NAHUM 1:4 - Boy Lonana

⁴ Nam mbuɗ yara eg lum ma ŋgolna wa ni nam so kiyo, nam haɗak mbo lum ma gorina kiyo. Usu ma hu Basanna u ma keŋ ɦinira Karmella so kiyo, ɓo guguni suu hu Libanna logoɗ kiyo.

NAHUM 1:4 ပူးပေါင်းရင်းမြစ်များ

URA TIN AYRA 8:1

Lona saa kay Nowa u yoorina u mburi suu um hu lumbana, nam saa kasiya. Nam sii semeɗna kay ndaŋgara, mbona gijaŋ hoŋ kaŋga ni na gaw.

2 SAMUEL 22:16

Voɗ mbo lum ma ŋgolna tak tam kiyo. Duliyara uɗta tin ayra tak ki kiɗik u bayra vi Yawera u semeɗ ma sel ay ki cinimma.

JOB 38:11

An dam ana, «Aŋ do ni tani na ga, jak fokgi. Bil maŋ ma ɓaɗ guk gukŋa do ni tani na ga.»

SOOLLA 104:7

Hu li ma aŋ ɓakamma nam yow liŋa, hu li ma aŋ bayna nam ŋgay tamu.

SOOLLA 106:9

Nam so mbo lumma Cerewna kiyo, hinisi asi tuɗ kay ndaŋgara ko ndal hu li ma mbassa ɦawa na.

SOOLLA 114:3

Mbo lum ŋgolna wi na ni liŋ ki kosiya, mbo lum ma Yurdanna ka ɓaɗ oloɗi lay,

SOOLLA 114:5

Mbo lum ŋgolna aŋ pii kay me ologe? Mbo lum ma Yurdanna aŋ ɓaɗɗi ni kay me ologe?

SOOLLA 18:16

Mbona irim ɓorow kiyo, umba gaara mbuɗ wi kiyo. U duliyara gi ayra waɗ ki halaŋ. Ni ko bay maŋga, Yawe, ni ko musuk ma yara ma sel ay ki ciniŋŋa.

SOOLLA 74:15

Aŋŋi sa ma law yo ma cira, aŋ so mbo lum ma ka gin a so kiɗina ki lay.

EZAYI 33:9

Mbassa halaŋŋi hu hahawra, mbuɗ maŋiya, mbassa Libanda mbuɗ ki zolona ka jivi oloɗi, mbassa Saronda mbuɗ ki ko ŋgoo bagira na. Basan u Karmel hum ŋgusugi suu huna yak ki halaŋ halaŋ.

EZAYI 42:15

An min bow ɦinira u li mbuy kolona ki gaa, ŋgusugi suu kaɗna an hin soosi ki lay. An mbuɗ mbo lumma ki mbasa soom kiyo, mbo ŋgolona halaŋ an soom kiyo.

EZAYI 44:27

An aŋ di mbo ŋgolna ana, nam so kiyo, an min so mbo lum ma ŋgolna kiyo.

EZAYI 51:10

Aŋ so mbo lum ma ŋgolna kiyo, hu li ma gaalina aŋ gi voɗta ki huwa, hu li namma suu aŋ suɗusi ay kina jakŋi ɦawaa.

EZEKIYEL 30:12

Mbo lum ma Nilna an hin soom kiyo. An hin gus mbas ndaɗta ki ko suu dlasi cona. Njaf suu daŋŋa hin yow tlesuu hu mbas ndaɗtana ki halaŋ halaŋ. An, Yawe, di ni an daŋ may.

EZEKIYEL 38:20

Kuluf ma ga duk mbonana, layagi suu pii kolona, halaŋ hin dlak ndaana fokonu u mbuuri suu ŋgoo bagina u tlesuu ɦaram kaŋga kay ndaŋgarana halaŋ. Suu war suu ka kolo kay ndaŋgarna lay, ɦinira ŋgolora hin cukki kaŋgaa, zul ɦinira hin bow ki lay. Gulumun ma ŋguy kay ɦoŋzinana halaŋ hin bow ki kaŋgaa.

AMOS 1:2

Nam di ana, Hu Siyon Yawe ka ŋgoɓpa, hu Yerusalem nam ka ɦal voɗta, suu taa yoorina haɗ masina so ki wa. Yam ɦinira Karmella so ki wa.

AMOS 5:8

Nam li ciciwra, dumussa u tawla kadara, ma mbuɗ ndufunda ki kiɗikka vun maɗiirara, ma mbuɗ faalira ki njeŋgera warra, nam ma yi yo ma ay hu lum ma ŋgolna mba njayam ki kay yam ndaŋgarana, nam yi sem tam ana Yawe.

MATIYE 8:26

Yesu dasi ana, «Agi li ndaana ni kaymege. Agi suu viigira ka ŋgolɗina.» Nam col kolo col ni, bay babaana u mbona. Babaana ba ki kaŋga na yar ɦay, yona seŋ tam na yerek yerek.

JOSUWE 3:16

mbo ma ɓaɗ ay kolo kay ɦinira seŋ gaw, nam tok ha ki kel tam na dew, col ha ki na day, ha ki Adam hu ɦoŋzi ma keŋ Sartanna. Mbo may ma tuɗ ay ga hu Araba mbo lum ŋgol ma galakŋa um ka ni na gaw may, suu Israelna calaɗ lum ma Yurdanna ni vok ɦoŋzi ma Yerikona na.