NDUMBA 14:9 - Boy Lonana

⁹ Lagi yara u Yawe na ɗowɗi, lagi ndaa ko suu hu mbas ndaɗtanaɗi lay. Suu asina hin laygi tina ni asiya, asi ki ni ii faɗta, li ma asi a ŋgay hurum kaɗi. Yawe ka u aygiya, lagisina ndaarasiɗi.»

NDUMBA 14:9 ပူးပေါင်းရင်းမြစ်များ

GA 8ATAMBARA 7:18

Lagisina ndaarasiɗi, humugi gagi kay dlara Yawe magina laɗ ay eg Faraw u suu Egiptena wandara.

ROMMA 8:31

Ni aygi hin daygi ana mege? Lini Lona ni maygina ni sa hin halaygi a honira ni gege?

GA 8ATAMBARA 31:6

Lagi ndaaɗi, soogi ugi kiyo, ɓik vun dikigiɗi, dlakagi ndaa fokosiɗi. Kay Yawe Loogina ka tuɗ fokogiya, nam ka hinigi kiɗi, ka noyogi kiɗi lay.»

SOOLLA 74:14

aŋ to yam hurum ma mbuɗina kiyo, ɦam tliwim ki maŋ bayakka.

2 DLAŊ MULINARA 32:8

Ay um a duuna ni suu warna ɦawaa. Sa ma ka u aygina ni sa sunda vi Yawe, Looygina. Nam hin njun kaygi duu ni namu.» Boy ma vi mulna namma so huu suu hu ɦoŋzinana ɦasi saɓakŋa cocoo.

2 DLAŊ MULINARA 20:17

Agi ka tuɗ duu ni agiɗi. Tuɗ takagi ni tagi ɦawaa. Tuɗ cologi na ca. Agi hin wi saɓak ma vi Yawena a su kasira. Yuda, Yerusalem, lagi ndaaɗi. Ɓik vun dikigiɗi. Vin agi cukugi ki ŋgafasiya. Yawe hin tuɗ u agiya.»

GA 8ATAMBARA 31:8

Yawe hin tuɗ ha fokoŋu. Nammi sa ma ka u aŋ tew tewna. Nam ka hiniŋ kiɗi, ka noyoŋ kiɗi lay. Li ndaaɗi, hin taŋ a sa caŋgi.»

NDUMBA 24:8

Lona cukusi ay ki duk suu Egiptena. Saɓak masina ni ko vunda na. Asi ci njaf suu duu u asina kiyo, kususi sokosi ki lay, mbuuru masira vasi halaŋ halaŋ.

JOSUWE 1:5

Hu li ma aŋ ka iiri tu wanna sa ma hin col ay fokoŋ na ɗow ni kaɗi. An hin li u aŋŋi ko ndal an ay u Moizza na may. An ka laŋ dlara coɗi, an ka noyoŋ kiɗi.

SOOLLA 121:5

Yawe ni sa ma goloŋŋa, Yawe ni ŋgus ma kaŋŋa, nam ka coli bikiŋ ma njufna.

SOOLLA 14:4

Yawe joɓ tam ana, suu las ndarayasina, asina na ni, ka wi vaɗi gasi su? Suu ɗoɓ tasi ki u suu mansinana, asi tasi ki ko tlesuu tirana, asi ka goɓ Yaweɗi lay.

GA 8ATAMBARA 9:7

Humugi maa kiɗi, humugi mba gagi ana, agi ɓeŋ huu Yawe Loogina ay ŋgoo bagi hu fulla, col ay hu buu ma agi cuk ay ki hu mbassa Egiptera day ta ta hu li ma agi mba tanina, agi ay ni suu gonokka u Yawena.

GA 8ATAMBARA 1:26

Na may ni, agi min ka a tuɗ kolo hu mbas ndaɗtaɗi. Agi hum ka u boy ma Yawe Loogina dammaɗi.

DANYEL 9:9

Aŋ Bu Suuna, Loomina, oora u bulum cora ni maŋsina, kay ana ami li yara egeŋu,

GA 8ATAMBARA 32:42

Ŋgew manna hin tini tliw suuna. An hin guruɗ mbuuru manda ki u busu suuna, busu suu casina u busu suu vasi daŋgaynana. Ŋgew manna hin kaasi yam muli masisina kiyo.»

GA 8ATAMBARA 7:21

Dlak tagi ndaa kosiɗi, kay Yawe Loogina nam ka dukugiya, Lo ma ŋgol ma dlam cocona.

GA 8ATAMBARA 1:21

Gola Yawe Loogina ɦagi mbas ndaɗta wa, tuɗugi kolo ii lakagi huwa, ko Yawe Lo ma vi somoyogina dagira na, lagi ndaaɗi, hin tagi a asi su kagiɗi.»

FILIPINA 1:27

Va ma ŋgolna ni poyogi jivi taɓi u Boy ma Ayra vi Kristu, an hin tuɗ ha gologi wanni hin wi ana, lini an ka dukugiɗi lay ni agi laki saɓaki, saa magira taɓi a duu u hurugi taɓi dew hu vira agi faɗ hu Boy ma Ayra.

MATIYE 1:23

«Goowayra hin vi wiina, ndaɗ hin vuɗ goona, tinim sem ana Emmanuel,» (ni ana Lona ka u aygiya).

JEREMI 48:45

Suu liŋ a ŋgay tasi ki na loɓ ki col u ŋgus Hesebon. Na may kura njay ay ki kasi hu Hesebon sin kura col ay hu zi ma vi Sihonna. Ku ndaɗta ŋgal zigini suu Moabma kiyo, ŋgal sok yam suu li dla cora ki lay.

EZAYI 63:10

Asi ay may ni ka hum u dlara nam daɗtaɗi, asi mbuɗum Musuk mamba teteɗta yoora. Kay ndaɗta nam mbuɗ hurumu, mbuɗ ay a sa ma duurusina nam duu ay u asi ni namu.

EZAYI 41:14

Yawe di ana, li ndaaɗi njaf Yakob, agi suu suuna tayagi ki ga ko njufulna nana, an min njunugiya. Sa ma suɗugi ay kina ni ma Teteɗ ma vi suu Israelna.

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

EZAYI 32:2

Gegelay dukusi ni ko ndal ŋgusu ma kay suunana na, ni ko gi ma doo babaana na. Asi ni ko ndal mbo ma ɓaɗ kay ndaŋgara haw yona na. Ni ko ŋgus ɦini mayra kuluɓ ay kay ɦoŋzi ma faɗta ti hu cocona na.

EZAYI 1:2

Huulona, humugi haa, ndaŋgara tin humuk ha huma, Yawe ka ɓaka. An ɦal tina maŋ kemba wulusiya. Na may asi mbuɗ usi a duu u anu.

SOOLLA 91:1

Sa ma kak hu li ma Kolo Dayna ka huna, nam ma buu u ŋgus Lona ma Saɓakŋa Kom Belna.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

SOOLLA 46:7

Njaf suuna ka yal cocoo, mulla halaŋ mbuɗ ki ndaana, nam ɦal gaɗta na ni, ndaŋgara wak kiyo.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

SUU KAƁAKŊA 1:22

Dee suu vi Yosefna yow tuɗ duu u Betel, may Yawe li u asiya.

KALKIRA 33:16

Ni sana hin wi ni u me ana an u suu maŋsina fi jivira iriŋ wa nige? Lini aŋ ka dukumiya ni, an u suu maŋsina hin wi ki ana ami ki ni zeɗ u suu daŋŋa naɗi su?»

URA TIN AYRA 48:21

Israel di Yosef ana, «Cemi an miɗ ni miɗiya, Lona hin li ka u agi a hoŋogi hu mbassa vi somoyogira.

DANYEL 9:5

Ami li suluku, ami li cora, ami mbuɗ ki suu cona, suu duu u Lona, ami noyoŋ gaɗ maŋga ki lay.

GA 8ATAMBARA 1:29

An dagi anaba, «Dlak tagiɗi, lagi ndaana kosiɗi lay.

NEHEMI 4:14

Hu li ma agi hum del tokolomma wa ni, tokogi tagi ay egen tani. Looygina hin duu kaygiya.»

JEREMI 1:19

Asi hin duu u aŋu, na may asi ka ndak a laŋ va egeŋgi.» Yawe di ana, «An ka u aŋ a buɗuŋ kira.»

JEREMI 42:11

Lagi ndaa ko mul ma Babilon ma agi li ndaana komma oloɗi. Lagi ndaa kom oloɗi, Yawe di na, kay ana an ka u agi a buɗugi kira a ɓaɗagi ay ki ko saɓak mammara.

KALKIRA 14:13

Moiz di suuna ana, «Lagi ndaaɗi, lakagi jiviya, gologi suɗta Yawe hin suɗugi ki karamba. Suu Egipte suu agi wasi karam wanna, agi hin ka wasi oloɗi.

NDUMBA 13:30

Kaleb seŋ vun suu gurni eg Moizna dasi ana, «Tuɗuygiya, tlaygi mbassa, aygi ndak a su kasi ni ɦawaa.»

NDUMBA 17:6

Vini maɗiira wanni suu Israelna halaŋ gurni eg gi Moiz u Aaron ana, «Agiya, agi ci suu vi Yawe ki na ni kay mege?»

NDUMBA 20:2

Hu li namma ni suu Israelna ka fi yo ma ciɗi, kay ndaɗta asi tok ay eg gi Moiz u Aaron.

JOSUWE 14:12

Aŋ ɦan ɦini mayra Yawe ɓak ay ki fok jew kaɗ ndaɗta ɗaŋgi su? Hu coki ndaɗta aŋ hum boy namma ni u hum taŋga lay, ana li namma suu Anakŋa cuki hu ni asiya, ɦoŋzi ma saɓak cocona. Kala Yawe hin li u an a an hin kak hu li namma ko ndal Yawe dira na kalage?»

SOOLLA 46:8

Yawe, ma Saɓakŋa Kom Belna, ka u aygiya, ɦoŋziiygi ma saɓakŋa, ni Loŋ Yakobma.

SOOLLA 106:24

Asi gol mbas mayra jivi cocora ki lalasi, asi vi ka u boy mammaɗi.