MISE 6:6 - Boy Lonana

⁶ An hin col fok Yawe ni u mege? Gi yan kaŋga fok Lona ma ha kolo huulona dayna ni u mege? An hin col fokommi u ɓivun ma ŋgalam kina su? U gor mbutlugi suu basaɗasi dew dewna su?

MISE 6:6 ပူးပေါင်းရင်းမြစ်များ

2 SAMUEL 21:3

David ɓak ki maŋ suu Gabaonna ɗaŋŋi ana, «An hin lagi ni mege? An hin gi ii dla ndaɗta ni ana me a agi paɗ vunugi ki kay jo ma vi Yawena ge?»

SOOLLA 116:12

An hin gi deɓ Yawe ni ana mege? Kay jivira nam laɗ kanda.

SOOLLA 22:29

Mulla ni maŋ Yawe, nam kak mulna kay njaf suuna halaŋ.

SOOLLA 95:2

Takaygi taygi fokom u gi deɓpa, ŋgaaygina u soolla.

SOOLLA 95:6

Selegi aya, mbaygi, goɓoygi ga u vun gifiygi fok Yawe, ma laygina.

KALKIRA 12:5

Agi vi ni timii ma bay ŋgulla egemma, ni timii ma basaɗam dewna, vi ni timii gamlana, agi ndak vi ni duk yoori magisina, lini gamla ɗowba, ŋgekŋa lay.

KALKIRA 23:15

Agi li luu ma ti fu ma bay kuffa dukumma buuna kiɗisiya ni agi ti ni fu ma bay kuffa dukumma ko an haɗaginara na hu til ma ŋgaamma til ma yam wana neeyna. Ni buu ma agi cuk ay ki hu Egiptena. Sa ka mbay egen a golon u kom ma vadlnaɗi.

VUN ŊGOLNA 15:8

Ɓivun ma vi suu dlasi cona ka ii Yawe jiviɗi. Nam tin humummi kay cenda vi suu ɗegeena.

VUN ŊGOLNA 21:3

Sa ma li dlara ɗegeera u jivira ni jivi ii Yawe su ɓivunna.

EZAYI 40:16

Givin ma togolla hu Libanna halaŋ ka ndak a lam ɓivunnaɗi, ŋgusugi suu huna ka ndak a ŋgalam kuumbaɗi lay.

JEREMI 6:20

Va an a lam u mbul ma his jivi ma yowom ay Sabana ni mege, u cerew ma gol jivi ma yowom ay hu mbassa dayrana ge? An ka minigi ɓivun magi ma agi ŋgalangina kinaɗi, ɓivun ma agi langinana ka irin jiviɗi.

EZEKIYEL 46:9

Na may suu ɦawana a mbay fok Yawe hu buu ma luuna kala ni, suu cuk ay hu vun ma ii mbayawna hoŋ ay ki bunsu ni hu vun ma ii dalina. Suu cuk ha kalafi hu vun ma dalina, hoŋ ay ki bunsu ni hu vun ma mbayawna may. Sa ka ndak a hoŋ ki bunsu hu vun ma nam kal ay kalafi hunaɗi. Gegelay hin kal ki bunsu ni hu vun ma daŋŋa.

DANYEL 3:26

Na ɗaŋŋi Nabukodonosor ɦuɗ tam ha fun zulla kura ŋgik ŋgikka. Nam ɓak boyna hin di ana, «Sadrak, Mesak u Abed Nego suu sunda vi Lo ma Kolo Dayna, selegi ay kiyo, kakagi iiriya.» Na ɗaŋŋi Sadrak, Mesak u Abed Nego sel ay ki duk kura.

DANYEL 4:9

Humum jiviya, vuɗum bolow coco may. Tlesuu tira ay kom maŋ suuna halaŋ. Mbuuri suu bagina koɗ tasi halaŋŋi kaŋga u ŋgusumu, layagi suu duk lonana kak kolo hu gorgor komu, tlesuu iirina halaŋ fi tiisina ni egemu.

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

DANYEL 5:21

Asi dikim ki duk suuna, hurum mbuɗ ko huu mbuurina na, nam kakŋi duk mbuuri suu bagina, nam ti ni haɗna ko mbutlina na, mbaɗagira kolo huulonara mbusum tam kiyo, ta ta nam wi ana Lo ma Kolo Dayna ni malaŋ mulla vi suunara, nam tli yam gegelay kolo ni u min mamba.

Magaara Vi Sa Jok Vun Lona OZE 5:6

U yoori masi suu gorina lay, suu ŋgolona lay asi mbay a hal Yawe may asi hin ka fambi. Nam ɓorow duk ɦoŋom ki u asi wa.

AMOS 5:22

Hu li ma agi langi ɓivun ma ŋgalam kina, u ɓivunna u njaf wana halaŋŋi va an furiyum na dew kaɗi. Ɓivun magi ma u mbuuri suu mbulna cocona lay, ni irin ka golombi.

NDUMBA 7:51

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

MATIYE 19:16

Sana ɦuɗ tam eg Yesu, joɓom ana, «Mala Haɗta, va ma an lam jivina a fi iirira ka daɓ kiɗira ni mege?»

MARK 12:33

Sana min Lona u hurum halaŋ, u musukum halaŋ, u saɓakam halaŋ, min ndaramma ko tamba na. Dla ndaɗta jivi su ɓivunna u poora suuna laɗta halaŋ.»

MARK 5:7

Nam sawalla kolo eŋga ana, «Yesu Goŋ Lo ma kolona, aŋ a min mi egen ge? An joɓoŋ fok Lona, aŋ lasanɗi.»

Boy Ma Ayra Ma LUK Ɓiirimma 10:25

Mul ma wi magaara gaɗta mba ganyam Yesu joɓom ana, «Mala Haɗta, an hin li ni nana a fi iirira ka daɓ kiɗira ge?»

Boy Ma Ayra Ma JAŊ Ɓiirimma 6:26

Yesu hoŋosi dira ana, «An dagi ni gasi u voɗoɗu, agi halan ni kayra an ɦagi funara, ni ka kay dlara mbuɗta agi wan an laɗtaɗi.

SUNDA 16:17

Ndaɗ gi taɗ umiya sawalla ana, «Suuna wanni suu sunda vi Lo ma kolo dayna. Asi dagi boyna ni kay voɗta tuɗugi hu suɗta.»

SUNDA 16:30

Nam cukusi ay ki buru ca ni joɓosi ana, «Gorna, an lini nana a fi suɗta ge?»

SUNDA 2:37

Hu li ma asi hum boy namma na ni hurusi haɗ cocoo. Asi joɓ suu vovoɗta suu hiŋŋa ana, «Gorsemina ami lini nanage?»

EFESNA 3:14

Ni kay ndaɗta an goɓ kaŋga u vun givin fok Bunu.

HEBRENA 10:11

Muli suu li ɓivunna halaŋ hu buuna tew tew coli u sesi kay a li sun masira, asi li tew tew ni ɓivun ma dew namma ka ndak a yow cora kiɗi lay.

1 SAMUEL 15:22

Samuel di ɗaŋŋi ana, «Yawe min ɓivun ma ŋgalam ki ŋgalina u ma lam ɦawana ŋgolla su humba hum u boy mammara su? Ҥawaa, humba ni ŋgol su ɓivunna, gi yamba kaŋgara su mbul gamlagina.