NDUMBA 15:31 - Boy Lonana

³¹ Kay ana nam hum ka u boy ma vi Yawenaɗi, ŋgelem vun gaɗ mamba, sa namma ni cam kiyo, coom ndaɗta ni kay yam tamu.

NDUMBA 15:31 ပူးပေါင်းရင်းမြစ်များ

VUN ŊGOLNA 13:13

Sa ma ka vi vun saɗina ba ki ni ɦawaa. Sa ma hum u gaɗtana hin fi warakŋa.

2 SAMUEL 12:9

Ni kay me aŋ hin dlara Yawe daɗta ki may hin li dlara Yawe hurum vaɗ kaɗira ni nanage? Aŋ ci Uri ma Hetna ki u ŋgewna. Aŋ vam caamba mbuɗuɗ ki caaŋga. Nam tamba aŋ cam ki u ŋgew ma vi goryoŋ Amonna.

EZEKIYEL 18:20

Sa ma li dla cora, sa namma hin miɗ ni namu. Goona ka zii cora vi bunaɗi. Buna ka zii cora vi goonaɗi may. Ɗegeera vi sa ma ɗegeena hin li ni kam may. Cora vi sa ma cona hin li ni kam may.

1 TESALONIKŊA 4:8

Sa ma hum ka u boy namma ɗina, hum kaɗi ni vun saɗi, ni vun Lona ma ɦagi Musuk mambana.

SOOLLA 119:126

Ҥi, Yawe, lin ndak wa a aŋ kaɓak maŋara, asi ɓalakaŋ gaɗ maŋga cocoo.

DLAŊ LEVIRA 5:1

«Gola dlara mbaa cora kay sana ni ko wanda na, lini aŋ wi sana li dla cora iriŋu, ɗowba hum boy ma cona, aŋ tuɗ di dla ndaɗta ka kiɗi ni, co ndaɗta tokŋi kaŋu.

2 PIYER 2:21

Asi wi voɗta ɗegeera ka ginɗi ni mariyaɗ su mayra asi waɗ ki wi ni hin hoŋ ki dagan noy gaɗta teteɗta kira.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

EZAYI 53:6

Aygi halaŋŋi ko timigiina na, ay ki viɗiya, gegelay ni tli voɗta nam tuɗ hura. Yawe tokoygi dla cooygira ki kam halaŋ.

EZAYI 30:12

Kay ndaɗta ma Teteɗ ma vi suu Israelna di ana, Agi van boy manna kaɗi, agi minigi ni dlara lassa na ɗow. Agi vi kogi ni dlara ganyamba na ɗow.

SOOLLA 38:4

Tan ka ki faniɗi, ni ko yaaŋga, sokon ki tuguɗii halaŋŋi ko coonda.

DLAŊ LEVIRA 26:43

Hu li ma suu Israelna njay kina ni ndaŋgara koɗ taɗ tu may, asi may ni fi ni warak ma kay dla coosirana may, kay asi hum ka u gaɗ mandaɗi, li ka u dlara an miniɗtaɗi may.

DLAŊ LEVIRA 26:15

lini agi noyon gaɗ manda kiyo, lini agi ka min a li u kaɓak mannaɗi, lini agi hin dlara an miniɗta ki wa ni, kay ndaɗta agi bulum galam manda an vaɗ u agira ki wa.

SOOLLA 107:11

Kay asi hum ka u gaɗta vi Lonaraɗi, asi ŋgel gaɗta vi ma Kolo Dayna.

KALKIRA 30:33

Sa ma tlum mbulna varam ko namma nana, lam ki eg sa ma ɦawana, sa namma hin bulum ki duk njaf suu mamsina.»

NDUMBA 9:13

May lini sana ki teteɗ tuɗ ka ki koyɗi lay, min ka a li luu ma Pakŋaɗi, sa namma hin cam ki duk suu mamsina. Kay nam ɦal ɓivun mamma ka maŋ Yawe hu buu ma ŋgaam kinaɗira. Sa namma hin zii warak ma vi dla coombana ni namu.

GA 8ATAMBARA 17:12

Sa ma li dlara u ŋga tara ka min a hum vun muli suu li ɓivun suu Yawe Loogina tinisinaɗina, ɗowba min ka vi vun sa ma ka ii ɓakŋa aynaɗi, sa namma ni cam kiyo, agi bulum dlara co ndaɗta ki duk suu Israelna.

1 SAMUEL 3:14

Ni kay ndaɗta an suu tan ki kay ziŋ Helina, va hin a bulum cora ziŋ Helina laɗta ki na ɗow ni ka oloɗi, ɓivunna ɗowba ɦalla ɦawara lay.»