MISE 7:8 - Boy Lonana

⁸ San unɗi, ndak babali manda. Li ni an ndi kaŋgaa, an hin col koloo, lini an ka kagi hu li ma ndufunna ni Yawe ni kiɗik manda.

MISE 7:8 ပူးပေါင်းရင်းမြစ်များ

JOB 31:29

An furi ki kay hahawra fi sa ma babali manna dew su? Hu li ma dlara yoora famma an ka furiɗi.

SOOLLA 112:4

Duk ndufunda lay ni vun sa ma ɗegeena ka tak kiɗikka maŋ suu ɗegeena. Nammi ɗegee, wi hahaw suuna lay.

SOOLLA 143:3

Suu babali mansina ka lasanu, asi van gaa tayan ki kaŋgaa, asi ganni duk ndufunda, ni ko suu miɗ ay ki day dayna na.

SOOLLA 20:8

Suu daŋŋa ŋga ni kulumi masi suu pus pusna, suu daŋŋa ŋga tasi kay kulumina, aygi may ni humuygi ka gaygi ni kay sem Lona Yawe maygina.

SOOLLA 27:1

Soolla vi David. Yawe ni kiɗik manda u suɗ manda, an li ndaana ni ko ge ologe? Yawe ni ɦoŋzi ma saɓakŋa vi iiri manda, an dlak ndaana ni ko ge ologe?

SOOLLA 35:19

Hinin a suu babali mansina a furi kan hu li ma an puk kaŋganaɗi. Suu babali mansina taɗ yasi un bay u boyna.

SOOLLA 37:21

Sa ma cona tli balna, may ka warakam kiɗi, may sa ɗegeena wi hahaw suuna, ɦasi balna ha kasi may.

SOOLLA 37:24

Lini sem daɓ va lay, nam ka puk gaɗi, kay Yawe vam kom koloo.

SOOLLA 38:16

An tin saa manda ni kaŋu, Yawe, aŋ hin hoŋon dira, Bu Suuna, Loonna.

SOOLLA 84:11

Buu ma lam hu ziiŋŋa dewna su buu ma lam ki kiɗik bupma, an ŋgaɓ a kakŋi fun zi ma vi Loonnana su mayra buu hu zi ma vi suu bay ɗegeena.

SOOLLA 97:11

Kay suu ɗegeena kiɗikka ka li kasiya, furira ka kay suu hurusi jivina.

EZAYI 2:5

Agi njaf suu vi Yakobma mbaagi aya, tuɗuygi hu kiɗikka vi Yawera.

EZAYI 49:9

A di suu ka hu daŋgaynana ana, «Selegi ay kiyo.» Suu ka duk ndufundana tak tasi ay ki kiɗiki. Asi mbuɗ ni ko yoori suu ka taarasi hu li ma haɗ ma jivina na, ka fi tiisina halaŋ.

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

EZAYI 9:2

Aŋ wulusi furi masira kolo wa, aŋ zulusi u ay masira wa. Asi ka furi fokoŋu ko suuna furi hu buu ma feɗ tlena vona na, ko suuna furi a ɓorow joo ma asi fam ay fun duunana na.

JEREMI 48:27

Israel mbuɗ ka ki iriŋ va sanda gasiɗi su? Aŋ faɗ ay duk suu kulla a aŋ ɓakaɗ dlaaɗta tew tew u kisikka kisik yaŋga su?

JEREMI 50:11

Gasi furiyugiya, lagi furira gasi, agi suu ɓeŋengi joonna kina, gasi luurugi njoŋŋa ko ndal mbutla wayra daɓaa hu fullara na, bayagi kolo ko gor kulumina na.

JEREMI 8:4

Aŋ hin dasiya, Yawe ɓak anaba, sa puk kaŋgana hin ka col koloɗi su? Sa viɗ kina hin ka hoŋ balamambi su?

EZEKIYEL 25:6

«Bu Suuna, Yawe, di ana, agi ko kogi u suu mansina, panasiya, agi furi ki kay dlara lasi wanda u hurugi na halaŋ. Gologi suu col ay hu mbassa Israella ki lalas cocoo.

EZEKIYEL 35:15

Kay ana agi furi ki ana jo ma vi suu Israelna mbuɗ ki ni ŋgoo bagira ɦawaa. An hin mbuɗugi ki ni ko vunugi ma di namma na may. Ҥinira Edomba hin mbuɗ ki ni ŋgoo bagira ɦawaa u suu Edomma halaŋ. Agi hin wi ki ana anni Yawe.»

EZEKIYEL 36:5

Bu Suuna, Yawe, di ana, an suu tan kiyo, u hurun ma vaɗ kura guh guhna, an ɓak ki co eg njaf suu daŋŋa halaŋ. Eg njaf suu vi Edomma halaŋ, kay ana asi tlan mbas manda kiyo. Asi furi coco ɦay u pan ma asi panan hurusi kurufuna.

AMOS 9:11

Hu buu namma ni an hin tli yam zira vi Davidta bowira kiyo, an hin miniɗ iriɗ ma bow kina lay. Min tlesuu ɓeŋ kina lay, an hin hoŋoɗ minda ko ndal ndaɗ ay jewra na.

ABDIYAS 1:12

Aŋ furi kay buu ma vi wayaŋŋanaɗi, kay buu mamma hahawraɗi. Aŋ furi coco kay goryoŋ Yudana, hu buu ma baasiraɗi. Aŋ ŋgulusi ŋgol coco hu buu masi ma hawraɗi.

MISE 4:10

Mbusuk ko ti tara hin gurniya, goora vi Siyon, ko ndal cara a vuɗta na kay cecem wanda ndak hin kal ki hu zina, ndak hin kak ki hu senena, ndak hin tuɗ ta ta tew Babilon, ndak hin fi buɗta ni hu li namma, hu li namma Yawe hin buɗuk ay ki ko suu babali maksina.

MISE 7:10

Ndaɗ hin wi ki jiviya, babali manda, ndaɗ hin mbuɗ ki zolona, ndaɗ mayra li dan ana, «Yawe, Looŋŋa, ni aragera?» Irin ka tini kaɗ ta, an hin tayaɗ ki kaŋga u sen ko ndal luɓuna hu voɗtara na.

ZAKARI 12:8

Hu buu namma wanni Yawe hin baa kom ha ki kay Yerusalem, suu maŋi dukusina hu buu namma ni asi hin mbuɗ ki ko David na, zi ma vi Davidna hin li ni ko Lona na, fokosi ko ndal sa sunda huulona vi Yawe na.

MATIYE 4:16

Agi njaf suu duk ndufundana, hin wi kiɗikka ŋgolla. Agi suu duk ndufunda ko suu zolina na na, kiɗikka hin fagi lay.»

Boy Ma Ayra Ma JAŊ Ɓiirimma 16:20

An dagi ni gasi, Agi hin tiirigiya, yoo tagi lay. Suu hu duliyarana hin furiya, agi hin kak u yoora may, yoo magira hin mbuɗ ki furira.

Boy Ma Ayra Ma JAŊ Ɓiirimma 8:12

Yesu di boyna maŋ suuna olo ana, «An ni kiɗikka fok suuna. Sa ma tuɗ kay cerenna ka tuɗ duk ndufundaɗi, nam ka u kiɗikka iirira.»

SUNDA 26:18

An sunuŋŋi kay aŋ tuɗ malasi irisi kiyo, kay aŋ yowosi ay ki duk ndufunda tuɗusi ki hu kiɗikka, a buɗusi ki ko saɓakŋa vi Satanna maŋ Lona. Kay tin mayra tin hurusi kanda ni coosira hin daɓ kiyo, asi hin yow jona ko tasi u suu vi Lonna u hurusi ma tini kanna.»

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

2 KORINTNA 4:9

Asi lasami lay ni Lona hinimi ka kiɗi, gami kaŋga gog gog lay ni cami ka kiɗi.

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.

WIRA ŊGAYRA 22:5

Njeŋgera hin ka li oloɗi, sa ka li va u kiɗikka vi lamba oloɗi lay, ta vi fatɗaraɗi lay, kay Lona njayasi kiɗik mamba ki kasi halaŋ. Asi hin kak hu mulla a fafatɗa.