NDUMBA 1:50 - Boy Lonana

⁵⁰ Aŋ ɦasi sun masira ni kay tlesuu kalafi hu Ziŋ Ҥinira Gaɗta. Tlesuu li sunda huna halaŋ, tlesuu min zi ndaɗta u asina halaŋ. Asi li sunda hu halaŋŋi asiya, ŋguy ziisi ni kay Ziŋ Lonara gaw may.

NDUMBA 1:50 ပူးပေါင်းရင်းမြစ်များ

2 DLAŊ MULINARA 24:6

Mulna hin yi mul ŋgol ma li ɓivunna, Yoyoda, ha egem dam ana, «Aŋ vi hum suu vi Levina ka kay a asi tuɗ taa gursura ay hu mbassa Yudara u Yerusalem ta Moiz sa ma sun Lona u suu Israelna tin taa ndaɗta a min mbutluɓmaranaɗi ni kay mege?

NEHEMI 12:22

Hu cokira vi Eliyasibpa, vi Yoyadara, vi Yohananda, vi Yaduara, suu Levina suu malayaŋ zina u muli suu li ɓivunna ɓiirisi sesi ki kaŋga ta ta tew ki hu tira Dariyus ma Persna ti mullara.

NEHEMI 12:47

Gegelay ma Israelna hu cokira vi Zorobabel u Nehemira ɦal tlesuu ɦasi ki maŋ suu gi soolla u suu kak fun zira hu buuna tew tew, tlesuu hini ki maŋ muli suu li ɓivunna, suu Levina ɦal tlesuu hinisi ki maŋ muli suu li ɓivunna, goryoŋ Aaronna may.

NEHEMI 12:8

Suu Levina ni, Yekua, Binuy, Kadmiyel, Serebiya, Yehuda, Mataniya, nam u gorsemma sunusi ni kay gi soolla geleɗta.

NEHEMI 13:22

An di suu Levina olo ana asi mbuɗ tasi ki teteɗ a mbay gol vun grekŋa a li u buu ma Sabatna may. Kay dla ndaɗta may ni humuŋ gaŋ kanu, Loonna, wan hahawan u ɗegee maŋga ŋgolla.

NEHEMI 13:5

Nam min zira ŋgolla. Asi ay jew cuk tlesuu ɦasi ki ɦalla ɦawarana huwa, mbitla, tlesuu sunda, nus fuɗ wa ble ma doogona, sum veŋ ma wilina u mbulna suu ɦal voɗta ki kasi maŋ muli suu li ɓivunna, suu gi soolla u suu kak fun zira u tlesuu yowosi ay maŋ muli suu li ɓivunnana lay.

SOOLLA 122:4

Njaf suu Israelna halaŋ ka ni huwa, ni njaf suu vi Yawena, ko gaɗta vi suu Israelna dira na kay a geleɗ sem Yawera.

KALKIRA 31:18

Hu li ma Bu Suuna daɓ boy mamma njaɗta maŋ Moiz ay kolo kay Ҥinira Sinayra daɓmi, nam ɦam ɦinira ceɗira mba' ta gaɗta ɓiiri kaɗta, ta Lona u tamba ɓiiriɗ ayra.

KALKIRA 38:21

Gola ni bassa basaɗ kay a min mbutluɓmara kay Zandukka Galamba. Asi ndum tlena halaŋ ko Moiz dasira na. Ni sunda vi goryoŋ Levina, asi laɗ ni sa ma fokosina ni Itamar, ma goŋ mul ma li ɓivunna Aaronna.

NDUMBA 1:53

Na may njaf suu vi Levina cukŋi keŋ Zira Galamba kay ana yaanda hoŋ kay suu Israelnaɗi, suu vi Levina ni suu juɓ u Zira Galamba.»

NDUMBA 10:21

Ŋgoo dagan suu vi Kehatna cuk tasiya, asi ni suu zii li ma teteɗna. Suu hiŋŋa pi Ziŋ Lonara ha ki jew bay asi fasi tu gaw.

NDUMBA 17:7

Hu li ma suuna ɓakasi ay na ni, gi Moiz u Aaron pereɗ irisi ni eg Mbutluɓ ma Tokkana na ɗow. Gola ni ɗugulla kuluɓ ki kolo kay Mbutluɓ ma Tokkana na dlum, bibiŋilla vi Yawera tak taɗ ay kiyo.

NDUMBA 18:5

Aŋ u goryoŋ li sunda hu givin ma togolla ni agiya, na ni suu Israelna sa ka hin a fi yara vi Lonara a mba kasi oloɗi.

NDUMBA 2:17

«Ŋgoo dagan tuɗ ha ni Mbutluɓ ma Tokka, njaf suu vi Levina vi ziisi duk ɦoŋ ii zi ma ha ki kaay jew mbana u ma hin ay dagan mbana may. Asi tuɗ ni ko dasi ayra na may, gegelay ni tuɗ ka ziimmi u dee mamba mamba.

NDUMBA 20:11

Moiz taɗ kom ki u tokolo mamba waɗ ɦinira yam mba', mbona ɓaɗ ay ki cocoo. Suuna halaŋ ci yona, yoori masisina halaŋ ci lay.

NDUMBA 4:15

Aragelay hu li ma suu Israelna a jok usira ni Aaron u goryom boɗ yam tlesuu teteɗna ki halaŋ, ŋgoo dagan njaf suu vi Kehatna mbay yowosi ni na tuwa. Ka suu Kehatna ŋgen kosi eg tlesuu teteɗnaɗi, li ka naɗi ni asi miɗ kiyo. Gola sunda vi goryoŋ Kehatna ta asi laɗ hu zira tokka ni na.

NDUMBA 4:3

Col ha kay suu basaɗasi dok-hindina tuɗ ha basara dok-vadl na, suu may suu ndaki a li sunda hu Mbutluɓ ma Tokkana.

NDUMBA 8:19

An ɦasi maŋ Aaron u goryomu, duk suu Israelna halaŋ suu vi Levina ki ni a li tokka fokosi hu Mbutluɓ ma Tokkana, a lasi ɓivun ma mbususi coosira kina may, kay ndaɗta suu Israelna ka ɦuɗ tasi ha eg li ma teteɗna a miɗ tasi ki oloɗi.»

NDUMBA 8:20

Moiz hin li ni ko ndaɗta na, Aaron u suu Israelna halaŋ hin gol suu vi Levina ki ni vay dasi na. Suu Israelna li u njaf suu vi Levina ni ko dlara Yawe daɗ ay maŋ Moizza na may.

NDUMBA 8:22

Ŋgoo dagan suu vi Levina tuɗ tli sun masira fok gi Aaron u goryom hu Mbutluɓ ma Tokkana. Asi li u njaf suu vi Levina ni ko Yawe di ay maŋ Moizza na may.

WIRA ŊGAYRA 15:5

Ŋgoo dagan an wi huulona, Ziŋ Lonara ta Mbutluɓ ma Galamba vi Londa kak huna ki mali huulona.