NDUMBA 15:3 - Boy Lonana

³ Lini agi a li ɓivun ma ti jivina maŋ Yawe, ɓivun ma ŋgalam kina ɗowba ɓivun ma u yoori suu ŋgolona u suu gorina lay, lini ɓivun ma sa yi va kam yi kala, ɓivun ma sana gaɗ a lam u min mamba ɦawa na kala, ɗowba hu buu ma luuna kala agi min li ɓivunna u mbutl ɗowba u timii ɗowba u ɦu lay maŋ Yawe ni an hin hum his ma jivi namma.

NDUMBA 15:3 ပူးပေါင်းရင်းမြစ်များ

URA TIN AYRA 8:21

His ɓivun namma cuk kay Yawe na ni, nam di ana, «An ka gi vun ndaŋgara ki kay cora vi suunara oloɗi. Sana ay hu gorom day ni hurumi saara cora. An ka min a ba tlesuu irina ki ko an li wanda na oloɗi.

EZDRAS 7:17

A jivira ni aŋ hin hal yal ma gus bolo mbutlina, gamlagina, gor timigiina u tlesuu hin halasi a ɦalla ɦawarana u ɓivun ma ŋgalam ki ŋgalina, aŋ hin tuɗusi ha hu givin ma togolla hu Ziŋ Looginara hu Yerusalem.

SOOLLA 54:6

Na may Lona ni sa ma njununna, Bu Suuna ka u suu njun kanna.

KALKIRA 29:18

Aŋ ŋgal timii namma ki halaŋ hu givin ma togolla. Ni ɓivun ma ŋgalam ki maŋ Yawena. Ni fu ma ŋgalam kina ma his ma jivina maŋ Yawena.

KALKIRA 29:25

Ŋgoo dagan aŋ vasi tle asina kosiya, aŋ tuɗ ŋgalasi ki hu givin ma togolla a ɓivun ma his jivina fok Yawe, ni fu ma ŋgalam ki maŋ Yawena.

KALKIRA 29:41

Goo timii ma mbana aŋ ŋgaɗammi goona gige, aŋ li tlena hu ni ko aŋ li ma maɗiinara na may, li ɓivun ma fuɗta u ɓivunna u va ma cira, ni ɓivun ma ŋgal his jivina u fu ma ŋgalam ki maŋ Yawena.

DLAŊ LEVIRA 10:13

Agi ti tle asina ay ni hu li ma teteɗna hol kay ni ɓorow maŋŋa u ma vi goryoŋŋa hu ɓivun ma ŋgalam ki ŋgalina, ni ko Yawe u vun tamba danda na.

DLAŊ LEVIRA 27:2

«Aŋ di suu Israelna ana, lini sana suu tam ki wa ana nam min a ɦal sa war ki maŋ Yawe ni, nam ndak warak suu mamba u gursura ii bege mayra gus sa warnara.

DLAŊ LEVIRA 7:16

«Lini sana mba u ɓivun ma min duk ɦoŋga, nam yi va kam yii kala ɗowba ɦammi u min mamba ɦawa na ni, tliw namma asi ndak komom hu li namma, umba hinda hin komom vin tu may.

NDUMBA 28:27

Agi li ɓivun ma ŋgalam kina maŋ Yawe ma his jivina, bolo mbutlugina mba', gamlana dew, gor timigii suu basaɗasi dew dewna kiɗisiya may.

NDUMBA 29:8

Agi mbaa ɓivun ma his jivina fok Yawe ni ɓivun ma ŋgalam kina vi bolo mbutlna dew, gamlana dew, yow gor timigii suu basaɗasi dew dewna kiɗisiya, ni yoori suu ŋgul ka egesiɗina.

NDUMBA 6:15

Tli goo kaalamba u komnjoɗi ma bay kuffa dukumma u vaŋgasa ma gam u mbulnana, u ɦalla ɦawara zeɗ zeɗta, ni tlesuu mbulna kasina halaŋ.

MATIYE 3:17

Della ɓak ay kolo huulona ana, «Wanni goron ma an minimma. Nam irin jivi ɦay.»

2 KORINTNA 2:15

Ami ni ko his ma jivi ma Kristu ɦam maŋ Lonna na, ami ni maŋ suu ka hu voɗta suɗta, u suu ba kina lay.

2 KORINTNA 2:16

Kay suu ba kina ni his ma miɗna, ma ɦal miɗna lay. Kay suu ka hu voɗta suɗta, ni his ma iirina ma ɦal iirira lay. Sa ma ndak a li sunda ndaɗta ni gege?

EFESNA 5:2

Poy magira mba tak ki u minda ko Kristu minigira na, ɦal iiri mamba ki kaya ko ɦala ɓivun ma fayatna ii Lona na.

GA 8ATAMBARA 12:11

Ni hu li ma Yawe Loogina manam u tamba a sem tii ki huna. Agi tuɗ u tlesuu an dagi ana agi tuɗ u asiyana halaŋ, ɓivun ma ŋgalam ki ŋgalina, ɓivun magi ma kay tagina, ɦal magira ɦawara, megelay ma agi manam u min magira a ɦam ki maŋ Yawe Looginana.

GA 8ATAMBARA 12:17

Tlesuu agi ka tasi ha ki hu ɦoŋziiginaɗina ni, yam waagi ma agi ɦamma, yam sum veŋŋa, yam mbulna, gor yoori magi suu vuɗ fok jewna, mbutlina, timigiina u ɦugunina halaŋ, ɦalla aŋ ɦaɗ maŋ Lona u min maŋgara, va ma aŋ ɦam u min maŋga a njundana, tle asina halaŋ ka tasi ha ki voɗi.

GA 8ATAMBARA 12:6

Hu li namma agi hin li ɓivun ma ŋgalam ki ŋgalina, li ɓivun ma min duk ɦoŋga, ɦal yam tlegeyegi suu agi feɗesina ki maŋ Lona, li ɦal mayra aŋ ɦal u min maŋgara, ɗowba li dlara aŋ suu taŋ kaɗ a laɗta kiyo, ɦal gor yoori suu vuɗ fok jewna ki maŋ Lona, mbutlina, timigiina u ɦugunina lay.

FILIPINA 4:18

An fi tlesuu agi sununsina ayna wa halaŋ su ni suy ɗow, cecemi Epafrodit mbaaran tlesuu agi sununsina ayna ni tlena ndakan ki wa halaŋ. Ҥal magira ni ko ɓivun ma his jivina ma Lona minim, irim jivina na.