NDUMBA 12:6 - Boy Lonana

⁶ Nam di ana, «Humun ki boy manna ha daŋ, lini sa ma jok vun Lona ka dukugiya ni an Yawe tak tan irimmi hu doyra ɦawaa. An njaɗ u nammi hu doyra.

NDUMBA 12:6 ပူးပေါင်းရင်းမြစ်များ

URA TIN AYRA 15:1

Ŋgoo dla mayra li ay ndaɗta, Yawe di Abram hu doyra ana, «Li ndaaɗi anni mbari maŋŋa, warak maŋŋa hin li ŋgol cocoo.»

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

URA TIN AYRA 28:12

Doyra dam ana, nam wi jaŋalana col ha kaŋga kay ndaŋgara day yam tuɗ tew ha ki kolo huulona. Nam wi suu sunda huulona ɗiŋ ha kolo hu jaŋalana hoŋi ay kaŋga may.

URA TIN AYRA 28:16

Yakob dliɗ ki kolo dliɗ ni di ana, «Yawe ka hu li namma gasi, an wi ka jew naɗi.»

URA TIN AYRA 37:5

Yosef doyra damu, nam cuɗuɗ vunuɗ maŋ gorsemma, asi tlam honira su olo.

URA TIN AYRA 37:9

Doyra daŋga hin dam olo, nam cuɗuɗ vunuɗ maŋ gorsemma ana, «Faɗta u tilna u ciciwra doogo yam dew goɓ kaŋga fokonu.»

URA TIN AYRA 46:2

Lona ɓak Israel njeŋge hu doyra ana, «Yakob, Yakob.» Israel hoŋom dira ana, «An wanni.»

2 SAMUEL 7:4

Doli ɗini njeŋge ndaɗta gaw ni Yawe ɓak boy mamma maŋ Natan ko wanda na ana,

1 MULINA 3:15

Salomon dliɗ ki koloo, doyra dammi ko ndaɗta na. Nam hoŋ hu Yerusalem, tuɗ col fok Zanduk ta Galamba vi Yawe. Nam li ɓivun ma ŋgalam ki ŋgalina u ɓivun ma mbaa heɓpa. Nam yi funa suu sun mamsina halaŋ ti huwa.

1 MULINA 3:5

Ay hu Gabaon Yawe tak tam ii Salomon duk njeŋgera hu doyra. Lona dam ana, «Joɓa, va ma aŋ min a an ɦaŋŋana ni mege?»

JOB 33:15

Nam ɓak hu doyra, hu dlara tak taɗ ii sana njeŋgera. Hu li ma suuna buuri sen ŋgolnana, hu li ma suuna buuri ga kay lay masinana.

JOB 4:13

Boy namma fanni njeŋgee, lan ndaa cocoo, hu li ma suuna buuri sennana.

SOOLLA 105:15

«Ŋgenegi suu man suu Lona fuurusinaɗi, lagi dla co eg suu jok vun Lonaɗi.»

SOOLLA 89:19

Mbari mamina ni Yawe, mul mamina ni ma Teteɗna vi suu Israelna.

KALKIRA 7:1

Yawe di Moiz ana, «Gola, an coloŋ fok Farawni ko loomma na. Wayaŋŋa Aaronni a saaŋ ma jokon vunuŋ kina may.

JEREMI 23:25

An hum vun suu jok vun Lona suu ɓak boy ma kaboyna u senna di ana, «Tlena tak tasi irinu, tlena tak tasi irinu.»

JEREMI 23:28

Sa ma jok vun Lona ma doyra damma njaɗ ni vun doy mamba. Na may sa boy manna komma ɓakam ki eg liim na ɗegee. Va ma duk ɦoŋ barra u ii wana na ni mege? Di na ni Yawe.

EZEKIYEL 1:1

Hu basara dok-hindira, hu til ma fiɗina, hu buurum ma vadlna ni an ay duk suu yowosi ha ki balna laki na tok eg mbo lum ma Kebarna, huulona mal kiyo, an wi tlesuu ha kolo huulonna.

DANYEL 10:8

An hin ki kay tan dew ɗaŋŋi gol tak mayra ŋgol ndaɗta. Saɓakan hin ka na nde oloɗi, irin mbuɗ ki zeɗ, saɓakan ka na nde oloɗi.

DANYEL 2:19

Na ɗaŋŋi Danyel hin fi u dlara mbuɗ mbuɗ ndaɗta ki u doyra hu senna njeŋgee. Na ɗaŋŋi Danyel hin gi deɓpa maŋ Lo ma kolo huulonana.

DANYEL 7:1

Hu basara jewra vi Baltazar, mul ma Babilonna, Danyel doyra damu, nam wi tlena hu liim ma buuna hu Senna. Na ɗaŋŋi nam ɓii doy ndaɗta kaŋgaa, ay hu gijaŋ maɗna.

DANYEL 8:2

An gol irin ha duk tlena wan ɗaŋŋi tli irinu ni an ki hu ɦoŋzi ma Suzna hu mbassa Elamba. An gol irin duk tlena nian ki kaki vun lum ma Ulaina.

Magaara Vi Sa Jok Vun Lona OZE 12:11

An hin ɓak u suu jok vun Lona, an hin tak tlena ki ii suuna cocoo. An hin ɓakagi ndal boy manna ki fun suu jok vun Lona.

JOEL 3:1

Ŋgoo dagan dla ndaɗta wanni, an hin njay Musuk manda ki kay suuna halaŋ. Goryogi u gorɓii magisina hin jok boyna kiyo, suu maana doyra hin dasiya, gorzoŋŋi magisina hin wi tlena.

ZAKARI 1:8

Tlena tak tasi ki irin njeŋgee, sana fuli kay kulumma tam tlaw tlawi, nam coli duk ɦoŋ ŋgusugina ha ki duk na day, kulumi suu tasi tlawina ay njari ŋgoromu, suu tlawasi haɓ haɓma u suu haɓagina.

NDUMBA 24:4

Ni boyna vi sa ma ka hum boy ma vi Lonna. Ma wi boy ma sa ma saɓakŋa ka takammana. Hu li ma nam buuri gana liŋirira, irim mal kiyo.

MATIYE 1:20

Nam ka saa kay boy namma may ni, sa sunda huulona mba dam doyra ana, «Yosef, goŋ Davidna, li ndaa a vi caaŋga Mari varaŋgaɗi, vaɗ wiina huruɗ ni Musuk Lonara.

MATIYE 2:19

Herod miɗ ki miɗ ni, sa sunda huulona hoŋ di doyra maŋ Yosef hu mbassa Egipte,

MATIYE 23:31

Agi tagira wi ki ana agi ni goryoŋ suu ci suu jok vun Lonna kina.

MATIYE 23:34

Agi hum haa! An hin sunugi suu jok vun Lonna u suu wi yal boyna u suu wi magaara aya. Agi hin ci suu ki ɦiw, hin ɓal suu taa ki ɦiw hu gu ma garakgina may, suu daŋŋa agi hin poŋosi hu Zira Tokka may, agi hin cuɗusi usi ɦoŋzina halaŋ may.

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.

MATIYE 27:19

Pilat kaki hu li ɓakŋa na ni, caamba sun sa maa ay dew, dam ana, «Lagi va eg sa nammaɗi. Doyra dan ka njeŋge u nam cowaɗi.»

Boy Ma Ayra Ma LUK Ɓiirimma 1:11

Sa sunda huulona ndi ki ii Zakari. Nam coli hu givin ma togolla bik njufna hu lii ŋgal mbul ma his fayatna.

Boy Ma Ayra Ma LUK Ɓiirimma 1:22

Nam kal ay ki wanni, ka ɓakasi oloɗi. Suu molina wi ana va ndi ay ki irim hu Ziŋ Lonara wa. Nam dasi u komu, vunum ka ɓakgi.

Boy Ma Ayra Ma LUK Ɓiirimma 20:6

Aygi di wa ana, Suuna sunum ay ni asiya ni, asi suuna hin yow gogoyra kosi a duuruygira, hin caygi ni na gaw may.» Kayme suuna halaŋ wi ana Jaŋŋi sa jok vun Lona ma gasina.

SUNDA 10:11

Nam gol irim ha kolo na ni, huulona mal kiyo, vana ay giɗi u ladarana keŋem fiɗi ndi ay kaŋgaa.

SUNDA 10:17

Piyer saa hurum ɗaŋi ana u boy va ma tak tam irim namma ni a va mege? Hu li ma namma na ni suu Korniye cukusi ay sundana ka joɓ ay kay ziŋ Simonna may ni, asi coli doli ni fun ziim gaw.

EFESNA 4:11

Sa ma ɦal ɦala maŋ suunana suu ɦiw nam ɦasi a suu vovoɗta, suu hiŋŋa a suu jok vun Lona, suu ɦiw a suu di Boy ma Ayra, suu ɦiw a suu pastergina, u suu haɗ suuna.

GA 8ATAMBARA 18:15

Yawe Loogina hin sunugi sa ma jok vun Lona ko an nana ay dukugiya, ni duk gorsegina tok, sa namma agi hin humummi vunumu.

GA 8ATAMBARA 18:18

An hin ɦasi sa ma jok fun Lona ko aŋ nana aya, ni duk gorsesina tok. An hin kalam boy manna ay funumu, nam hin dasi ki ni dlara an damba ana nam dasira kiyora.

HEBRENA 1:1

Ay jewra Lona ɓak somoyoygi sem bolowo. Di suu jokom vunumma u yal ma daŋŋa zeɗ zeɗ lay.

WIRA ŊGAYRA 11:10

Suu hu ndaŋgarana hin li furira ŋgolo kay maɗ suu mba' asina. Asi hin li ayra ŋgolo ɦal tlena maŋ tasi lay, kay ana suu jok vun Lona suu mba' asina ɓeŋ ndaŋgara ki cocoo.

WIRA ŊGAYRA 11:3

An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.

1 SAMUEL 28:6

Sol joɓ Yawe, may Yawe hoŋom dira kaɗi, ka u doyra diraɗi lay, ka u Urimɓi lay, ka fun suu jok vun Lonaɗi lay.

1 SAMUEL 3:15

Samuel hin kaŋga buuri ta ta maɗiiya. Nam hin mal vun ziŋ Yawera ki ɗaŋ. Samuel li ndaana kay a jok boy namma ki maŋ Heli.

1 SAMUEL 3:21

Yawe tuɗ fok u takka tak tam irisira hu Silo. Yawe gasi daŋ may ni tak tam ki ii Samuel hu Silo u boyna vi Yawena.