MISE 7:18 - Boy Lonana

¹⁸ Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

MISE 7:18 ပူးပေါင်းရင်းမြစ်များ

URA TIN AYRA 4:7

Lini aŋ li jiviya ni aŋ ka ɗus iriŋgi, lini aŋ li coo, ni cora ka juɓuŋ fun ziŋga, hal a su kaŋŋu, aŋ may ni su kaɗna ɗow.»

1 MULINA 8:23

hin di ana, «Yawe Lona vi suu Israelna, lo ma ko ndal aŋ na kaɗi kolo huulona lay, kaŋga kay ndaŋgara lay a ŋgom galamba u jivira kay suu sun maŋsina suu tuɗ kay seŋ u hurusi halaŋŋa na ni kaɗi.

2 DLAŊ MULINARA 30:9

U hoŋ magira agi hoŋ irigi ay eg Yawera, gorsegina u goryogi suu ha ki vii balna hin fi heɓpa ko suu yowosi ha kina. Asi ɦin ndak a hoŋ ay hu mbas ndaɗta lay kay Yawe Loogina ni Lo ma wi hahaw suuna ni Lo ma oora, lini agi hoŋ irigi ay egemu ni nam ka pereɗ ŋgorom magiɗi.»

2 DLAŊ MULINARA 6:21

Tin humuŋ na ta hum cenda saaŋ ma sunda u suu Israelna ka ceneŋ ha hu li nammara na humge. Aŋ ay kolo hu li ma aŋ ha kaki huna day ni huma, ha kolo huulona day ni huma, bulumumi coomira kiyo.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

SOOLLA 103:13

Ko buna min goryomba na, Yawe min suu lam ndaaramma ni na may.

SOOLLA 130:4

May aŋ tin vaɗ huuna kay suuna, kay ndaɗta asi hin laŋ ndaaraŋu.

SOOLLA 35:10

Tanda halaŋ ka di ana, «Yawe, sa ma ko aŋ nana ni gege? Aŋ suɗ sana ki ko ndaram ma saɓak suumma, suɗum ki ko suu hal a yowom tlegeyem kina.»

SOOLLA 65:3

Aŋŋi sa ma hum cenda vi suuna, tlesuu iirina halaŋ tuɗ ha egeŋu.

SOOLLA 65:4

Hu li ma coomira su kamiya, aŋ bulumumi coomira ki wa.

SOOLLA 71:19

Jivi maŋga ka kolo day, aŋŋi sa ma li tlesuu ŋgolona, Lona, sa ma ko aŋ nana ni gege?

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

SOOLLA 89:6

Yawe, ko huulona lay geleɗeŋ dlaaŋ ta mbuɗ mbuɗta, suu teteɗ suu tokina mba ŋgaaŋ ɗegee maŋga.

SOOLLA 89:8

Hu tokka vi suu teteɗna Lona va ma ŋga u nam kaɗi, tlesuu ŋguyuŋŋa halaŋ ka laŋ ndaaraŋu.

KALKIRA 15:11

Yawe, duk loogina halaŋ ma ko ndal aŋ nana ni gege? Sa ma ki teteɗ ko aŋ nana ni gege? Ma ndaki a li dlara mbuɗ mbuɗta nana ni gege?

KALKIRA 34:9

Nam di ana, «Lini an fi gasi jivira iriŋ wa ni ɦii, Bu Suuna, tuɗ ay dukumiya, kay suuna ca ni yasi eŋ cocoo. Na may aŋ bulumumi dla coomira kiyo. Aŋ mbuɗumi ki a suu maŋsina.»

EZAYI 1:18

Yawe di ana, Mbaagi ay ɓakaygi boyna. Lini co magira tlawra na keŋ keŋ lay ni, ndaɗ hin mbuɗuɗ ki haɓpa ko fuɗta na. Lini ndaɗ tlaw ko busuna na lay ni, ndaɗ hin mbuɗuɗ ki haɓpa ko baraw haɓma na.

EZAYI 33:24

Suu hu zi nammana halaŋ sa ma di ana, «Tan karam tanu» kaɗi. Suu cuk zina hu Yerusalemma halaŋ, Lona bulumusi coosira kiyo.

EZAYI 38:17

Yoo manda mbuɗ ki suɗta wa. Aŋ vi taŋ eg iiri manda kay ana an kal hu zullaɗi. Aŋ cukun coonda ha ki ŋgoroŋ dagan halaŋ halaŋ.

EZAYI 40:18

Agi hin ŋga Lona ko tammi u mege? Va ma agi colom a tli tam u Lonana ni mege?

EZAYI 40:25

Lona di ana, agi hin ŋgaan fun tanni u mege? An tli tanni u mege?

EZAYI 43:25

Anu, an bulumugi coogira ki wa, an ka saa kay suluk magina oloɗi.

EZAYI 44:22

An bulumuŋ cooŋga ki ko ɗugulla valaw kira na. An bulumugi suluk magina ki ko kuɗna valaw kira na. Hoŋ ay egenu, an suɗuŋ ki wa.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

EZAYI 57:10

Agi loɓ tagi a hal fulina cocoo, ka di ana agi loɓ waraɗi lay. Agi saa ana fulina hin ɦagi saɓak ma wilina, kay ndaɗta tagi ka loɓbi.

EZAYI 57:16

An ka ndak a li hurun yara egesi na gak gakgi, an ka ɓalakasi hurusi ha na gak gakgi, li ka naɗi ni ŋgus masira maŋ ki fokon cocoo, an lasi iiri masira ni an lay.

EZAYI 62:5

Na daŋ may ko gozoŋŋa ɗum caambara na, sa ma hin minik kolona hinni a njufuk may. Ko ndaɗta gozoŋŋa furi banamba nam ŋgaɓaɗta, Lookŋa ka furi kakŋi na may.

EZAYI 64:9

Ҥoŋziiŋ ma teteɗna mbuɗ ki ni ŋgoo bagira, Siyon mbuɗ ki ni ŋgora. Yerusalem ɓalak ki wa.

EZAYI 65:19

An hin furi coco kay Yerusalem, an hin furi kay suu mansina. Del tii ma yoo ka hum hu ɦoŋzi namma oloɗi.

JEREMI 3:12

Aŋ tuɗ ɓak boy ma wanna ha ii ko ma mbayawna di ana, hoŋ ay ɗaŋ Israel ta noy Lona kira. Yawe di na. Kak manna dukugina hin ka lagi va oloɗi. Gasi an ɗegee, Yawe di na. An ka col saɓakŋa a fafaɗtaɗi.

JEREMI 3:5

Nam ka coli u saɓak mamma tu su? Nam ka u yara hurum tu na gak gak su? Na may hu ɓak ma ndak ɓak nana ndak ka seŋ lira li coraɗi ni ndak hin fi ni jivi tarage.

JEREMI 31:20

Efrayimmi goron ma an minim ɦayna su? Ni goo ma li dlara hurun vaɗta su? Tew tew hu li ma an ɓakŋa ni, an hin yam sem olo. Hurun minim cocoo. An saa kam ɦay. An minimu, gasi an minimu. Yawe di na.

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

JEREMI 32:41

Furi manda hin li ni kay ɦalla ɦasi tlesuu jivinara. Gasi, an hin kakasi hu mbas ndaɗta. An hin li dla ndaɗta ni u hurun halaŋ u tanda halaŋ lay.»

JEREMI 33:8

An hin mbususi ki teteɗ kay maɗ ma asi cam vi tasi ki daŋgayna fokonna lay, an hin ɦasi gira kay yara asi laɗ u anda lay.

JEREMI 38:8

Ebed-Melek col tuɗ di mulna.

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

JEREMI 9:24

Buuna ka mbaa, Yawe ɓak na, ma an hin kaɓakŋa kay suu caw ɗiwisi ki may, ɦal tasi ni hu tliwisi ɦawana,

EZEKIYEL 18:23

Na ni an furi gasi kay miɗ ma vi suu cona su? Di ni Bu Suuna Yawe. Ҥawaa, an min ni na ɗow ana asi hin dla coosira ki ta ni lak iiriya.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

EZEKIYEL 33:16

Dla cora nam laɗ ki fok jewra halaŋ ka ndumumba kam oloɗi. Nam li dlara ɗegeera u gasira ni nam hin kak iiriya.

DANYEL 9:9

Aŋ Bu Suuna, Loomina, oora u bulum cora ni maŋsina, kay ana ami li yara egeŋu,

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

Magaara Vi Sa Jok Vun Lona OZE 14:5

An hin suɗusi ki ko dla coosira, an hin minisi u huu ma jivina, yaanda tli ki kam wa.

AMOS 1:11

Yawe ɓak ana, ni kay dla cora laɗ yamba hindira, kay dla cora suu Edom suu yara laɗ yasi fiɗira, an hin ka col dukgi, kay ana nam dik wayamma u ŋgewra komu, cam ki wam hahawam kaɗi, kay ana yaamba heɓ ka tuɗi, hurum ka yomusna na gak gak.

AMOS 7:8

Yawe dan ana, «Aŋ wi ni mege, Amos?» An di ana, «Zew ma ɗegee gulumunna.» Malanna dan ana, «Gola an mbay cuk kawi ma tlawna duk suu man suu Israelna. An hin ka hoŋ ay kasi a mbara oloɗi.

AMOS 8:2

Nam di ana, «Aŋ wi ni mege, Amos?» An dam ana, «Kaalamba u vuɗ tlesuu vun wallana huruɗu.» Bu Suuna dan ana, «Suu man suu Israelna daɓ masira mba wa, an hin ka hoŋ ay kasi a mbara oloɗi.

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

MISE 4:7

Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

MISE 5:3

Nam hin col kolo taa timigii mamsina u saɓak Yawena, u bibiŋilla vi sem Yawe Lonara. Asi hin kak kaŋgaa, kay nam hin li a ma ŋgolna ta ta keŋ ndaŋgara ma daɓ ayna.

MISE 7:14

Taa suu maŋsina u tokolo maŋga, yoori maŋsina, ka ki duk bubura kay tasiya, duk usuna. Ko asi ti haɗna hu Basan u Galaad ko ndal ay hu buu ma fok jew dayna na.

SOFONI 3:17

Yawe, Lookŋa, ka vo varaku, u saɓak mamma, a su kay suunara. Nam furi cocora ni kaku, u min mamba nam holoŋok kolo ki wiliya. Nam luu njoŋŋa furi coco ni kaku.»

NDUMBA 23:21

Dlara gunira sa ka waɗ duk njaf suu vi Yakobmaɗi, lassa sa ka waɗ duk suu Israelnaɗi. Yawe Loosina ka u asiya. Vo varasi ni asi ka gi soolla geleɗ mulnara tew tew.

Boy Ma Ayra Ma LUK Ɓiirimma 15:32

Ay ndak a luu luu ma furira kayme wayaŋŋa gin ay ki ni ko miɗira na, cecemi nam mbuɗ ki ni iiriya. Nam ay ki ni baaya, cecemi an fam wa.»

Boy Ma Ayra Ma LUK Ɓiirimma 24:47

Suuna hin njaɗam sem ha ki hu mbassa halaŋ gijaŋŋa ha Yerusalem kay a di suuna asi jok hurusi ki zeɗ, daɓ coosira kiyo.

ROMMA 11:4

Ni Lona hoŋom dira ana mege? «An ŋgom suu manna ka bup bup kiɗisiya suu goɓ ka gaa fok Baalɗina.»

GA 8ATAMBARA 33:26

Sa ma tli tam ko Lona na kaɗi. Nammi sa ma ka njunugina. Nammi sa ma calaɗ huu lona aya mba kay ɗugulla lay ni u saɓak mamma.

Magaara JAK Ɓiiriɗta 2:13

Kay mege Lona hin kaɓakŋa wanni ka wi hahaw sa ma ka wi hahaw ndarayamma ɗina ɗi may, dla mayra wi hahaw saara ni su kay ɓakŋa day.

SUU KAƁAKŊA 10:16

Asi njay loogi suu daŋ suu vo varasina kiyo. Asi gijaŋ a sun Yawe ma ka wi lassa vi suu Israelna u irimbina.