Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»
Kala, Yawe, Looŋŋa, hum boy ma sa ma ŋgol kaŋŋa vi suu Asirina ma mul mamma damma ayna wa, sunum ay a ŋgul Lo ma iirina, a kaam ɓakŋa kam kay boy ma co ma nam damma ko Yawe Looŋŋa humba na. Aŋ cenem kay u suu hin ka nde wanna.»
Mulna Sedesiyas sun Yehukal, ma goŋ Selemiyana, u mul ma li ɓivunna Sefaniya, ma goŋ Maaseyana eg sa jok vun Lona, Jeremi, dam ana, «Joɓ ay kamiya, an ceneŋu aŋ joɓ Yawe, Loomina, ay kamiya.»
eg sa jok vun Lona, Jeremi, dam ana, «Hinimi voɗta ami tii tami egeŋu. Tii taŋ ha eg Yawe, Looŋŋa, kay umira hin ew wanda. Gasi ami suu hin iirina ni ew ɦawaa, may ami li ay jew ni bolowo. Aŋ wi dla ndaɗta lay.
Suu Israelna mbay eg Moiz dam ana, «Ami li coo, hu li ma ami gurni eg Yawe may, gurni egeŋ mayna. Aŋ cen Yawe nam ɦuɗumi guyugina ha ki egemiya.» Moiz cen kay suuna.
Yesu ni mul ŋgol maygi ma li ɓivunna ma aygi vi umma. Nam sa ma teteɗ ma bay cora egemma, cora na nde lay ka egembi, duk ɦoŋom taɓ ka u coraɗi, tlam ha ki kolo huulona ma dayna.
Lini sana wi wayamma a li cora, lini ka cora tuɗum fun miɗnaɗi, nam cenna, Lona hin ɦal iirira maŋ wayamma namma, va namma ni kay suu cora ka tuɗusi fun miɗnaɗina doy hol. May ni cora tuɗum fun miɗnara kaa, an joɓ ka ana agi cen Lona kay co ndaɗta naɗi.
