NDUMBA 15:15 - Boy Lonana

¹⁵ Agi ni suu taɓi dewna, dlaagira mba lini fun taɗ dew, suu cuki dukugina mba lini ko agi na may, ɓivun namma ni ma ka a hin kiɗina, agi lam ha fok Yawe ni na gak gak kagi agi lay kay ŋgayagi suu cuki dukugina lay basara u basara.

NDUMBA 15:15 ပူးပေါင်းရင်းမြစ်များ

NDUMBA 15:29

Gaɗta kay cora ndaɗta ni kay suuna halaŋ, lini sa ma Israelna ɗowba ŋgay ma cuki dukusina lay, kay sa ma cora paɗ komma gegelay.

NDUMBA 9:14

Lini koy ma ki cuki zina dukugina min a li luu ma Pakŋa a ŋga Yawe ni, nam mba li ni u gaɗta di kay luu nammara may. Gaɗta kay luu ma Pakŋa ni fun taɗ dew, kay sa vona lay kay koyna ni na lay.»

KALKIRA 12:49

Gaɗ ndaɗta ni kay agi suu vona lay, kay koy ma cuki dukugina lay.»

GALATENA 3:28

Suu Juifna ka ɓorowi zeɗ zeɗ u njaf suu daŋŋaɗi, mborɓiina ka zeɗ zeɗ u suu vuɗinaɗi, suu njufina ka zeɗ zeɗ u boyoginaɗi lay. Agi halaŋŋi hu taɓpa u Yesu Kristura dew.

1 SAMUEL 30:25

Col ay hu buu namma gaw ni, gaɗta u dlara basira tinisi kay suu Israelna ta ta karami.

NDUMBA 10:8

Suu bu tokolom namma ni muli suu li ɓivunna, goryoŋ Aaronna. Gaɗ ndaɗta hin ha dukugi ni a fafaɗta kagi lay kay goryogi suu ka ŋgorogina lay.

DLAŊ LEVIRA 24:22

Agi lagi ni u gaɗta dewra kay sa ma Israelna ni na lay, kay sa ma cuki dukugi ŋgaynana ni ko ndaɗta na lay. Kay an Yawe, anni Loogina.»

KALKIRA 12:43

Yawe di gi Moiz u Aaron ana, «Gola ɓivun ma Pakŋa ni na. Sa ma koy ka ti ɓivun nammaɗi.

KALKIRA 12:24

Agi li u dla ndaɗta jiviya, gaɗ ndaɗta hin ka ni magi u goryogi a fafaɗta.

KALKIRA 12:14

«Buu namma ni buu ma humugi a gagi kam tew tewna. Agi hin tuɗ koy ndaɗta ni a li luuna maŋ Yawera. Ha ni na gak gakŋi ka gaɗta do ki dukgi. Agi hin li luu namma ni na gak gak.

KOLOSNA 3:11

Ni kay ndaɗta sa ma Juif kaɗi, sa ma ka Juifɗina kaɗi lay, ana sa ma ɗiwim cawina ɗowba bay cawra kaɗi lay, suu ka wi dlaɗina u suu haɗ dla kaɗina, mborɓiina u suu vuɗina, Kristu ni halaŋ hu gegelay halaŋ.

NDUMBA 18:8

Yawe di Aaron ana, «Aŋ gola an ɦaŋ yam tlesuu ɦansina ay ki manna halaŋ. Tlesuu teteɗ may suu suu Israelna ɦasi ayna halaŋ an hiniŋsina ni maŋ u goryoŋ a fafaɗta, gaɗ ndaɗta ka a bulum kiɗi.

NDUMBA 15:14

Lini ŋgay ma ki cuki dukugi day dayna, nam li min a li ɓivun ma his jivina maŋ Yawe ni, nam mba lini ko agi suu Israelna lira na may.

KALKIRA 28:43

Aaron u goryom cuk kalasoŋ ndaɗta ni hu li ma asi a cuk hu mbutluɓma, ɗowba hu li ma asi a tuɗ eg givin ma togolla, kay a li sunda hu Li ma Teteɗna, kay ana asi fi dla cora miɗ kiɗi. Gaɗ ndaɗta ni ka gaɗta maa kiɗi, kam lay, kay njafam ma hin kana lay.

JOSUWE 8:33

Suu Israelna halaŋ, suu ŋgolona u suu kaɓakŋa u koyogi suu dukusina halaŋ, asi col ki keŋ Zandukka keŋeɗ jak bel. Asi ŋguy ki kay suu Levina suu ka zii Zandukka Galamba vi Yawera. Suu ta ɦiw col ay kay ɦinira Garizimba, suu hiniŋŋa col ha kay ɦinira Eballa may, ko ndal Moiz, sa sunda vi Yawe di kaɗta na ana paɗvunna ki fok jew tu ni kay suu Israelna.

ESTER 9:27

Suu Juifna tin gaɗta kaɗ hin vaɗ ki kasiya, kay njafasi lay kay suu taɓ u asina lay, asi ka hin bay li u buu ma mba' namma hu basara tew tew ko asi tin gaɗta ki kamba na hu buu ma ŋgaamma.