MISE 7:4 - Boy Lonana

⁴ Ma jivi dukusina ni ko ndal wayra na, ma jivi suna ko ndal kaa wayra na. Hu buu ma suu maŋ suu golla yaŋŋa aŋ mbay dukusiya, cecem wanda asi viɗ ki wa.

MISE 7:4 ပူးပေါင်းရင်းမြစ်များ

EZAYI 10:3

Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

EZAYI 22:5

Kay cemmi ni Bu Suuna Yawe, ma Saɓakŋa Kom Belna, tinigi ni hu buu ma yoora, ma ndaana cocona, ma viɗ dlara ki ii suunana, hu ɦuɗugumba Yerusalemba, gulumunna bow ki wa, tiina tum ay kolo kay ɦinira cocoo.

EZAYI 55:13

Wayra hin dlara day hu liigina tani, day ni ŋgusugi suu ŋgolona, usu ma cona ka day hu sene maginaɗi, day ni mbitl mayra his jivira. Tle asina a tak ki ni ŋgolla bibiŋilla vi Yawera. Ni dlara a tak ha ki na gak gak ka daɓ kiɗira.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 11:23

Sa ka hin varasi dewɗi lay. An hin mbaa dla cora ay kay suu Anatotna hu basara asi hin ɓak dlaasira kira.»

JEREMI 46:21

Suu duu suu dlasi co suu varaɗna lay ki ni ko ndal gor mbutli suu cilisi mbilisina na. Asi may ni ɦal ŋgorosi gaw. Asi liŋ ko tasi dew. Asi ka ndak a col fokosiɗi. Gasi buu masi ma ɓeŋga mbay kasi wa, li ma asi hin ɓak dlaasira kina mba wa.

JEREMI 8:12

Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

EZEKIYEL 2:6

Aŋ hum haa, goŋ sanna, li ndaa kosiɗi. Li ndaa ko boy masinaɗi lay. Aŋŋi ɦeɓi duk dlara ci wayra, duk tlesuu siina lay. Aŋŋi kaki kay huɗura, li ndaa ko boy masinaɗi. Dlak ndaa ko irisiɗi lay kay asi ni suu gonokka.

EZEKIYEL 28:24

«Bu Suuna di ana, suu ŋguy kay suu Israelna halaŋ sa ka las suu Israelna oloɗi, sa ma haki irisi ko ndal wayra na kaɗi, dew lay kaɗi. Suuna hin wi ki ana, anni Yawe.

AMOS 8:2

Nam di ana, «Aŋ wi ni mege, Amos?» An dam ana, «Kaalamba u vuɗ tlesuu vun wallana huruɗu.» Bu Suuna dan ana, «Suu man suu Israelna daɓ masira mba wa, an hin ka hoŋ ay kasi a mbara oloɗi.

NAHUM 1:10

Kay asi cecemmi ni hinni ko wayra tligiɗi eg taɗta na. Hu liisi ma cira asi ki gurɗiya. Kura hin ŋgalasi ki halaŋ ko mal ma ki sooy jivina na.

Boy Ma Ayra Ma LUK Ɓiirimma 21:25

«Dlara mbuɗta hin li kay faɗta u tilna u ciciwra lay. Suu kay ndaŋgara hin yoo tasiya, hurusi hin haɗ kay soora bil mbona soo cocora.

HEBRENA 6:8

Lini ndaɗ day ni tlesuu siina u wayara ni, ndaɗ ka li va oloɗi, Lona hin gaɗ vunna a daɓ maɗta ni ŋgalla gaw.