NDUMBA 14:19 - Boy Lonana

¹⁹ Heɓ huruŋ ki eg suu asina u min maŋga ŋgolla, ko aŋ heɓ huruŋ ay ki egesi hu mbassa Egiptera ta ta mbaarasi ki tani wanda na may.»

NDUMBA 14:19 ပူးပေါင်းရင်းမြစ်များ

1 MULINA 8:34

Aŋ ha kolo huulona day ni huma. Bulum cora vi suu Israelna kiyo, hoŋosi ay hu mbassa aŋ ɦaɗ ka maŋ somoyosira.

SOOLLA 106:45

Humum gam kay galamba nam vaɗ u asira u ɗegee mamba nam wasi hahawasiya.

SOOLLA 78:38

Lona ma wi hahaw suuna nam hin dlara casi kira tani bulumusi coosira kiyo. Nam tew tew ni heɓ yaamba gaa, nam ka tak yaamba ki kiɗik belɗi.

SOOLLA 85:2

Yawe, aŋ tak min maŋga ki hu mbas maŋga wa, aŋ hoŋ suu vi Yakob suu ay ki ŋgayrana ay vo wa.

KALKIRA 32:32

Na may cemini lini aŋ mina ni bulumusi suluk masi namma kiyo, li ka naɗi ni bulumun sen ki hu maga maŋga aŋ ɓiiriɗta.»

KALKIRA 33:17

Yawe di Moiz ana, «Boy ma aŋ dam wanna an hin li ni na may, kay aŋ fi jivira irin wa, an waŋ ki ni u seŋ halaŋ.»

KALKIRA 34:9

Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

DANYEL 9:19

Bu Suuna, hum haa, Bu Suuna, ɦami gira, Bu Suuna, min taŋu li dlaaŋga, juɓbi, ni kaŋ aŋ taŋga Loonna, kay ana seŋ ka yi hu ɦoŋziiŋŋa kay suu maŋŋa.

AMOS 7:2

Baarina ti usu ma hu mbassana ki halaŋ, an di ana, «Bu Suuna, Loonna, ɦan gira, an ceneŋu, na ni Yakob hin col fokoŋ su? Nam goo cocoo.»

AMOS 7:5

An di ana, «Bu Suuna Loonna, cola, an ceneŋu, na ni Yakob ndak a col fokoŋ su? Nam goo cocoo.»

JONAS 3:10

Lona wi ana asi hom gasi kay dla coosira asi laɗta wani, nam col ka kay saa mamba jew nam a baasi kira oloɗi, nam hinisiya.

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

HABAKUK 3:2

Yawe, an hum boy ma aŋ ɓakamma, an mbuɗ ki ndaana. Yawe li sun maŋga hu basara. Hu basara ni aŋ tak sun maŋga ki hu li ma wi hawra ana gasi aŋŋi sa wi hahaw suuna.

NDUMBA 23:21

Dlara gunira sa ka waɗ duk njaf suu vi Yakobmaɗi, lassa sa ka waɗ duk suu Israelnaɗi. Yawe Loosina ka u asiya. Vo varasi ni asi ka gi soolla geleɗ mulnara tew tew.

Magaara JAK Ɓiiriɗta 5:15

Cen mayra vi huruŋ gasira suɗ sa ma tuguɗira kiyo, Bu Suuna hin garaɗam kiyo, cora nam laɗta lay ni hin daɓamba kiyo.