NDUMBA 15:30 - Boy Lonana

³⁰ Na may sa ma li cora ndaɗta u min mambana, lini sa ma Israelna ɗowba ŋgay ma cuki dukusina lay, ni sa namma ka duk suu mamsina oloɗi, kay nam ŋgul ni Yawe.

NDUMBA 15:30 ပူးပေါင်းရင်းမြစ်များ

URA TIN AYRA 17:14

Go njuf ma caw ɗiwim kaɗina hinim duk njafam oloɗi, dikim ki dikiya. Kay nam ɓalak ki ni galam manda.»

JOB 38:15

Na may suu li dla cora kiɗik masira ka oloɗi. Kosi ma li dlara saɓakŋa kus ki wa.

SOOLLA 19:13

Sa ma ndak a wi coomba ki kaɗi. Vaɗ huruŋ ki egen kay coonda ŋgayra.

SOOLLA 69:9

Ko an mbuɗ ii gorsenna ni ko koyna na, gorsen suu vi sunna lay ka wanɗi.

SOOLLA 74:18

Humuŋ gaŋu, Yawe, suu gonok maŋsina ka panaŋu, suu may suu laɓana ka ŋguluŋ seŋu.

SOOLLA 74:22

Ҥi, Lona, col koloo, doo kay dlaaŋga, humuŋ gaŋu, suu laɓa asina ka tuɗ fok u panda panaŋga.

SOOLLA 79:12

Suu ŋguyumi suu ka panaŋ seŋŋa aŋ warakasi u coosira seŋ kiɗisiya, Bu Suuna.

SOOLLA 89:51

Bu Suuna saa kay suu sun maŋsina ka lassa, kay suu maŋ suu aŋ ka golosina halaŋ.

KALKIRA 21:14

May lini sana guruɗ eg ndaram zina hal a cam ki u mbeleŋŋa ni, aŋ dik sa namma ki hu givin ma togolla kay nam miɗ kiyo.

KALKIRA 30:33

Sa ma tlum mbulna varam ko namma nana, lam ki eg sa ma ɦawana, sa namma hin bulum ki duk njaf suu mamsina.»

VUN ŊGOLNA 14:31

Sa ma las suu maŋina las ni malam ma lamma. Sa ma wi hahaw suu hawrana ŋga ni malasi ma lasina may.

EZEKIYEL 20:27

«Kay ndaɗta goŋ sanna tuɗ di suu Israelna, aŋ dasi ana, Bu Suuna, Yawe, di ana, somoyogi panan ay coco u dlaasira gunira.

DLAŊ LEVIRA 20:10

«Lini sana buu u caŋ ndarammara wa ni casi kiyo, sa ma li zoŋgana u cara li zoŋgara lay, casi ki jak.

DLAŊ LEVIRA 20:3

An may ni hin ɦal ŋgoron maŋ sa namma, paɗam ki duk suu mamsina, kay nam ɦal gorom ki maŋ Molek, mbuɗun Zira Tokka manda ki njenjee, ɓalakan sen ma teteɗna kiyo.

DLAŊ LEVIRA 20:6

«Sa ma mbuɗ tam gawlaŋŋa li dlara joɓ fulina, ɗowba hal suu joɓpa, sa namma an pereɗ ŋgoron mamu, paɗam ki duk suu mamsina.

NDUMBA 15:29

Gaɗta kay cora ndaɗta ni kay suuna halaŋ, lini sa ma Israelna ɗowba ŋgay ma cuki dukusina lay, kay sa ma cora paɗ komma gegelay.

NDUMBA 9:13

May lini sana ki teteɗ tuɗ ka ki koyɗi lay, min ka a li luu ma Pakŋaɗi, sa namma hin cam ki duk suu mamsina. Kay nam ɦal ɓivun mamma ka maŋ Yawe hu buu ma ŋgaam kinaɗira. Sa namma hin zii warak ma vi dla coombana ni namu.

MATIYE 12:32

Sa ɓak co kay Goŋ Sanna, coomba hin daɓ kiyo. Sa ɓak co kay Musuk Lonara, coomba ka daɓ kiɗi a fafatɗa.»

GA 8ATAMBARA 1:43

An dagi boyna, agi humun vunun kaɗi, agi ci wayra u boy ma vi Yawena, u coogi ndaɗta gak agi ɗiŋ kolo kay ɦinira.

GA 8ATAMBARA 32:27

Va ma an li ndaana dew ni kay suu babali mansina hin ŋga tasi ana, ami su kasi ni u saɓak tamira, ka hin a di ana Yawe li dla ndaɗta ni namuraɗi.

HEBRENA 10:26

Hu li ma aygi waygi gasira wi, lini aygi laygi cora na gak gaki ni, ɓivun ma yow cora kina ka oloɗi.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

2 PIYER 2:10

Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.

1 JAŊ 5:16

Lini sana wi wayamma a li cora, lini ka cora tuɗum fun miɗnaɗi, nam cenna, Lona hin ɦal iirira maŋ wayamma namma, va namma ni kay suu cora ka tuɗusi fun miɗnaɗina doy hol. May ni cora tuɗum fun miɗnara kaa, an joɓ ka ana agi cen Lona kay co ndaɗta naɗi.

1 SAMUEL 2:25

Lini sana li sulukŋa eg ndaramma wa ni Lona ndak gi ii dla ndaɗta. May lini sana li sulukŋa eg Yawe wa ni sa hin gi ii dla ndaɗta na ni gege?» Asi hum vun busi kaɗi. Ni kay ana Yawe min a casi kiyo.

1 SAMUEL 3:14

Ni kay ndaɗta an suu tan ki kay ziŋ Helina, va hin a bulum cora ziŋ Helina laɗta ki na ɗow ni ka oloɗi, ɓivunna ɗowba ɦalla ɦawara lay.»