NAHUM 3:10 - Boy Lonana

¹⁰ Ndaɗ taɗta may ɗaŋŋi asi tlaɗ kiyo. Asi hin vaɗ daŋgayna, goryoɗ may ɗaŋŋi asi casi ki keŋ voɗta halaŋ halaŋ. Suu maɗ suu kaɓakŋa asi ɓorowosi ki kosiya, muli maɗ suu ŋgolona asi cukusi galina kelesiya.

NAHUM 3:10 ပူးပေါင်းရင်းမြစ်များ

2 MULINA 8:12

Hazael joɓom ana, «Sa ŋgol manna tii ni kay mege?» Elize hoŋom dira ana, «Kay an wi dla cora aŋ hin laɗ eg suu Israelnara. Aŋ hin ŋgalasi ziisi ma eŋŋa kiyo. Aŋ hin casi gorzoŋi masisina ki u ŋgewna. Aŋ hin njerɓesi goryosi suu gorina kiyo. Aŋ hin wakasi huu boyogosi suu wiina kiyo.»

JOB 6:27

Agi tuɗ paɗ dewna u gogoo ma kuyuna, a gus banagi ma njenjena ki ni nanage?

SOOLLA 137:8

Aŋ, Babilon, kak njokŋi aŋ hin ɓalak ki may, furira ka kay suu ɓalakaŋ ki ko aŋ ɓalakami kira na may.

SOOLLA 137:9

Furira ka kay suu vaŋ goryoŋ casi kina luɗusi ki kay ɦinirana.

SOOLLA 149:8

ɓalasi muli masisina ga u yarina, njunusi suu ŋgolo masisina ga u kawina.

EZAYI 13:16

Goryosi suu gorina hin casisina ni irisi na gok gok, ɦurumusi ziisi ki lay, buu u boyogosi u saɓakŋa lay.

EZAYI 13:6

Saagi walla, yorogi tagiya, Buu ma vi Yawena hin tok. Ko ndal sa ma ɓalak lina col ay a ɓalakam kira na.

EZAYI 19:4

An hin cuk suu Egiptena ga u mul ma dlam cona, mul ma saɓak cocona hin ti mulla kasiya. Bu Suuna Yawe, ma Saɓakŋa Kom Belna, di na.

EZAYI 20:4

Ni na may mul ma Asirina hin yow suu Egiptena u suu Etiyopina ay daŋgayna tuɗusi ki hu mbassa daŋga, gorzoŋina u suu maana hin tuɗ ni siiliya, tuɓuru ka sesiɗi lay. Zolo namma hin li ŋgol coco kay suu Egiptena.

YOORA 2:19

Col koloo tii duk njeŋgera, hu li ma ndak col kolo a gol u tlena halaŋ, tin huruk ki fok Bu Suuna ko ndal yona na. Yow kok kolo fokom kay iirira vi goryok suu gori suu miɗ ki ko mayra keŋ lina halaŋ hu voɗtana.

YOORA 4:1

Ni nana lorra hin ka liɗi, kawi ma jivina hin ka liɗi, gogoyra teteɗta hin njay ki keŋ hu voɗta ni ge?

EZEKIYEL 29:7

Suu tlaŋ kosi a jik tasi u aŋŋa ni aŋ kus ki kosi gaw. Suu waɗaŋ kolo kelesina aŋ kususi pel bikisiya. Hu li ma asi a jik tasi u aŋŋa aŋ kus ki kosiya, aŋ guluɗusi u furusi kiyo.

JOEL 3:3

An hin li dlara mbuɗ mbuɗta kolo huulona, kaŋga kay ndaŋgara lay, busuna, kura, ndoosna.

AMOS 1:13

Yawe ɓak anaba, Ni kay dla cora laɗ yaɗ yamba na hindira, kay dla cora goryoŋ Amonna laɗ yasi fiɗira, an hin ka col dukgi, kay asi wak huu boyogi suu wii suu Galaadna kiyo, a mbuɗ mbas masira ki ŋgollara.

ABDIYAS 1:11

Hu buu ma aŋ hin piira tanina, hu buu ma suu daŋŋa yowoŋ saɓak maŋŋa kina, hu buu ma suu dlasi cona sel ay varaŋ hin dlara ka kay Yerusalemma, aŋ may ni ko sa ma ay dukusina na may.