NAHUM 2:1 - Boy Lonana

¹ Sa vun sunda ka liŋ ay kolo kay ɦinira, nam mbaaygi ay ni heɓpa, li furira Yuda, faɗ vun ɦal maŋga ɦawara kiyo, kay sa ma dlam cona hin ka tli varaŋ oloɗi, saɓakam ka oloɗi.

NAHUM 2:1 ပူးပေါင်းရင်းမြစ်များ

2 DLAŊ MULINARA 25:8

Li ni asi tuɗ uŋ wa ni aŋ tuɗ duu vaŋ ta ta may, Yawe hin mbuɗuŋ seŋ maŋira fok suu babali maŋsina. Kay Lona dew ni sa ma ɦal saɓakŋa a su kay suunana. Nam dew ni sa ma hiniŋ ki ko suu babali maŋsinana lay.»

SOOLLA 50:14

Ɓivun ma agi lam maŋ Lonna ni ŋgara ŋgaamba, dlara aŋ di ki u vunuŋ ana, aŋ laɗ maŋ Lonara, aŋ laɗu.

SOOLLA 65:2

Lona ma ka hu Siyonna, geleɗta ni maŋ aŋu, ami laŋ dlara ami vi vunumi kaɗta kiyo.

EZAYI 14:6

Sa may ma hurum u yara las suuna cocona, sa ma waɗ suuna kom ka vi kay saɗina, sa ma u yaamba hom yam njaf suuna ki um ga halaŋŋa, digisi usi na gak gak ka hinisi a koɗ tasiɗi lay.

EZAYI 29:7

Dla ndaɗta hin li ni ko ndal doy mayra di suuna njeŋge tlena tak tasi irisira na. Ni ii suu bolow coco suu ka duu u Yerusalemma. Kay suu ka duu u asina halaŋ. Suu may suu min hoŋ Yerusalem ki daganna.

EZAYI 29:8

Hin li ni ko ndal sa ma mayra camma doyra dam ana nam fi tina warana. Doli nam dliɗ kolo ni mayra cam tu gak gak, ɗowba ko sa ma laara camma doyra dam ana nam ka ci yona, hin dliɗ kolo ni laara cam gak gak, ɦorom ki sooyra pat pat. Dla ndaɗta hin li u suu babali suu bolow coco wanna ni na may, suu ka duu tasi u ɦinira Siyondana.

EZAYI 52:7

Jivi coco kay hum sem sa ma di boy ma ayra tuɗ ay kolo kay ɦinira. Nam mbaaraygi ni heɓpa, mba day dlara jivira u suɗta. Nam daŋ ana, «Yerusalem, Looŋŋa ni mulna.»

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 50:23

Ni nana do caffa kay ndaŋgarara na halaŋ hawaɗaɗ ki lay, tooɗ ki lay ni ge. Ni nana Babilon mbuɗ ki li ma zolona duk njaf suuna nige.