NAHUM 1:10 - Boy Lonana

¹⁰ Kay asi cecemmi ni hinni ko wayra tligiɗi eg taɗta na. Hu liisi ma cira asi ki gurɗiya. Kura hin ŋgalasi ki halaŋ ko mal ma ki sooy jivina na.

NAHUM 1:10 ပူးပေါင်းရင်းမြစ်များ

MISE 7:4

Ma jivi dukusina ni ko ndal wayra na, ma jivi suna ko ndal kaa wayra na. Hu buu ma suu maŋ suu golla yaŋŋa aŋ mbay dukusiya, cecem wanda asi viɗ ki wa.

NAHUM 3:11

Ndak may ɗaŋŋi hin guruɗ ki ko ti tara, ndaɗ hin suu kak ndak hin ndi kaŋgaa, hal lina kak ŋgay tak ko saak ma babalira may ɗaŋ.

EZAYI 9:18

Yara vi Yawe, ma Saɓakŋa Kom Belna, ka ŋgal mbassa ki halaŋ. Suu warna mbuɗ ni a usu ma vi kurana. Sa ma ndak a suɗ wayam ki kaɗi.

EZAYI 5:24

Ko ndal usuna kura ŋgalam kira na, ko ŋgay wana ŋgal ki duk kura na may, asi hin cim ki u sariyasi halaŋ, ɓoosi hin yak ki duk semeɗna, kay asi hin haɗta vi Yawe, ma Saɓakŋa Kom Belna, kiyo. Asi noy boy ma vi sa ma Teteɗ ma vi suu Israelna kiyo.

JEREMI 51:57

An guruɗuɗ suu ŋgolo maɗ suu sunda u suu maɗ suu wi yalna, komanda maɗsina u muli maɗsina u suu maɗ suu saɓakŋa kiyo. Asi hin buu ni sen ma daɓ dukgina. Asi hin ka dliɗ ki kolo oloɗi, Mul ma sem ana Yawe, ma Saɓakŋa Kom Belna, di na.

JEREMI 51:39

Asi gi tasi kura. An ka minisi tiisina aya. An hin mbuɗusi ki ko ndal suu ki gurɗi miɗina na. Asi hin buu senna ni ka dliɗ dukgi. Asi hin ka dliɗ oloɗi. Yawe di na.

EZAYI 27:4

Hurun ka u ya oloɗi, lini an fi gi wayara ugi meera fokon lay ni an tuɗ ha kolo kasiya. An hin ŋgalasi ki ko tasi halaŋ.

SOOLLA 68:2

Lona col kolo wa ni suu babali mamsina njay liŋŋa, suu gonokka u namma halaŋ yow liŋŋa fokomu.

2 SAMUEL 13:28

Absalom ɦal voɗta maŋ mborɓogi mamsina ana, «Gologi jiviya. Hu li ma Amnon hurum oy ki u furira u sum veŋŋa wa, an hin dagi wa ana, waɗagi Amnonni agi hin cam kiyo. Lagi ndaaɗi. An ɦagi voɗta ka ni anɗi su? Soogi ugi takagi saɓak magina kiyo.»

1 SAMUEL 25:36

Abigal hoŋ ay vo vi Nabal. Gola ni nam ka li luuna, luu ma gasi ma vi mulnana. Nabal hurum ki oyra u furira. Nam guruɗ tam ki na tagalas. Ndaɗ neem yam ka kay vaɗi ta ta ŋgarpiiri.

SOOLLA 118:12

Asi ŋguf ki kan ko ndal dlunukŋa na, ko ndal wayara siiɗ cimira na, u sem Yawe an su kasi u saɓak mamma.

EZAYI 47:14

Suu asina mbuɗ ni ko usuna na, kura hin ŋgalasi kiyo. Asi ka ndak a suɗ ki ko ku ndaɗtaɗi. Ndaɗ ni ka ko kura suuna ŋgalaɗ lak funuɗ a holla hawa naɗi.

EZAYI 56:12

Gegelay di ana, mbaya an hin tuɗ ci suma, caygiya furuyuygiya, vinda hin li ni ko karamba na olo, li su ɗow.

KALKIRA 5:12

Suuna njay kosi ki hu mbassa Egiptera halaŋ a hal usu ma ci birikka.

KALKIRA 15:7

U ŋgol maŋga cocora, aŋ ci suu babali maŋsina kiyo. Huruŋ ɓeŋ wa ni aŋ lasi coo, aŋ ŋgalasi ki ko ŋgayara na.