NDUMBA 14:2 - Boy Lonana

² Suu Israelna halaŋ gurni kay gi Moiz u Aaron suu Israelna u dlasi halaŋ mba dasi ana, «Ҥaya lini ami miɗ ha ni hu Egipte ni mariyaɗ, ɗowba lini ami miɗimi ni ŋgoo bagi tani ni irimi mariyaɗ.

NDUMBA 14:2 ပူးပေါင်းရင်းမြစ်များ

1 MULINA 19:4

Nam tamba tin irim ŋgoo bagi hu fulla, basa kay tuɗta. Nam tuɗ kak kaŋga u ŋgus guna ki vay dam na dew. Nam joɓmi miɗna gaw di ana, «Yawe an ka ndak oloɗi, tlan iiri manda kay an ka su somoyonɗi.»

JOB 3:11

An miɗ ay ki hu buu maa an kal ay ki ga hu sunna gawɗi ni kay mege?

SOOLLA 106:24

Asi gol mbas mayra jivi cocora ki lalasi, asi vi ka u boy mammaɗi.

SOOLLA 106:25

Asi laki hu mbutluɓ masina ni gurni eg Lona, hum ka u del Yawe ta nam dasiraraɗi.

SOOLLA 106:45

Humum gam kay galamba nam vaɗ u asira u ɗegee mamba nam wasi hahawasiya.

KALKIRA 14:11

Asi di Moiz ana, «Aŋ a mbaarami ki tani na ni ndaŋgara pamira ha ka hu Egipteɗi su? Aŋ mba baami ki ŋgoo tani ni kay mege? Aŋ a lami egemi na ni dla mege?

KALKIRA 15:24

Suu Israelna gijaŋ gurni u Moiz ana, «Aygi hin cini mbo mege?»

KALKIRA 17:3

Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?»

JONAS 4:3

Cemi ni, Yawe, an ceneŋu, tlan iiri manda, kay a miɗ kira ni irin jivi sura an kak iirira.»

JONAS 4:8

Hu li ma faɗta day ay ki kolona, Lona sun semeɗ ma kuna col ay u maɗiina, faɗta gijaŋ waa yam Jonas cocoo. Jonas joɓ ana miɗna irimmi mariyaɗ. Nam ana mariyaɗ ni miɗna sura nam a kak iirira.

NDUMBA 11:1

Fali taa dew ni suuna gijaŋ gurniya. Yawe hum na ni hurum ɓeŋa. Boy namma ka irim jiviɗi. Yawe mbuɗ ki ya cocoo. Kura vi Yawera ŋgal suuna, ŋgal keŋ zi ma ki dew.

NDUMBA 11:15

Lini aŋ a lanni na ni mariyaɗ ni can kiyo. Lini aŋ wan hahawan wa ni, hinin a an zii dlara ɓeŋ huuna ko wanda naɗi.»

NDUMBA 11:5

Humuygi gaygi kay kuluf ma aygi komom ay ki Egipte ɦawana, aygi ti kusira, bubura, patlaw ŋgolona, pazaara u tumba ni bay gusa.

NDUMBA 14:1

Suuna halaŋ taɓ vunsi dew tum soora, suu Israelna halaŋ buu njeŋge ndaɗta ni u tiina.

NDUMBA 14:22

duk suu asina halaŋ suu wan ŋgol manda ki u irisina, wi dlara mbuɗ mbuɗta an laɗ ay hu Egiptera lay, u dlara an laɗ aya ŋgoo bagira lay, asi hin li dlara a tukunda ki yasi ca ni doogo, ka min a humun vununɗi,

NDUMBA 16:13

Cuk mayra aŋ cukumi ay ki hu mbas mayra law ki mbiira u mbul yumma mba lakami ki ŋgoo bagi hu fulla tanira ndakaŋ ka tuɗi su? Cemi olo an min ana aŋ kak a mulla kamiya?

NDUMBA 17:6

Vini maɗiira wanni suu Israelna halaŋ gurni eg gi Moiz u Aaron ana, «Agiya, agi ci suu vi Yawe ki na ni kay mege?»

NDUMBA 20:2

Hu li namma ni suu Israelna ka fi yo ma ciɗi, kay ndaɗta asi tok ay eg gi Moiz u Aaron.

NDUMBA 20:3

Suu Israelna hal ɦonira u Moiz. Asi di ana, «Lini ami ba ha ki ko yara vi Yawera ko gorsemina ba ha ki wanda na ni mariyaɗ.

NDUMBA 20:4

Aŋ mbaa suu vi Yawena ay ki ŋgoo bagi tani ni kay mege? Ni a ami miɗ ki u yoori mamisina halaŋga su?

NDUMBA 21:5

Suuna gijaŋ gurni eg Lona u Moiz ana, «Agi cukumi ay ki hu mbassa Egiptera ni kay mege? Ni a ami ba ki ŋgoo bagi tanira ɦawaa, kay ŋgoo tani fu kaɗi lay, yo kaɗi lay, fu ma ami tam tew tew wanna bisimi wa lay.»

1 KORINTNA 10:10

Gurnugi umbi, ko suu dukusi ɦiw li na ni sa sunda huulona ma ba suuna kina baasi kiyo.

GA 8ATAMBARA 1:27

Agi yow gurnira vo hu mbutluɓ magina di ana, «Yawe cukuygi ay ki hu mbassa Egiptera ni ko hurum ka egeygi jiviɗira, nam min a ɦaygi ki ni ko suu Amorna ɦawaa. Ni a daɓaygi kira.

GA 8ATAMBARA 9:23

Hu li ma Yawe ay hu mbassa Kades Barnea sunugi dagi ana, «Tuɗugiya, tuɗ tlagi mbassa an min a ɦagirara», agi ciwayra u boy ma Yawe Loogina damma, agi tin hurugi ka kambi, agi humum boy mamma kaɗi.

HEBRENA 3:16

Suu hum del Lona hin ŋgel humusi kina ni suurage? Ni suu Moiz tuɗ u asi hin Egipte ha kina.

Magaara JUD Ɓiiriɗta 1:16

Suu asina tew tewni ka tii tasiya furi masira kaɗi, asi lini dlara u min masira, halni ŋga tara mbaɗ ii suuna kay a fi tlena kosiya.