MISE 6:16 - Boy Lonana

¹⁶ Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.

MISE 6:16 ပူးပေါင်းရင်းမြစ်များ

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 9:8

Zira mini kolo day jivi coco ndaɗta gegelay hin jak egeɗ ni yoo tam cocoo, ko komu, joɓ tam ana Yawe a li dla ndaɗta eg mbas ndaɗta u Ziŋ Yawera na ni ana mege?

2 MULINA 16:3

Nam li ni dlara vi muli suu Israelnara, gi gooromma ki duk kura lay, ko ndal njaf suu co suu Yawe dikisi ki fok suu Israelna jewna lira na.

2 MULINA 21:3

Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.

2 DLAŊ MULINARA 22:4

Nam li dlara ka ii Yawe jiviɗira ko suu vi Akabma lira na. Kay suu asina egem a dam gaɗta ni asiya. Hu li ma bum miɗ kina, asi ganam yam a baam kira.

2 DLAŊ MULINARA 34:25

Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

SOOLLA 1:1

Furira ka kay sa ma ka vi vunum u suu li dla coraɗina, ka taɓ tam hu voɗta vi suu li sulukŋaɗi lay, ka kak u suu pan Lonaɗi lay.

SOOLLA 44:13

Aŋ vi va ma gus ka kasiɗi lay, aŋ ɦal suu maŋsina ki bay joɓ va kasiya.

SOOLLA 44:14

Aŋ hinimi ko pan ma vi suu vok ziimina, suu ŋguyumina halaŋ ka san umiya.

EZAYI 25:8

Nam hin doo miɗna ki a fafaɗta. Bu Suuna Yawe hin saɗ simi ma ii suunana kiyo. Hu mbassa halaŋ nam yow zolona ki kay suu mamsina. Yawe u tamba di na ni namu.

EZAYI 9:16

Kay ndaɗta Bu Suuna ka wasi hahaw gorzoŋi masisinaɗi. Nam ka wi hahaw gor suu kuyuna u boyogi suu donoraɗi lay, kay asi halaŋ ka wi Lonɗi, ka li dla jiviɗi lay, vunusi halaŋ njaɗ ni dlara giniŋga. Na lay ni Bu Suuna hurum heɓ ka eg suu Israelna tuɗi, kom ka ki maɗii a lasasira tuwa.

JEREMI 19:8

An hin mbuɗ li namma ki li ma hahawra ma suuna tii tii ma hahawra huna. Sa tli hu li namma tokŋa hin viɗ ki na dawlaɗ hu li ma nam wi dla co ndaɗta nana. Nam tii tii ma hahawra lay.

JEREMI 25:18

Yerusalem lay, ɦoŋzi ma Yudana lay, muli masisina u suu ŋgolo masi suu sunda lay, mbuɗ li namma ki didiŋga hu jonara, mbuɗ li namma ki li ma hahawra ma suuna tii tii ma hahawra huna. Ma suuna ndumum ki duk li ma conana lay, ni dlara ka cecem wanda.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 29:18

An hin ciɗisi usi u ŋgewra, mayra u tuguɗi bora. An hin mbuɗusi ki va takka maŋ suuna a asi ɓakaɗ tew tew li ndaana may. Ni dlara hahawra suuna hin tii koɗta, kay njaf suu an njayasi kina humusi hin gasi hu li ma asi min a li dla corana.

JEREMI 51:51

Ami hurumi ka furi hu li ma ami hum suuna ŋgulumi naɗi, irimi mbuɗ ki zolona. Suu koyogina sel ay hu li ma teteɗ ma hu Ziŋ Yawerana wa.

JEREMI 7:24

Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

YOORA 5:1

Tin humuŋ ay kay dlara ka lamira, Yawe. Golla aŋ wi ŋgulla asi ka ŋgulumira gige.

EZEKIYEL 39:26

Asi hin maa zolo masina u bay ɗegee masira asi laɗ ay egen hu li ma asi ay laki kay ndaŋga masira u heɓpara kiyo. Sa ma ay a ŋgenesi hu li namma kaɗi lay.

DANYEL 9:16

Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

Magaara Vi Sa Jok Vun Lona OZE 12:14

Na may, Yawe u sa jok vun Lona maa dew kal Israel ay ki hu Egipte, sa jok vun Lona na dew gol Israel, ni namu.

Magaara Vi Sa Jok Vun Lona OZE 5:11

Efrayim ki dooriya, toom ki hu ɓakŋa wa, kay ana nam vi tam a liŋ na ta ta u dlara uɗ kaɗira.

MISE 2:6

«Ɓakagi boy nammaɗi, asi ɓakam su? Asi ka ndak a ɓak ko wanda naɗi, boy ma cona hin ka a ɦuɗ ki keŋ dayɗi.

MISE 6:13

Na ɗaŋŋi an mbuɗuŋ ki tuguɗira wa, kay poŋga aŋ poŋ suunara, an yowoŋ tlegeyeŋ ki ni kay suluk ma aŋ lamma.

WIRA ŊGAYRA 2:20

Aŋ hum va ma hurun ɓeŋ egeŋ kamma haa, kay hinda aŋ hin Jezabella, ndaɗ di kay taɗ ana ndaɗ ni cara jok vun Lona. Ndaɗ haɗ suu man suu sunda ana asi li dlara zoŋga, asi ti tliw ma li ɓivunna maŋ fulina lay.