaɓura, mariyaɗa ni ka hoŋoygi hu Egipteɗi su?»

NDUMBA 16:12

Moiz gi sunda ana yam gi Datan u Abiram goŋ Eliyabma aya, goryoŋ Eliyabma hoŋ dira ana, «Ami ka tuɗ haɗi.

Boy Ma Ayra Ma LUK Ɓiirimma 19:14

Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.

SUNDA 7:35

«Ni nam Moiz ma suu Israelna noyom ay kina ana, sa ma kakaŋ kami a mulna a kaami ɓakŋa kamina ni gegena. Lona hin sunum a mul ma buɗusi kina ni namu. U saɓakŋa vi sa sunda huulona ma tak tam irim duk kurana.