NAHUM 2:8 - Boy Lonana

⁸ Asi tli foto loosira, boyogi suu laɗ sundana tii kaɗ ko gugukka na ci ŋgaf dikisiya.

NAHUM 2:8 ပူးပေါင်းရင်းမြစ်များ

URA TIN AYRA 10:11

Nimrod hin mbas ndaɗta ha ki tani tuɗ Asiri. Nam min ɦoŋzina Ninive, Rehobot u Kela,

EZAYI 13:14

Ko ndal dukka sana digiɗ uɗta na, ko ndal yoori suu sa ka taarasiɗina na, gegelay hin tin irimmi duk suu mamsina, gegelay tuɗ ni hu li ma nam ay huna duk suu mamsina, gegelay hin pii ni hu mbas mamba.

EZAYI 38:14

Tii manna mbuɗ ni ko ndal ma vi dlemerekŋana na, an tii ko ndal gugukka na. Irinda gol ha kolo egeŋga ka tew oloɗi. Bu Suuna an ki ni gulukiya, mbay njun kanu.

EZAYI 47:13

Aŋ loɓ taŋ coco u suu ka daŋ gaɗtana, asi mbay suɗuŋ ki daŋgi su? Suu gol dlara ay huulona, suu wi dlara u ciciwra, asi mbay njun kaŋ daŋgi su? Suu di dlara u til ma day wilina tew tewna mbay daŋ.

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

EZAYI 59:11

Ami gi ŋgoɓpa ko bosogona na. Ami lak u tiina tew tew ko ndal gugukka na. Ami saa ana Lona hin mba njun kami su? Ni kaɗi lay. Ami ka juɓumi suɗta ni ndaɗ ɦuɗ taɗ ha ki egemi na day.

JEREMI 46:5

Ni mege? An wi ni mege? Asi ki mbuɗi ndaana. Asi hoŋ dagan suu duu suu saɓak cocona asi palawasi kiyo. Asi yow liŋŋa ki njay na dew dew ka gol irisi ŋgorosi daganɗi. Asi mbuɗ ki ndaana bel bel. Yawe di na.

JEREMI 47:3

Vun ma sem kulumi mamsina lamma tay ndaŋgara kaŋga u keweɗ sesiya. Pupus mamma soo coco lay, sem li vunna ŋgolla coco lay. Somoyoŋ gorra hurusi ɓeŋi noy goryosi ki lay.

JEREMI 50:16

Yowogi suu zaa njaf tlena kaŋga hu Babilonna ki halaŋ. Suu kaw maragamba kosi zi wana hu li ma feɗtana ki halaŋ. Fok ŋgew ma ka wi hahaw saɗina gegelay tin irim ki ni duk suu mamsina. Gegelay liŋ tin irim ki ni hu mbas mamba.

JEREMI 51:13

Ndak mayra kaki eg mbo lum ma ŋgol geveena, ndak mayra begera kok cocora, buuruk ma daɓpa mba wa, ndak fi tlesuu ndak a fasina ki halaŋ wa.

JEREMI 51:30

Suu saɓak suu Babilonna min ka a duuɗi, asi hal keŋ lina ŋgay tasiya. Asi mbuɗ ki maŋira ko boyogina na. Asi ŋgalaɗ ziiɗ kiyo, vun zigini maɗsina ki tooya.

NAHUM 1:1

Ɓak boyna kay Ninive. Magaara Nahum ma Elkokŋa ɓii dlara tak taɗ irimba huruɗta.

NAHUM 3:17

Gor muli maksina ko ndal baara na, muli mak suu duuna ulul ko ndal dee yumma na. Asi kak kolo hum kaana hu til semeɗna, faɗta ndi ki kasi wa ni asi tum piira ni ara kala sa ka wiɗi? Asi ni arage?

WIRA ŊGAYRA 17:1

Olo sa sunda huulona ma dew duk suu kiɗisiyana ma kop ma kiɗisiyana komma dan ana, Mbaya an min takaŋ warakka kay cara gawlaŋga ŋgolla, ndaɗ ni ɦoŋzi ma ŋgol ma mini fun mbo lummana.

WIRA ŊGAYRA 17:15

Sa sunda huulona dan olo ana, «Yo ma aŋ wam cara gawlaŋga kaki dukumma ni suu warna suu tokina, ni njaf suuna zeɗ zeɗ, vunusi zeɗ zeɗ lay.