MISE 5:5 - Boy Lonana

⁵ Asi hin taa yoorina kay mbassa Asiri u ŋgewegina, kay mbassa Nemrodta u ŋgewegina lay. Nam tamba may ni buɗuygi ay ki ko Asiri hu li ma nam suu ay kay mbas maygira hin tooygi ii haka maygira kina.

MISE 5:5 ပူးပေါင်းရင်းမြစ်များ

Boy Ma Ayra Ma LUK Ɓiirimma 2:14

«Geleɗey Lo ma kolona. Nam ɦal heɓ mamba ay kay ndaŋgara maŋ suu nam minisina.»

ZAKARI 10:3

Yaanda ni kay suu taa yoorina. An hin kaɓakŋa ni kay ŋgekgina. Gasi Yawe, ma Saɓakŋa Kom Belna, hin gol yoori mamsina, zi ma Yudana. Nam hin col kulum mamma duuna huwa.

Boy Ma Ayra Ma JAŊ Ɓiirimma 14:27

«Heɓpa an hin hinigira kara, ni heɓ manda, an hin hinigira ha ni ndaɗu. An ka ɦagira ko suu hu duliyarana ɦaɗta naɗi. Ɓigigi vundikigiɗi, lagi ndaaɗi.

ZAKARI 9:10

Nam hin bulum pupus ma duuna ki hu Efrayim lay, hu Yerusalem lay. Nam hin kus gu mburra duuna kiyo, hin mba heɓpa ay maŋ suuna. Nam hin ti mulla fun lumma ŋgolna ta ta tew fun lum ma hiŋŋa, col fun lumma ta ta tew ha ki keŋ mbassa ma daɓ ayna.

DI BOLLA 11:2

Ɓorow bege maŋga duk u suu kiɗisiya kala, kalavandi kala, kay aŋ ka wi dla cora hin a mbay fokkaɗi.

JOB 5:19

Na olo ni, nam ndak a suɗuŋ ki hu las maŋga. Ŋgoo dagan dlara co ka hin a laŋ oloɗi.

WIRA ŊGAYRA 19:14

Suu duu suu kolo huulona tuɗ umu asi fuli kay kulumi suu haɓagina, baraw ma haɓ kew kewna cuki tasiya, ni baraw ma teteɗna.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

Boy Ma Ayra Ma JAŊ Ɓiirimma 16:33

An dagi na ni kay duk ɦoŋogi li heɓpa u anu. Agi hin wi hawra duk suuna. Na may, vagi hurugi eŋe, an su kay duliyara.»

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.

ZAKARI 9:13

An tli gu mburu manda kon wa, ni Yuda, an tiniɗ mburra huruɗ wa, ni Efrayim. An hin sook u goryogu, Siyon, ek goryoŋ Gresna, an hin vak kon ko sa duuna ko ŋgew mamba kolo kamba na.

AMOS 1:6

Yawe ɓak anaba, Ni kay dla cora laɗ yamba na hindira, kay dla cora suu Gaza suu yara laɗ yasi fiɗira, an hin ka col dukgi, kay ana asi yow suuna bolow cocoo, tuɗ cukusi ha ki Edom.

AMOS 1:3

Yawe ɓak anaba, Ni kay dla cora laɗ yamba na hindira, ni kay dla cora suu Damas suu yara laɗ yasi fiɗira, an hin ka col dukgi, kay ana asi ci suu Galaadna ki u njetna.

JEREMI 33:15

Hu coki ndaɗta hu li namma gaw may ni, an hin wul gogor gu ma ɗegee ma vi Davidna, ma hin njun kay ma ɗegeena u jivira hu mbassa.

EZAYI 65:8

Yawe di ana, hu li ma mbona li kolo eg vuɗ gugutlura wa ni, asi di ana gasiyam kiɗi, kay nam hin li summa jiviya. Na may an hin li u suu sun mansina ni ko ndaɗta na may, an ka ɓalakasi ha ki na halaŋgi.

EZAYI 59:19

Na ni suu ha u fiɗiginana hin li ndaa sem Yawena, suu u maɗiinana hin ŋgaam bibiŋil mamba. Kay nam hin mba ni ko ndal bil mbo lum ŋgolna babaana ɓaɗam ayra na.

EZAYI 44:28

An di Sirus ana, «Aŋŋi saan ma taaran yoorina.» Dlara an miniɗta halaŋ aŋ hin laɗ kiyo. Hin di Yerusalem ana, nam min ki kolo balamamu kay ziŋ Lonara ni ko ndaɗ col ki kolo balamaɗu.

EZAYI 7:14

Gola Bu Suuna u tamba hin takagi dlara dew, go tamara bay buu u sa njuf tura hin vi wiina, hin vuɗ goona. Ndaɗ hin tinim sem ana, Emmanuel, Lona ka u aya.

VUN ŊGOLNA 30:29

Tlena ka na hindi ni gol jivi cocoo. Asi ni fiɗi tuɗ masira jivi ɦay.

VUN ŊGOLNA 30:18

Gola tlesuu su ki kanna ka na hindi, fiɗi ɗow suu an ka wasi usiɗina.

SOOLLA 72:7

Hu li ma nam ka ti mulla, ni suu ɗegeena tuɗ ha fok na ɗow ɗow, begera zul ha fok na ɗow ɗow may.

VUN ŊGOLNA 6:16

Tlena ka na karkiya suu Yawe ka minisiɗina, ndak a li kiɗisiya suu ka gol irim jiviɗina.

EZAYI 14:25

An hin to zi ma Asirina ki hu mbas manda. An hin tayam ki ga u ɦini manda. Suu may suu ziirimma jug mamma hin tli ki kelesiya, nek mamba hin tli ki kasiya.»

ZAKARI 10:11

Asi hin ɗiŋ mbo lumma ŋgolna Egiptena kiyo. Yawe hin waɗ bil mbona hu lum ma ŋgolna. Mbo lumma Nilna halaŋ hin so kiyo. Ŋga tara vi Asirira hin bulum kiyo. Mul ma Egiptena hin ɦuɗ kiyo.