NDUMBA 15:25 - Boy Lonana

²⁵ Mul ma li ɓivunna li ɓivun ma bulum cora kina ki kay suu Israelna halaŋ, ni coosira ndaɗta hin bulum ki may, kay ana co ndaɗta paɗ kosi ni paɗi ɦawaa, asi mbaa ɓivun masi ma his jivina maŋ Yawe wa, u ɓivun ma asi lam a bulum cora kina lay.

NDUMBA 15:25 ပူးပေါင်းရင်းမြစ်များ

DI BOLLA 5:6

Boy ma zulum cocona ni ko ndal saara aŋ saa kay tlena bolow zeɗ zeɗta na may, ka jiviɗi, mariyaɗ ni aŋ li ni ndaa Lona.

DLAŊ LEVIRA 15:15

Nam vi taa dew a li ɓivun ma bulum cora kina, ta hiŋga ni a li ɓivun ma ŋgalam ki ŋgalina may. Mul ma li ɓivunna lam ɓivun ma bulum cora kina kam fok Yawe kay tuguɗi mamba cuɗ ki egem ndaɗta.

DLAŊ LEVIRA 4:20

Nam li u mbutl namma ni ko ndal nam li ay u mbutl ma ŋgaɗam a li ɓivun ma bulum cora kina na may. Hu li ma mul ma li ɓivunna poo ki kay suuna halaŋŋa, coosira halaŋ bulum ki wa.

DLAŊ LEVIRA 4:26

Tliw ma mbulna halaŋ nam yowom tuɗ ŋgalam ki hu givin ma togolla ko nam li ma kay ɓivun ma heɓpa na may. Hu li ma mul ma li ɓivunna li wa kay sa ma fok suunana na ni, coomba bulum ki wa.»

DLAŊ LEVIRA 4:31

Tliw ma mbulna halaŋ nam yowomu, ko li ay u ɓivun ma heɓpa na may. Mul ma li ɓivunna tuɗ ŋgalasi ki hu givin ma togolla, ni his ma jivi ii Yawena, nam li wa kay sa ma li cora na ni, coomba bulum ki wa.

DLAŊ LEVIRA 4:35

Tliw ma mbulna halaŋ nam yowom ko li ay u ɓivun ma heɓpa na may, mul ma li ɓivunna tuɗ ŋgalasi kay givin ma togolla fok Yawe. Nam li dla ndaɗta kay sa ma li corana wa na ni coomba bulum ki wa.»

Boy Ma Ayra Ma LUK Ɓiirimma 23:34

Yesu di ana, «Bunu, vaɗasi coosira kiyo. Dlara asi laɗta asi ka waɗɗi.» Asi ɓorowom baraw mamma ki kosi a ci ɓelera.

ROMMA 3:25

Lona li ɓivunna ki u namu, u miɗ mamma Yesu yow cora vi suu vi umma kiyo, Lona li takka ki a wi ana nam ɗegee u jewra nam ɗil irim kay cora vi suuna.

GA 8ATAMBARA 21:21

Suu hu ɦoŋzi nammana halaŋ gikim u gogoyra cam kiyo, ni agi bulum cora kal hu ɦoŋziiginara ki wa. Suu Israelna halaŋ hin hum boy namma na ni mbuɗ ndaana.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 9:7

Mul ŋgol ma li ɓivunna nam dew kal hu mbutluɓma mbana u basara nam li yami dew. Nam kal u busu yoo ma li ɓivunna maŋ Lona kay tamba, kay cora vi suuna asi laɗ ii viɗtara.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.