NAHUM 2:5 - Boy Lonana

⁵ Hu ɦoŋzi ma bagina suu kulumina nja kosi kay suuna a yara, asi ɦurum li na ko tasi ni ɦurumi ko kura ŋgal linara na, asi dik u tasi kasi ko welera weleɗ kolo huulonara na.

NAHUM 2:5 ပူးပေါင်းရင်းမြစ်များ

EZAYI 21:5

Suuna kak kay tabulla, asgaana ka juɓ ura may, suuna ka tiya, ci may. Aŋ sa ma ŋgol asgaana col ki koloo, purus mbona maŋ mbari maŋŋa.

EZAYI 5:27

Duk suu asina ni sa tam loɓ kaɗi. Sa ma gu ɗaɓam sem kaɗi lay. Suu asina sa ma irim lam sen kaɗi, ma buu sen kaɗi lay. Gandi masina njuni hurusi ni na njun. Zew tuɓuru masina ja ka na ndeɗi lay.

JEREMI 46:12

Njaf suuna humuk dla zolo makŋa kiyo, kay ana tii makŋa oy yam ndaŋgara kiyo. Sa saɓakŋa daɓ eg ndaram ma saɓakŋa asi puk kaŋga ko tasi mba' halaŋ.

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

NAHUM 2:6

Mul ma Asirina yi suu mam suu ŋgolo suu duuna aya. Asi tew ka a li vaɗi. Asi dik u tasi ta ta tew ha ki eg gulumunna, mbari masina asi molom kaŋga kay tamu.

NAHUM 3:18

Mul ma Asirina, suu maŋ suu taa suuna buu ki senna wa. Suu maŋ suu ŋgolo suu duuna ka ɦay tasi oloɗi, suu maŋsina njay kosi ki kay ɦinira wa, sa ma tokosi eg tasi kaɗi.

NAHUM 3:3

Suu kulumina yow tlena kasiya, sin ŋgewra ka weleɗta, ɓagina sinim weleɗa, suu ki ciina ka ndumbi, molira ko didiŋga na, suuna tayasi kaŋga u sesiya.

HABAKUK 1:8

Kulumi masisina liŋ coco ko sindilna na, siisi ti coco ko sii ŋguu ma vi mbuurina fidigina na. Kulumi masisina liŋ ko ɓarawna pii kolo huulonara na. Suu kulumi asina col ay ni day, asi pi ni ko ndal ɓarawna duk piiraha kay mbuunara na.