NDUMBA 10:10 - Boy Lonana

¹⁰ Hu buu ma agi a li furira ko ndal luu ma vun tilna na, ɗowba luu ma daŋŋa, buugi tokolomma hu li ma agi a li ɓivun ma ŋgalam kina u ɓivun ma mbaa heɓpana. Ni, an humun hin gan kagiya. Anni Lona, Yawe magina.»

NDUMBA 10:10 ပူးပေါင်းရင်းမြစ်များ

SOOLLA 81:3

Gagi soolla luuna, buugi dadarina u diŋŋa u tlesuu luuna zeɗ zeɗ.

1 TESALONIKŊA 4:16

Bu Suuna u tamba vaam ma tak kina kaa, del sa sunda huulona ma ŋgolna u del tokolomma vi Lona hin buwa, Bu Suuna u tamba hin mbay kaŋga hu ɗugulla, suu miɗ hu sem Kristuna hin paɗ ki kolo jew ni asiya.

NEHEMI 12:35

duk goryoŋ muli suu li ɓivunnana u tokolomma ni Zakari ma goŋ Yonatanna goŋ Semayana, goŋ Mataniyana, goŋ Mikayana, goŋ Zakurna, goŋ Azafna,

EZDRAS 3:10

Na ɗaŋŋi suu minda gi u Ziŋ Yawera kaŋga, hu li ma asi ka tin suu li ɓivunna u baraw masira egesiya, bu tokolomma lay, tin goryoŋ Azaf bu darina usi lay, a asi ŋga Yawe u gaɗta David mul ma Israelna ɦaɗta.

2 DLAŊ MULINARA 29:28

Suu tokkina halaŋ goɓ kaŋgaa. Suu soolla tuɗ fok u soolla gak may. Suu bu tokolomma buum may ta ta hu li ma ɓivun ma ŋgalam ki ŋgalina daɓ ki tuwa.

2 DLAŊ MULINARA 29:26

Hu li ma njaf suu vi levina fi liisi ki u tlegeyesi halaŋ suu David lasi kana, muli suu li ɓivunna njaa ki u tokolomma may.

NDUMBA 10:9

Hu li ma agi tew ki hu mbas magira wa lini suu babali magisina mba halagiya, agi a tuɗ duu u asira ni yi tora duuna, buugi tokolomma may. Ni, an Yawe humun hin gan ay kagiya agi hin suɗ ki ko suu babali magisina.

SUNDA 10:4

Nam wi sa sunda huulona na ni tam mbuɗ ndaana, nam joɓom ana, «Nanage Bu Suuna?» Sa sunda huulona hoŋom dira ana, «Lona vaŋ cen maŋga wa, u njunda aŋ ka njun u suu hawra ni nam humum gam ay kaŋ wa.

MATIYE 11:28

«Mbaagi ay egenu agi suu nekka cagina, an koɗogi tagiya.

SOOLLA 89:15

Dlam maŋga mulla huruɗ ni jivira u ɗegeera, gasira u ɗegeera ka tak ki hu dlara aŋ laɗta halaŋ.

2 DLAŊ MULINARA 7:6

Muli suu li ɓivunna col ki hu liisi ma sunda halaŋ. Njaf suu vi Levina ka u tlesuu bura kosi may a geleɗ Yawera, tle asina lasi ka ni mulna David a geleɗ Yawera ana, «Kay ɗegee mamba ha ni na din din.» Hu li ma David ŋga Lona u tle asina ni muli suu li ɓivunna bu tokolomma gaw may. Suu Israelna halaŋ yow ki kolo u sesiya.

1 DLAŊ MULINARA 16:42

Suu asina ni Heman u Yedutun. Asi u tokolomma kosiya, tlesuu bura kosi a tuɗ u soolla geleɗ Lonara. Goryoŋ Yedutunna hinisi ki ni a kak vun grekŋa.

1 DLAŊ MULINARA 15:28

Suu Israelna halaŋ tli Zandukka Galamba vi Yawera, tum soora uɗ may, bu tokolomma may, bu diffa may, bu diŋ ma zewem kalavandina may.

1 DLAŊ MULINARA 15:24

Suu li ɓivunna Sebaniya, Yasafat, Nataneyel, Amasay, Zekari, Benaya u Eliyezer bu tokolomma fok Zandukka vi Lonara. Obed-Edom u Yeliya ni suu gol u Zandukka.

JOSUWE 4:7

Agi hin dasi ana, ni kay a tak mbo lum ma Yurdanna so ki fok Zandukka Galamba vi Yawe hu li ma asi taɓa ay dukum ndolna. Mbo lumma irim ɓorow ki duku, gogoyra ndaɗta hin ki cuki ɦawaa. Gogoy ndaɗta ca ni hin ka ni a gi humba maŋ suu Israelna ha kay goryosi na gak gak.»

NDUMBA 29:1

«Buu ma jewna hu til ma kiɗisiyana ni agi lagi tokka teteɗta. Agi ka li sunda nek hu buu nammaɗi, buu namma kagi ni a buu ma ci luluura.

DLAŊ LEVIRA 23:24

«Di suu Israelna, hu buu ma jewna ni hu til ma kiɗisiyana ni buu ma agi koɗ tagi huna, ni buu ma gi humba, ni buu ma agi tok tagi a ŋga Yawena, ni tokka teteɗta.

KALKIRA 28:29

Hu li ma Aaron a kal kalafi hu Li ma Teteɗna ni nam gaɓ goo mbumbu ma kaɓak namma gudikimu sem njaf suu Israelna hu halaŋ. Ni kay ana an, Yawe maa ki kagiɗira.

WIRA ŊGAYRA 22:17

Musuk Lonara u Cara vi Goo Timiina di ana, «Mbaya.» Sa ma hum boy ma namma di ana, «Mbaya,» na may. Sa ma laara camma nam mbaya, sa ma min yo law iirirana nam fam ɦawaa.

1 TESALONIKŊA 4:18

Ɗiligi irigi duk tagi u boy namma.

1 KORINTNA 15:52

Kak na ew aŋ cemek iriŋ na ni, diffa daganda hin buwa. Hu li ma ndaɗ buwa ni suu miɗina halaŋ hin mbuɗ ki iiriya ka a miɗ oloɗi, aygi halaŋ hin mbuɗ kiyo.

EZAYI 27:13

Hu buu namma ni tokolom ma ŋgolna hin buwa. Suu may suu ay ki viɗi hu mbassa Asirira hin mbay kiyo u suu may suu ɗikisi ay ki hu mbassa Egiptera lay. Asi hin mba goɓ ga fok Yawe, kay ɦini mayra teteɗta hu Yerusalem.

SOOLLA 150:3

Geleɗem u bu diffa, geleɗem u bu diŋŋa,

KALKIRA 30:16

Aŋ vi gursu namma ko suu Israelna halaŋ, cukum hu zi mayra tokka hu mbutluɓma, ni kay a li sunda hu mbutluɓma u namba. Gursu namma hin fok Yawe ni a gi humba kay va ma agi ɦam a va ma mbuɗ iiri magirana.»

NDUMBA 28:11

«Hu buu ma jewna vi tilna tew tew ni agi li ɓivun ma ŋgalam kina fok Yawe, mbaa bolo mbutlugina ay mba', vi gamlana ay dew, yow gor timigii suu basaɗasi dew dewna ay kiɗisiya may halaŋŋi yoori suu bay ŋgulla egesina.

1 SAMUEL 20:5

David di Jonatan ana, «Gola vinni vun tilna. An hin kak eg mulna a ti tina. Na may aŋ hin hinin an tuɗ ŋgay duk bubura ta ta fiɗigi siwiya.

2 MULINA 4:23

Nam joɓoɗ ana, «Ndak min a tuɗ varam cemi ni kay mege? Ka buu ma tilna a dayraɗi may, ka buu ma koɗ taraɗi may nige.» Ndaɗ hoŋom dira ana, «Li ndaaɗi, boy kaɗi.»

JOSUWE 6:4

Muli suu li ɓivunna na kiɗisiya yow difi mek gamlagina kosi na kiɗisiya may, tuɗ ha fok Zandukka Galamba. Hu buu ma kiɗisiyana ni agi suu asgaana u muli suu li ɓivunna hin ŋguy yam ɦoŋzina segi na kiɗisiya. Muli suu li ɓivunna hin bu diffa may.

SOOLLA 81:4

Buugi tokolomma hu til ma wilina, hu buu ma luuna hu li ma tilna ki haɓma.