NDUMBA 10:33 - Boy Lonana

³³ Asi yow ha u ɦinira vi Yawera, tuɗ ta ta buuna hindi, Zandukka Galamba vi Yawera ka tuɗ fokosi hu buu ma hindi namma may, a takasi li ma asi hin vi ziisi huna.

NDUMBA 10:33 ပူးပေါင်းရင်းမြစ်များ

SOOLLA 95:11

Hu yaanda an suu tan ana, «Asi ka a cuk hu liin ma koɗ taraɗi.»

KALKIRA 19:3

Na may Moiz ɗiŋ kolo kay ɦinira a ŋgaf u Lona. Yawe yam ay kolo kay ɦinira dam ana, «Aŋ di goryoŋ Yakobma ana, Haɗta wanda aŋ jokoɗ ha ki maŋ goryoŋ Israelna.

KALKIRA 3:1

Moiz a taa yoori suu vi kunumma, Jetro, mul ma li ɓivunna vi suu Madiyanna wanni. Nam a tuɗ yoorina ki ŋgoo bagi hu fulla tew eg ɦini mayra vi Lonara hu Ҥinira Horebba

EZAYI 11:10

Hu buu namma ni mul ma wilina col ay hu njaf David ma goŋ Jesena hin col ki fok suuna a va ma suuna wam halaŋŋa. Njaf suuna halaŋ hin halamu, daŋ may mamba hin lini bibiŋilla.

EZAYI 28:12

Nammi sa ma dasi ana, «Gola ni koɗ tara ɗaŋ, hin sa ma ki loɓina koɗ tamu, musukka cuk ga wa.» Na may asi ka min a humbi.

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

JEREMI 3:16

Hu coki ndaɗta hu li ma asi zul ki bolow coco hu mbassa wa ni, Yawe di ana, sa hin ka di ana, «Zandukka Galamba vi Yawera» oloɗi. Dlaɗ hin ka li kay sa dewɗi lay. Sa hin ka yaɗ seɗɗi lay. Sa hin ka saa ana ndaɗ ka dukuygiɗiraɗi lay. Sa hin ka hoŋoɗ lira oloɗi.

JEREMI 31:2

Na ɗaŋŋi Yawe ɓak anaba, ay hu fulla suuna suɗ ay ki ko sin ŋgewra hin fi jivi manda. Israel hin hoŋ ki goowayra balamaɗu.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

EZEKIYEL 20:6

Hu buu namma ni an suu tan tli kon kolo dasi ana an hin cukusi ay ki hu mbassa Egiptera. Tinisi irisi hu mbassa an goloɗ ay ki min a cukusi hura, ni mbas mayra law gi mbiira u mbul yumma, mbassa seɗ tii ki su ndaryaɗ mbassa halaŋga.

NDUMBA 10:12

Suu Israelna yow ay ŋgoo bagi hu mbassa Sinayra gegelay tuɗ ni u deeresiya deeresiya ko gaɗta dira na. Ɗugulla tuɗ col fokosi ŋgoo bagi hu mbassa Paranda.

GA 8ATAMBARA 1:33

Nam ma ka tuɗ fokogi a halagi li ma kakŋa, njeŋge ni nam tuɗ fokogi u kura a takagi voɗta, faali ni nam li ɗugulla kagi a ŋgusna.

GA 8ATAMBARA 31:26

«Vagi magaara gaɗ ndaɗta, gagira ha na tok eg Zandukka Galamba vi Yawe Loogina. Ndaɗ ni a vara di ki kagira.

GA 8ATAMBARA 9:9

Hu li ma an ɗiŋ kolo kay ɦinira a vi ɦini mayra gaɗta ɓiiri hura, ɦinira Yawe vi galamba ay u agira, an kak ay kolo kay ɦinira buuna dok-fiɗi ka ti fuɗi lay, ci yoɗi lay.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.

JOSUWE 4:7

Agi hin dasi ana, ni kay a tak mbo lum ma Yurdanna so ki fok Zandukka Galamba vi Yawe hu li ma asi taɓa ay dukum ndolna. Mbo lumma irim ɓorow ki duku, gogoyra ndaɗta hin ki cuki ɦawaa. Gogoy ndaɗta ca ni hin ka ni a gi humba maŋ suu Israelna ha kay goryosi na gak gak.»

SUU KAƁAKŊA 20:27

Suu Israelna joɓ Yawe. Hu li namma ɗaŋŋi, Zandukka vi Yawera ka tini huwa.

1 SAMUEL 4:3

Suuna hoŋ hu kaŋ masina. Suu basi suu Israelna di ana, «Ni kay me Yawe hin suu Filistinna poŋoygi karam na nige? Tuɗuygi halaygi Zandukka Galamba vi Yawera ha hu Silo. Hoŋoygira ay dukuygiya a ndaɗ suɗuygi ki ko suu babali maygisina.»