NAHUM 1:2 - Boy Lonana

² Yawe ni Lo ma yowmus coco lay, sa sugulum layna. Yawe sa sugulumu, yaamba li suuna ndaana ɦay. Yawe sa sugulum u suu babali mamsina, nam mbuɗ yara eg suu babali mamsina.

NAHUM 1:2 ပူးပေါင်းရင်းမြစ်များ

JOB 20:23

Hu li ma nam ka hoɓ hayam nana, Lona hin gi yaamba ay kamu. Ndaɗ hin si kam ko ndal mbona na.

SOOLLA 94:1

Yawe, aŋŋi Lona ma kaɓakŋa, col koloo Lona, kaɓakŋa.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

KALKIRA 34:14

«Ko ndaɗta na aŋ goɓ ga fok lo ma daŋgi, kay sem Yawe ya cocoo. Nammi Lo ma hurum ya cocona.

KALKIRA 34:7

Ma kaki ɗegee ha kay njaf suuna fok na buɓ buɓma ma ka siɓ cora vi suuna u honi masira bulumusira ki may na, kaɓakŋa kay suu cona ha kay njafasi fokosi na buɓ buɓ lay na.»

EZAYI 42:13

Yawe ka kal ay ki ni ko sa ma saɓakŋa na, ko sa ma duuna na, nam ka tak yaamba kiyo. Nam bay bayra eŋga, ni eg suu babali mam suu ŋga tasi u namma.

EZAYI 51:17

Col koloo, coli kolo u seŋu, Yerusalem. Aŋŋi sa ma Yawe lasaŋ u yaamba coco ɦayna, lassa vi Yawe guruɗuŋ yaŋ ki cocoo. Aŋ las cocoo, wi dla ndaɗta u iriŋ lay.

EZAYI 51:20

Goryoŋ njay ki hu lina halaŋ, ki buuri keŋ voɗta ko mburi suu suuna vasi hu bayna na. Ni u yara vi Yawera, u lassa Looŋŋa lasasira.

EZAYI 66:15

Yawe hin mbay ni u kura, pus pus mam ma kulumina ni ko babaana na, oy u yaamba ku cocora balaf mam ma gaɗ suuna ni sin kura.

JEREMI 25:15

Gola ni dlara Yawe, Lona vi suu Israelna dandara, «Tli va ma cira u sum veŋŋa hurumma kon wanni, ni sum veŋ ma yaanda. Aŋ ɦam maŋ njaf suu an sunuŋ ha egesina halaŋ halaŋ.

JEREMI 28:8

Suu jok vun Lona suu li sun masira ki fokon lay, fokoŋ jew day layna, ɓak dlara kay mbassa bolowo kay mulina bolow lay, ɓak kay duuna, kay dla cora, kay tuguɗi bora lay.

JEREMI 3:5

Nam ka coli u saɓak mamma tu su? Nam ka u yara hurum tu na gak gak su? Na may hu ɓak ma ndak ɓak nana ndak ka seŋ lira li coraɗi ni ndak hin fi ni jivi tarage.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

EZEKIYEL 36:6

Kay ndaɗta aŋ di dlara ha ki kay mbassa Israella, di maŋ ɦinira, maŋ li mbuyna, maŋ li ma law mbona lay, maŋ ɦuɗugumba lay, ana Bu Suuna, Yawe, di ana, gola an ɓak u hurun ma vaɗ kura guh guhna kay dlara zolo ta asi lagira egegira.

EZEKIYEL 38:18

Hu buu namma buu ma Gog a hin mbay kay suu Israelna ni, yara hin cuk ay ki hu cininu, hurun hin ɓeŋ ki cocoo. Di ni Bu Suuna Yawe.

EZEKIYEL 38:19

U hurun ma ɓalak ki namma, hurun ma ki oy u yara ko kura ŋgalla nana, an di ana, na daŋ may hu buu namma ni ndaŋgara hin geŋeɗ taɗ hu mbassa Israella.

EZEKIYEL 39:25

Bu Suuna, Yawe, hin di ana, cemi ni an mbuɗ dlara vi Yakobpa ki zeɗ. An hin li oora kay suu Israelna, wasi hahawasiya. An hin tak yaanda ki kay sen ma teteɗna.

EZEKIYEL 5:13

An hin tak yaanda kiyo, takasi hurun ma ɓeŋi egesina kiyo. Asi hin wi ki ana an gasi ni Yawe. An ɓak u hurun ma yara ta ta hin li dla ndaɗta ki may.

EZEKIYEL 6:12

Sa ma ha ki dayna tuguɗira cam kiyo. Sa ma tokŋa suu duuna camu u suu hinina yasi ki ŋguy u suu duuna gaw may. Asina hin laɓmi ko mayra may ta ta an daɓ yaanda ki egesi halaŋ halaŋ.

EZEKIYEL 8:18

An may ni hin li dlara ni u hurun ma ki ɓeŋina. An ka wi hahaw saɗi. An hinni hahaw sa ka irin oloɗi. Asi hin tiira, may ni an ka humusi tii masi nammaɗi.»

JOEL 2:18

Yawe suu jivira ki kay mbas mamba, nam wi hahaw suu mamsina.

DLAŊ LEVIRA 26:28

an hin mbuɗ hurun yara egegi may. An hin kaagi ɓakŋa kagi sen kiɗisiya co sura jewra olo, kay dla coogira.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

ZAKARI 1:14

Nam sa sunda huulona ma ɓak u anna dan ana, «Ɓak ha kiyo, Yawe, ma Saɓakŋa Kom Belna, di ana, Yowmusna ka hurun ŋgolla eg Yerusalem u Siyon.

ZAKARI 8:2

Yawe, ma Saɓakŋa Kom Belna, ɓak ana, hurun yowmus coco eg Siyon, hurun haɗ kaɗ cocoo.

NDUMBA 25:11

«Mul ma li ɓivunna Pinhas, goŋ Eleazar ma goŋ Aaronna, heɓen hurun eg suu Israelna wa hu li ma nam tak yaam ki kay balam sen dukusina. Kay ndaɗta an ka u hurun ma yara a daɓ suu Israelna kira oloɗi.

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

ROMMA 13:4

Lona tin ŋgolla ni namu, kay a tuɗ sana eg jivira. Lini aŋ li va ma coo ni li ndaana ko ŋgolla, asi cuk suuna daŋgayna ni ka u saɓak masina ɦawaɗi, asi li ni sunda vi Lona kay a tak ki ni yara vi Lonara, hu li ma asi cuk suu li cora daŋgayna.

GA 8ATAMBARA 4:24

Kay Yawe, Loogina, ni kura ŋgalla, nammi Lo ma hurum ya cocona.

GA 8ATAMBARA 7:10

Na may suu ka minimbina, nam kaasi ɓakŋa kasi ni cem cem gaw, baasi kiyo.

HEBRENA 10:30

Aygi waygi sa ma di anaba, «Sa ma sasugul suuna ni anu, an hin warakaŋŋi anu.» Di olo ana, «Bu Suuna hin kaɓakŋa kay suu mamma.»

JOSUWE 24:19

Josuwe hin di suuna ana, «Agi ka ndak a sun Yaweɗi, kay nammi Lo ma teteɗna, ni Lo ma hurum ya cocona, nam ka ndak a siɓigi yaagira u dla coogiraɗi.

2 PIYER 2:9

Bu Suuna wi dlara suɗ suu ɗegeena ki duk dla cora, nam wi a vaa suu cona cukusi daŋgayna hu buu ma kaɓakŋa.