MISE 5:7 - Boy Lonana

⁷ Kay ndaɗta suu vi Yakob suu usi hinna hin li ni duk mbassa bolowra, duk suu bolowna ko ndal dlona duk mbuuri suu duk gurana na, ko ndal goo dlona duk timigiina na, nam jak dukusiya, tayasi kaŋgaa, casi kiyo, sa ka hin ndak a buɗusi kiɗi.

MISE 5:7 ပူးပေါင်းရင်းမြစ်များ

2 SAMUEL 17:12

Aygi hin famu li ni nam ka ni aragelay. Aygi hin moloygi taygi kam ko ndal mbaɗagira gi kay ndaŋgara na. Kam nam lay kay suu umma lay, sa hin ka hin dewɗi.

SOOLLA 110:3

Hu li ma aŋ tuɗ duuna suu maŋsina tuɗ uŋ u furira. Suu maŋsina mbay egeŋ kay ɦinira teteɗta, ko ndal mbaɗagira gi maɗira na.

SOOLLA 133:3

Ni ko mbaɗagira kay ɦinira Hermonda na, ɓaɗ ay ga kay ɦinira Siyonda. Yawe min a paɗ vunum ki kaɗ ni namu, ni iirira ka daɓ kiɗira.

SOOLLA 72:6

Asi li ni ko mbo lo ma si hu li ma goloŋiina na, ko lo ma laɓ yam ndaŋgara ki belna na.

VUN ŊGOLNA 19:12

Yara vi mulnara ni ko ndal dlona gi ŋgoɓpara na. May oo mamba ni ko ndal mbaɗagira gi hum usunara na.

EZAYI 32:15

Ta ta hu li ma Musukka cuk ay kaygi kaŋgana. Li ma ŋgo bagina hin mbuɗ ki sene ma jivina, sene ma jivina mbuɗ ki li ma pi ŋgusugi suu tira huna may.

EZAYI 44:3

An hin si mbona ki hu li ma yo ka huɗina, gi mbo ma ɓaɗna hu mbas mayra yo ka huɗira. An hin fo Musuk manda kay goryoŋu. Paɗ vunun ki kay njafaŋ halaŋ.

EZAYI 55:10

Ko ndal mbo lona si ay kaŋga kay ndaŋgara, ɗowba dlaŋmagina siya, nam ka hoŋ kolo ɦawa bay laɓ yam ndaŋgara kiɗi, ka hin bay day ii tlena kiɗi, ka hin bay ɗuf hum tlenaɗi lay, ka hin bay a ɦal njaf tlena ka maŋ sa ma zaarasinaɗi, ɦal tina maŋ sana a tira lay.

EZAYI 66:19

An hin pi va ma tak kina kolo huwa. An hin sun u suu hin ay hu li ma daŋŋa nde ndena ay huwa, ay eg njaf suu daŋŋa halaŋ halaŋ. Suu Tarsisna, suu Pulna u suu Loudna mbas mayra duu u mburra, suu Tubalna u suu Yavanna u suu ay ki day day suu humun dlan ka dewɗina, suu wan bibiŋil manda ka dewɗi layna, asi hin di ki kay ŋgol manda duk njaf suuna halaŋ.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

EZEKIYEL 14:22

Na lay ni u suu hin hin na ew. Asi hin cuk gor njufiina u gorɓiina ay ki hu ɦoŋzina. Gola asi ka tuɗ ay egegiya. Agi hin golosi poy masira u sunda asi laɗta. Hu li namma ni agi hin ɗil irigi kay hahawra an mbaaraɗ kay zi ma Yerusalemma wandara u dlara an mbaaraɗ kaɗta halaŋ.

EZEKIYEL 47:1

Sa namma tuɗun ha fun Ziŋ Lonara. An gol na ni mbona ɓaɗ ay ga u vun Ziŋ Lonara ii ma u maɗiinana na, kay biɗii zira mini ni ii u maɗiina na, mbona ɓaɗ ga bik njufna keŋ givin ma togolla ii dali na ɗow may.

EZEKIYEL 5:5

«Gola, Bu Suuna, Yawe, ɓakŋi na, An tin ɦoŋzi ma Yerusalemma ni duk ɦoŋzi ma daŋŋa na gay zi ma vi suunana ŋguyuɗ yaɗ ki na halaŋ.

DANYEL 11:32

Nam hin ɓeŋ huu suuna ki u kaboy mamma a asi noy galamba wilira kiyo, may suu wi Loosinana hin li ni dlara ɗegeera u vira hurusiya.

Magaara Vi Sa Jok Vun Lona OZE 14:5

An hin suɗusi ki ko dla coosira, an hin minisi u huu ma jivina, yaanda tli ki kam wa.

Magaara Vi Sa Jok Vun Lona OZE 6:3

Loɓoygi taygi a waygi Yawe, col mamba kolora ni gasi ko ndal li ma fora na may. Nam hin mbay egeygi ko ndal yona mbay sirara na ko ndal mbaɗagira vun ndolla laɓ yam ndaŋgara na.»

AMOS 5:15

Noyogi dla cora kiyo, minigi ni dlara jivira, kaagi ɓakŋa u voɗomu, kala Yawe Lona ma saɓakŋa hin wi hahaw suu hin vi Yosefna.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

MISE 4:13

Col kolo, to wana, goora vi Siyon, mekka kakka an hin mbuɗuɗ ki kawina, sek ma tin kaŋgana an hin mbuɗum ki walakka, ndak tegeɗ suuna ki bolow cocoo, ndak hin doorosi ki kay bege masira u givunna hin ɦaɗ ki maŋ Yawe, bege masira ki ni maŋ mala mbassa halaŋ.

MISE 4:7

Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

MISE 5:3

Nam hin col kolo taa timigii mamsina u saɓak Yawena, u bibiŋilla vi sem Yawe Lonara. Asi hin kak kaŋgaa, kay nam hin li a ma ŋgolna ta ta keŋ ndaŋgara ma daɓ ayna.

MISE 5:8

Ko koŋ tli kolo kay suu babali maŋsina, ko suu babali maŋsina bulum kiyo.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

ZAKARI 14:8

Hu buu namma ni mbo ma heɓma hin baɗ hu Yerusalem, keŋ ɦiw tuɗ hu mbo lum ma ŋgolna maɗiina, keŋ ɦiw tuɗ hu mbo lum ma ŋgolna fiɗigina may. Hin li ko ndaɗta na hu til faɗta lay, hu ndolla lay.

ZAKARI 9:13

An tli gu mburu manda kon wa, ni Yuda, an tiniɗ mburra huruɗ wa, ni Efrayim. An hin sook u goryogu, Siyon, ek goryoŋ Gresna, an hin vak kon ko sa duuna ko ŋgew mamba kolo kamba na.

MATIYE 28:19

Tuɗugi ha duk njaf suu kay ndaŋgarana halaŋ, mbuɗusi ki suu mansina. Mbususi batemma u sem Buna, Goromma, Musuk Lonara may.

SUNDA 11:15

An gijaŋ ɓakŋa may ni Musuk Lonara mba cuk kasi ko ndaɗ mba kaygi jewra na may.

SUNDA 13:46

Pol u Barnabas dasi ki ɗal ɗal ana, «Lini nanagelay Boy Lonana dagina ay ki magi jewe, agi hin noy boy namma kiyo, ni agi ndak ka kay iiri mayra ka daɓ kiɗiraɗi. Cecemi ami tuɗumi eg suu ka njaf suu Juifnaɗina.

SUNDA 16:9

Hu njeŋgera wanni van tak tam irimu, nam wi sa ma Masedoinna coli fokomu, ka dam ɗaŋi ana, «Tuɗ ay Masedoin mbay njun umiya.»

SUNDA 9:15

Bu Suuna dam ana, «Tuɗa, an man sa namma ni ko vaan ma sunda na a takan sen ki maŋ njaf suu daŋŋa, maŋ muli masisina u suu Israelna.

ROMMA 10:20

Ezayi di olo ana, «Lona di ana, An ɦal tan ki maŋ suu halan kaɗina, suu joɓon va kaɗina an tak tan irisiya.»

ROMMA 11:12

Ndi kaŋgara vi suu Juifna mbuɗ suu hu ndaŋgarana halaŋ ki saɓakŋa wa, ni hoŋ masira hoŋ ki kaŋgara mbuɗ suuna ki saɓak wa na ɗaŋŋi, asi hin hoŋ ay hu suɗta wa ni dlaasira hin lini ŋgol ko ndal mi na ɗaŋge?

ROMMA 9:30

Hin daygi kay boy namma ni ana mege? Suu ana asi ka suu Juifnaɗi lay, ka suu hal a mbuɗ tasi ɗegee fok Lonaɗi layna, asi mbuɗ ki ɗegee u vira.

1 KORINTNA 3:6

an pi guna kaŋga ni anu, Apollos voom yona may, Lona hin wulummi namu.

GA 8ATAMBARA 32:2

Ko haɗ manda si ha ki ko yo lona na. Ko boy manna soo ga ko mbaɗagira na. Ko yo lona ɓaɗ kay usu ma ŋgolomma na.

SUU KAƁAKŊA 6:36

Gedeon di Lona ana, «Lini aŋ min a suɗ suu Israelna ki u bik kon ko aŋ dira na ni,