MISE 7:19 - Boy Lonana

¹⁹ Nam hin laygi jivi mamba egeygi hu olo, nam hin tayaygi co maygira ki kaŋga u semu. Aŋ hin cukusi coosira halaŋ ha ki duk mbo lum ma ŋgolna.

MISE 7:19 ပူးပေါင်းရင်းမြစ်များ

EZAYI 38:17

Yoo manda mbuɗ ki suɗta wa. Aŋ vi taŋ eg iiri manda kay ana an kal hu zullaɗi. Aŋ cukun coonda ha ki ŋgoroŋ dagan halaŋ halaŋ.

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

ROMMA 6:14

Kay dla cora kak mul kagiɗi, kay mege agi ka njuni u gaɗtaɗi, ni u oora vi Lona.

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

EZAYI 43:25

Anu, an bulumugi coogira ki wa, an ka saa kay suluk magina oloɗi.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

SOOLLA 103:12

Ko u maɗiina ha ki day eg u fiɗigina, nam cukuygi cooygira ha ki egeygi day ni na may.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

ROMMA 8:13

Lini agi poy u minda vi mbalatagiya ni agi hin miɗa, lini u saɓakŋa vi Musuk Lonara, agi noy minda vi mbalatara kiyo ni agi hin kak iiriya.

Magaara Vi Sa Jok Vun Lona OZE 14:4

Asiri ka ndak a suɗumiɗi. Ami ka ful kolo kay kulumbi, ami hin ka di olo ana tlesuu ami minisina ni Loominaɗi, aŋ taŋga sa ma ka wi hahaw goo ma kuyuna.»

SOOLLA 130:8

Nammi sa ma buɗ suu Israelna ay ki hu dla coosira halaŋŋa.

DANYEL 9:24

Asi ŋga cokira na dok kiɗisiya kay suu maŋsina u ɦoŋziiŋ ma teteɗna a heɓ cora kira, a daɓ sulukŋa kira, a gi ii dla cora, a mba ɗegeera fafaɗta ayra, a gi u dlara tak taɗ ii suunara u dlara suu vovoɗta ɓakaɗta kiyo, a vo mbulna kay sa ma teteɗ ma vi suu teteɗnana.

YOORA 3:32

Lini nam li dla cora lay ni, hurum oyra u oora u jivi mamba ŋgolla.

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

GA 8ATAMBARA 32:36

Yawe hin kaɓakŋa kay suu mamsina, humum hin gam kay suu mam suu sunda, hu li ma nam wasi asi mbuɗ ki maŋi cocona, sa ma njun kasi ka oloɗi layna.

GA 8ATAMBARA 30:6

Yawe Loogina hin cawagi ni caw ɗiwra hurugi kurufura, magi agi may, maŋ njafagi ma ka daganna lay, kay a agi min Yawe Loogina u hurugi halaŋ, u saa magira halaŋ, kay a agi lak iiriya.

GA 8ATAMBARA 30:3

Yawe Loogina hin mbuɗugi dlaagira ha fokka nam hin takagi ɗili mamba nam hin hoŋ tokogi yagi ay ki duk suuna halaŋ hu li ma Yawe njayagi ha ki huna.

HEBRENA 8:12

An hin bulumusi coosira kiyo, humun hin ka a gan kay coosira oloɗi.»

EZAYI 33:24

Suu hu zi nammana halaŋ sa ma di ana, «Tan karam tanu» kaɗi. Suu cuk zina hu Yerusalemma halaŋ, Lona bulumusi coosira kiyo.

JEREMI 33:8

An hin mbususi ki teteɗ kay maɗ ma asi cam vi tasi ki daŋgayna fokonna lay, an hin ɦasi gira kay yara asi laɗ u anda lay.

EZEKIYEL 18:22

Sa ka saa kay dla cora nam laɗ ay jewra oloɗi, nam kak iiri ni kay dlara ɗegeera nam ka laɗ wandara.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

ZAKARI 3:4

Sa sunda huulona hoŋ dira maŋ suu coli fokomma ana, «Fokom barawi suu zozod suu egemma kiyo.» Nam hin di Josuwe ana, «Gola an yowoŋ cooŋga ki wa, hin cukuŋ egeŋŋi baraw ma luuna.»

2 SAMUEL 24:14

David di Gad ana, «Anni hu hahawra ŋgolla. Cukuy tay ni hu duk ko Yawe na ɗow, kay ana oo mamba ŋgol cocoo, na may ka an ndi hu duk ko suunaɗi.»

SOOLLA 85:3

Aŋ bulum cora vi suu maŋsina ki wa, aŋ baarasi yam suluk masina ki halaŋ.

YOORA 3:22

Jivira vi Yawe ka daɓ kiɗi, ni ana li umba ka daɓbi.

EZEKIYEL 39:29

An ka ŋgay tan ki irisi oloɗi kay ana an fo Musuk manda kay suu Israelna. Di ni Bu Suuna, Yawe.