MISE 7:9 - Boy Lonana

⁹ Yara vi Yawera, an ndak vaɗ kanu, kay ana an li sulukŋa egem ta ta hu li ma nam kaan ɓak manna mbuɗun ki jivina. Nam hin kalan ay ki ii kiɗikka an hin golom sun mamba ɗegeera.

MISE 7:9 ပူးပေါင်းရင်းမြစ်များ

2 SAMUEL 24:17

David ɓak Yawe hu li ma nam wi sa sunda huulona ci suunana. Nam di ana, «Anni sa li sulukŋana. Anni sa li dla corana. Na ɗaŋŋi timigii suu wanna li ni me mayge? Ko koŋ li ni kan an u suu varanna.»

JOB 23:10

Doli ɗini nam wan voɗ manda an tlaɗta. Lini nam tukunu ni an hin kal ki ni teteɗ ko ndal lorra teteɗta na.

JOB 35:14

Aŋ hin di ana aŋ wam ka tuɗi. Aŋ ka juɓummi namu. Aŋ tin dlaaŋga ni fokomu.

SOOLLA 119:154

Doo kanu, njun unu, hinin kak iiri u min maŋga.

SOOLLA 37:6

Nam hin takaŋ ɗegee maŋga ki ko kiɗikkana, dlaaŋga jivira hin tak ki ko kiɗik faɗta na.

SOOLLA 43:1

Ҥi, Lona, mbuɗun boy manna ki ɗegee, golon ko njaf suu ka wi Lonaɗina. Suɗun ki ko suu kaboyna u suu kulla.

SOOLLA 7:6

Ni saan ma gonokka cuɗun un, ay vanu. Ko nam baan iiri manda kiyo, ko nam bulumunda kaŋga duk ndaŋgara.

SOOLLA 94:15

Hu li ma kaɓakŋa gasira hin mba kiyo, suu hurusi ɗegeena hin tuɗ u gasira.

EZAYI 42:16

An hin tuɗ suu dugina hu voɗta asi ka waɗɗira, tinisi irisi hu voɗta asi ka waɗɗira tuɗ u asiya. Ndufunda fokosira an mbuɗuɗ ki kiɗikka. Voɗta gunira ɗoɓoɗ ki may. Dla ndaɗta an hin laɗu, ka hiniɗɗi.

EZAYI 42:7

Aŋ hin mal ii suu dugina kiyo, aŋ cuk suu ay hu daŋgaynana ki kiɗiki. Suu ay duk ndufundana aŋ hin cukusi ay kiyo.

EZAYI 46:13

Dlaanda an a laɗ kira hin ka day oloɗi, hinni na tok daŋ. Buɗta kira ka day oloɗi, an mba buɗ mbassa Siyonda ki ni u tanda. Na daŋ may suu Israelna an hin ɦasi bibiŋil manda.

EZAYI 51:22

Gola Yawe, malagina di ana, an tlaŋ kop ma lassa ndaɗta ki wa, kop ma yaanda ay oy huna. Las ndaɗta ka a laŋ oloɗi a fafaɗta.

EZAYI 56:1

Yawe di ana, Lagi dlara jivira, tuɗugi u ɗegeera. Kay suɗ manda hin tok a fagira, ɗegee manda tak taɗ ki wa.

JEREMI 10:19

An sa hahawra, ni dla co me nage? Mbil manna ka cilɗi. An tanda di ana gasi daŋ may ni dla coonda, an ndak a vaɗ kanu.

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

JEREMI 51:10

Yawe takaygi suɗ maygira iriygiya, mbagi aya, ɓakaygi dlara vi Yawe, Looyginara, hu Siyon.

YOORA 1:18

Nam ɗegee, Yawe, ni kay ana an li ka u gaɗ mambaɗi. Humugi ha halaŋ halaŋ suu mansina. Gologi tiitaanda. Gorɓii mansina u gor njufii mansina tuɗ ki mbaɓura wa.

DLAŊ LEVIRA 26:41

An may ni mbuɗ hurun egesiya, tuɗusi ay ki hu mbassa vi suu babali masisina, kala buu maa dew ni hurusi ma sooy namma hin homa, gaɗ masira hin daɓ kiyo.

MALASI 3:18

Na ɗaŋŋi agi hin wagi dlara duk ɦoŋ sa jivina u ma cona ki daŋgadla, duk ɦoŋ sa sun Lona u sa ka sunumbina.

1 KORINTNA 4:5

Ni kay ndaɗta kaɓakŋa kay sa jew buu ma ɓakŋaɗi. Juɓ Bu Suuna mba tuwa, tlesuu ŋgay hu ndufundana, nam hin mba gasi usi ki kiɗiki, nam hin vaa dlara ŋgay hu suunara kiyo. Kay ndaɗta gegelay hin fi geleɗta ko Lona kay dlaamba.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

WIRA ŊGAYRA 18:20

«Huulona furi kay ɓalak mamba, suu njafna vi Lonna halaŋ lagi furira, suu vovoɗta u suu jok vun Lona, Lona kaɓakŋa kay zi namma ni kay cora nam lakira egegira.»

1 SAMUEL 24:15

Mul ma Israelna min tam a duu ni u gege? Aŋ min taŋ a dikŋi u gege? Aŋ dikŋi u di ma miɗina su? Aŋ dikŋi u yalira su?

1 SAMUEL 25:39

David hum ana Nabal miɗ ki wa ni, nam di ana, «Ko Yawe ma njun kan hu li ma Nabal min a duu u anna sem fi ŋgara, ma doo saam ma sunda ki kay dla corana. Kay dla cora vi Naballa, Yawe hoŋomba kay yamu.» David sun a joɓ Abigal a ɗumba.

1 SAMUEL 26:10

David di ana, «U saɓakŋa vi Yawena, Yawe ni sa ma hin waɗamma, hu li ma faɗamba miɗna mbara ɗowba hu li ma nam hin mbay duuna a miɗ ki huna.

1 SAMUEL 3:18

Na ɗaŋŋi Samuel dam dlara ki halaŋ halaŋ ŋgay boy maa ka ki dewɗi lay. Nam Heli di ana, «Nammi Yawe, ko nam li dlara hurum miniɗta.»