NDUMBA 15:29 - Boy Lonana

²⁹ Gaɗta kay cora ndaɗta ni kay suuna halaŋ, lini sa ma Israelna ɗowba ŋgay ma cuki dukusina lay, kay sa ma cora paɗ komma gegelay.

NDUMBA 15:29 ပူးပေါင်းရင်းမြစ်များ

NDUMBA 15:15

Agi ni suu taɓi dewna, dlaagira mba lini fun taɗ dew, suu cuki dukugina mba lini ko agi na may, ɓivun namma ni ma ka a hin kiɗina, agi lam ha fok Yawe ni na gak gak kagi agi lay kay ŋgayagi suu cuki dukugina lay basara u basara.

NDUMBA 9:14

Lini koy ma ki cuki zina dukugina min a li luu ma Pakŋa a ŋga Yawe ni, nam mba li ni u gaɗta di kay luu nammara may. Gaɗta kay luu ma Pakŋa ni fun taɗ dew, kay sa vona lay kay koyna ni na lay.»

DLAŊ LEVIRA 17:15

«Lini gegelay sa ma Israelna ɗowba ŋgay ma ki cuki dukusina kom ɦaana ɗowba tliw ma vabakŋa vamma ni mbus barawi mamsina kiyo, mbus tam ki may, nam ki ni njenje ta ta fiɗigiya, ni nam hin mbuɗ ki teteɗ.

DLAŊ LEVIRA 16:29

«Gola ni gaɗta hin ha dukugi na dindinda, hu buu ma doogona hu til ma kiɗisiyana, ni sa ti vaɗi, li sunɗi lay, lini agi suu vona ɗowba ŋgay ma cuki dukugina lay.

Boy Ma Ayra Ma LUK Ɓiirimma 12:48

Olo ni sa ma sun ma ka wi dlara malamma miniɗtaɗina, nam li dlara u min mamba wa ni, asi ka poŋom ŋgolɗi. Sa ma ɦam vana kom ŋgolna, hin joɓommi ŋgol may. Sa ma tinim kay tlena ŋgolna, hin joɓommi suwa.»

DLAŊ LEVIRA 4:2

«Aŋ di suu Israelna ana, Hu li ma sana li cora wa, ka u min mambaɗi, jak gaɗta vi Yawe taa ki wa dewe ni nam hin li ko ndaɗta na.

NDUMBA 15:28

Mul ma li ɓivunna lam ɓivun ma mbus cora kina kam fok Yawe kay cora paɗ kom ndaɗta, nam li ɓivunna kay sa namma wa ni coom ndaɗta hin bulum kiyo.

NDUMBA 15:30

Na may sa ma li cora ndaɗta u min mambana, lini sa ma Israelna ɗowba ŋgay ma cuki dukusina lay, ni sa namma ka duk suu mamsina oloɗi, kay nam ŋgul ni Yawe.

KALKIRA 12:49

Gaɗ ndaɗta ni kay agi suu vona lay, kay koy ma cuki dukugina lay.»

JOSUWE 8:33

Suu Israelna halaŋ, suu ŋgolona u suu kaɓakŋa u koyogi suu dukusina halaŋ, asi col ki keŋ Zandukka keŋeɗ jak bel. Asi ŋguy ki kay suu Levina suu ka zii Zandukka Galamba vi Yawera. Suu ta ɦiw col ay kay ɦinira Garizimba, suu hiniŋŋa col ha kay ɦinira Eballa may, ko ndal Moiz, sa sunda vi Yawe di kaɗta na ana paɗvunna ki fok jew tu ni kay suu Israelna.

1 MULINA 8:41

Lini koy ma col ay ki day ma ka hu njaf suu maŋ suu Israelnaɗi layna, mbay u seŋ ma nam humum hana,