MISE 7:6 - Boy Lonana

⁶ Kay ana goona gol bum ki ni ko sa laɓana na, goora col yara eg suɗu, caŋ goonara col yara eg kunuɗta. Gegelay ni gol suu varamma irimmi babali mamsina.

MISE 7:6 ပူးပေါင်းရင်းမြစ်များ

URA TIN AYRA 49:4

Aŋŋi ko yo ma ka bilna na, aŋ hin ka fi vaɗi. Kay aŋ ful kay lay ma vi buŋŋa. Aŋ mbuɗun liin ma buuna ki njenjee.

2 SAMUEL 16:11

David di Abisay, di suu mam suu li sunda halaŋ ana, «Lini goron ma kal ay ki egenna min a can kiyo, ni nam ma Benjaminna ma daɓ daganna ni, hinim nam gi vunna, lini Yawe dam ay na.

SOOLLA 41:9

Dla coomba tok kammi ndaɗu, vira nam vi ga wanda ni ka col koloɗi.

VUN ŊGOLNA 30:11

Suu daŋŋa kaa ni ŋgul somoyosi suu njufiina, ka min a gi deɓ maŋ somoyosi suu tamaginaɗi lay.

VUN ŊGOLNA 30:17

Ii mayra pan bura, ka min a hum u suŋ ɗira, gagaw ma doŋ lummana hin cooɗ kiyo, u bakŋa hin komoɗ kiyo.

EZAYI 3:5

Suuna halaŋ hin li dla cora eg tasiya, sana u ndaram ma vok zina. Gorzoŋina li tasi u suu maarina sa ma va ka kombina li tam u sa ma ɦizina.

EZAYI 9:19

Suuna ti ha gak may ni mayra ka hin ciraɗi. Suu bik gulna ti may, ka hoɓbi. Gegelay ni mbuɗ kommi tliw bikimu.

JEREMI 12:6

Gorseŋŋa lay, suu varaŋŋa lay, gasi asi lay gaŋ uŋ kiyo. Gasi asi lay sekeŋ suuna kaŋ bolowo, cukusi kay ceereŋu. Ne taŋ u asiya. Hu li ma asi ɓakaŋ jivira nana.

JEREMI 20:10

An hum boy ma tiitara ma suuna ɓakamma. Suuna halaŋ halaŋ ki mbuɗi ndaana. «Gagina um kiyo.» «Gasi daŋ may ami gam um kiyo.» Banayan suu minin ɦayna halan cemmi ni dlaanda cora na ɗow. «Kala nam hin viɗ tam u nuh nuh mamba hin ndi kaŋga ami hin faɗ vun dla ndaɗta kiyo, sa sugulumi ki may.»

JEREMI 9:4

Gegelay ganyam ndaram ma poy u tasina, boy ma gasina ka oloɗi. Asi haɗ sinisi ki u dlara kaboyna. U ganyam masira asi ka ndak hoŋ ay oloɗi.

EZEKIYEL 22:7

Huruŋŋi sa ka hum vun bum u sum oloɗi. Asi las koyogi suu cuki dukusina cocoo. Huruŋŋi asi yow tlesuu vi gor suu kuyuna u boyogi suu doonora kiyo.

ABDIYAS 1:7

Asi hin dikiŋ ki hu mbas maŋga, suu vi vunusi u aŋŋa ganaŋ yaŋŋi ganiya. Suu banayaŋŋa yowoŋ tlegeyeŋ wa, suu li ti funa u aŋ dewna ka ndiriŋ gayaŋu. Aŋ wi kaɗi lay.

MATIYE 10:21

«Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay.

MATIYE 26:23

Yesu hoŋosi dira ana, «Sa cuk kom hu ŋgotta dewra u anna, ni ma hin ɦan kina.

Boy Ma Ayra Ma LUK Ɓiirimma 12:53

Asi hin ɓorow kiyo, buna li cora eg goromma, goona li cora eg bum may. Sura li cora eg goroɗta, goora li cora eg suɗ may. Su goona li cora eg caata, cara li cora eg kunuɗta may.»

Boy Ma Ayra Ma LUK Ɓiirimma 21:16

Somoyogi u gorsegina hin ɦagi ki maŋ suuna ni asi tasira u banayagina hin ci maɗna ugi coco lay.

Boy Ma Ayra Ma JAŊ Ɓiirimma 13:18

«An ɓak ha na ni, ka kagi halaŋgi, an wi suu an ŋgaɓasina. A ndaɗta may ni, a faɗ ki ni vun ɓiira dira ana, Sa ma tan fuuna na mbuɗ um kan lan yara.