NDUMBA 10:9 - Boy Lonana

⁹ Hu li ma agi tew ki hu mbas magira wa lini suu babali magisina mba halagiya, agi a tuɗ duu u asira ni yi tora duuna, buugi tokolomma may. Ni, an Yawe humun hin gan ay kagiya agi hin suɗ ki ko suu babali magisina.

NDUMBA 10:9 ပူးပေါင်းရင်းမြစ်များ

URA TIN AYRA 8:1

Lona saa kay Nowa u yoorina u mburi suu um hu lumbana, nam saa kasiya. Nam sii semeɗna kay ndaŋgara, mbona gijaŋ hoŋ kaŋga ni na gaw.

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

2 DLAŊ MULINARA 13:14

Suu Yudana mbuɗ irisiya ni duuna col ay ŋgorosi dagan may, fokosi may. Asi yi kolo eg Yawe. Muli suu li ɓivunna bu tokolomma may.

SOOLLA 106:4

Hu li ma humuŋ gaŋ ay kay suu maŋsina wa ni aŋ saa ay kan may Yawe. Aŋ a suɗusi kira ni gol iriŋ ay kan may.

SOOLLA 106:42

Suu babali masisina lasasiya, asi ɦeɓesi a asi hum usiya.

SOOLLA 136:23

Hu li ma ay coli gana humum gam kaya kay ɗegee mamba ka ni na gak gak,

EZAYI 18:3

Agi suuna halaŋ suu zuli kay ndaŋgarana, hu li ma suu duuna njaa ay kay ɦinira kolo tana wa ni, agi gologiya. Hu li ma tokolomma buwa ni agi humugiya.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

JEREMI 4:19

Hurunu, hurunu, an torɗi tan ko tiitara. Mugulun mbuɗ tuɗ na zak zak. Hurun ki mbuɗi yara. An ka ndak a seŋ tanɗi kay ana an hum del tokolom ma duuna.

JEREMI 4:21

An hin wi tlesuu duuna ta ta buuna gage? An hin hum del tokolom ma duuna ta ta buuna gage?

JEREMI 4:5

Yagi ha kolo hu Yuda, ɓakagi ha maŋ suu Yerusalemma asi hum may. Buugi tokolomma hu mbassa. Yagi ha kolo u delegira ŋgolla dagi ana, tokogi tagi a kalagi hu li ma eŋŋa.

JEREMI 49:2

Na ɗaŋŋi Yawe di ana buuna ka mbaa, ma suu Amonna hin tum tiina hu Rabbana, tii ma duuna. Ndaɗ hin mbuɗ ki ni li ma hahawra, ɦoŋziiɗ ma kiɗikka hin ŋgalam kiyo. Israel hin ti jo ma vi suu taɗ jooɗnana, Yawe di na.

JEREMI 6:1

Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.

JEREMI 6:17

An tin suuna a gologiya. Ko kaki jekjeke a hum del tokolomma. Na may ni asi di ana, «Ami ka gol tami jiviɗi.»

EZEKIYEL 7:14

Asi hin bu tokolomma. Suuna hin min tasiya. Na may sa ma tuɗ ki a duu kaɗi lay. Kay ana yaanda ɓalak begera hu mbassara ki ni halaŋ.

Magaara Vi Sa Jok Vun Lona OZE 5:8

Buugi tokolomma ha hu Gibea, tokolomma hu Rama, gagi dlara hahawra ha kay Bethel ta kura, asi ka vaŋ ay ŋgoroŋ dagan Benjamin.

DLAŊ LEVIRA 23:24

«Di suu Israelna, hu buu ma jewna ni hu til ma kiɗisiyana ni buu ma agi koɗ tagi huna, ni buu ma gi humba, ni buu ma agi tok tagi a ŋga Yawena, ni tokka teteɗta.

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

SOFONI 1:16

Ni buu ma tokolomma hin buna, suuna hin yi kolo a duu u ɦoŋzi ma saɓakŋa, u zigini suu fiyek mini kolo keŋ gulumunnana.

NDUMBA 31:6

Moiz sunusi a tuɗ koyra ni na suu buɓ buɓ u njaf suu Israelna halaŋ. Nam sunusi na ni gi mul ma li ɓivunna, Pinhas, ma goŋ Eleazarna, usi may, nam tuɗ ni u tlesuu teteɗ suu hu Mbutluɓ ma Tokka komu, u tokolomma a yi suu duuna kom may.

1 KORINTNA 14:8

Lini suu bu diffa duuna buuɗ ka ki jivi a yi suunaɗi, sa hin min tam kay yara ni gege?

GA 8ATAMBARA 20:1

Hu li ma agi cuk ki a duu u suu babali magisina, lini agi wi kulumina u puspus ma kulumina bolow coco lay ni, lagi ndaa kosiɗi. Kay Yawe Loogina ka u agiya, nammi sa ma cukugi ay ki hu mbassa Egiptera.

JOSUWE 6:5

Hu li ma dif gamlagina buwa, agi hum del difina wa ni, suu Israelna halaŋ tum soora, ni gulumun ma ŋguy kay zinana hin bow ay ki ga kay tamu. Suu Israelna gegelay ni kal ha ni fokom ɗegee hu li ma nam coli huna gaw.»

SUU KAƁAKŊA 10:12

suu Sidonna, Amalek u suu Madiyanna lasagina ni agi yangi kolo na ni an hin suɗugi ka kiɗi su?

SUU KAƁAKŊA 10:8

Suu asina las suu Israelna suu ii u maɗiina ŋgoo lum ma Yurdanna ta ta basara doogo yam kalavandi. Suu ha cuki ŋgoo lumma hu mbassa vi suu Amonna hu Galaadna bel.

SUU KAƁAKŊA 2:18

Hu li ma Yawe manasi suu kaɓakŋa fokosina ni, Bu Suuna ka u sa ma kaɓakŋa hu li nammana. Nam buɗusi ki ko suu babali masisina hu li ma sa kaɓakŋa ka iiri tuna halaŋ. Kay Yawe humusi tii masi ma ko suu babali suu ka lasasina. Yawe humusi yoo masira.

SUU KAƁAKŊA 3:27

Hu li ma nam tew vo may ni nam bu tokolomma kay ɦinira Efrayimba. Suu Israelna ɗiŋ ay ki ga kay ɦinira u namu. Nam ay fokosi a ŋgol masira may.

SUU KAƁAKŊA 6:34

Musukka vi Yawera mba kay Gedeon, nam bu tokolomma dee suu vi Abiyezerna yasi ay a asi tuɗ kay ceremu.

SUU KAƁAKŊA 6:9

An suɗugi ay ki ko suu Egiptena ki ko suu lasagina halaŋ halaŋ, an dikigisina ki fokogiya, an ɦagi mbas masira kiyo.

1 SAMUEL 10:18

Nam di goryoŋ Israelna ana, «Na ɗaŋŋi Bu Suuna, Lona vi suu Israelna ɓak anaba, Anni sa kal Israel ay ki hu Egiptena, ɓaɗagi ay ki ko Egipte lay ko muli suu lasagina lay halaŋ halaŋ.