MISE 4:7 - Boy Lonana

⁷ Duk suu dalira an hin mbuɗusi a ura hinda, suu ay ki njayna a mbas mayra saɓakŋa. Kolo kay ɦinira Siyonda Yawe hin li ni a mul masina cecem wanda, hu fokka a fafaɗta.

MISE 4:7 ပူးပေါင်းရင်းမြစ်များ

SOOLLA 2:6

Nam di ana, «An mbuɗ mul manna ki teteɗ ni anu, tinim kay ɦinira Siyon, ɦini mayra teteɗta ɦini manda.»

EZAYI 16:5

Hu li ma mulla mbuɗ ti ni u minda, ni hu zi ma vi Davidna. Sa ma ɗegeena hin kak a kaɓakŋa nam hin ɓak suuna ni u ɗegeera tam fet kay a gi ii dlara.»

EZAYI 24:23

Tilna hin maŋ kiyo, faɗta hin mbuɗ ki ndufunda. Na daŋ may Yawe ma Saɓakŋa Kom Belna ni mul ŋgolna. Ay kay ɦinira Siyonda hu Yerusalem hu bibiŋil mamba fok suu ŋgolona halaŋ.

EZAYI 6:13

Lini keŋ ma doogona vi mbas ndaɗta suɗ ko las ndaɗta lay ni, ŋguy masira mba kasi ni u kura may. Ni ko ndal suuna ka ɦoyna kira na, sariyam hin hin kaŋga ni nam hol kay sarina ni ii njaf ma teteɗna.»

EZAYI 60:22

Njaf suu vo kaɗakina hin mbuɗ na buɓ buɓ. Suu may suu wi hawra hin mbuɗ ni suu zuli cocoona. An, Yawe, hin li dla ndaɗta ki hu liiɗ ni cem cem gaw.

EZAYI 66:8

Sa ma hum boy ma ko namma nana sem dewna ni gege? Sa ma wi dlara ko ndaɗta nara dewna ni gege? Mbassa ɗowba suu warna ndak a vuɗ hu buu ma dewna na gaw su? Na may Siyon vuɗ goryoɗ ki hu buu ma dewna.

EZEKIYEL 43:7

Vana dan ana, «Goŋ sanna, ni li ma dlam manda mulla ka huna, u li ma an cuk sen huna. An hin kak duk suu Israelna hu li namma ni a fafaɗta. Suu Israelna ka mbuɗun sen ma teteɗna ki njenje oloɗi. Asi tasiraɗi lay, muli masisina u dlaasira coraɗi lay, u maɗ muli masisinaɗi lay, u ususiɗi lay.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

DANYEL 7:14

Asi hin ɦam saɓakŋa, bibiŋilla u mulla. Suuna halaŋ, njaf suuna u dee vunusi halaŋ sunumu. Saɓak mamma ni saɓak ma a fafaɗta hin ka daɓ kiɗina, mul mamba ni mul mayra hin ka bulum kiɗira.

DANYEL 7:27

Kay mulla, saɓakŋa u ŋgolla vi muli suu kaŋga u huulona halaŋŋa ɦasi ki maŋ suu teteɗna vi Lo ma Kolo Dayna, mul mamba ni mulla didinda. Saɓakŋa halaŋ hin sunum may hin hum um may.»

ABDIYAS 1:21

Suu saɓakŋa ɗiŋ kolo kay ɦinira Siyonda a ti mulla kay ɦinira vi Edomba. Yawe hin vam a mulna.

MISE 2:12

An hin tokogi kay tagiya, suu vi Yakobma halaŋ halaŋ, an hin tok suu Israel suu hinna, an hin taɓasi dew ko ndal timigii suu vi Bosrana na, ko ndal yoorina ay hu li ma tira na. Del suuna hin kal ay ki dukusiya.

MISE 2:13

Nam ɗiŋ ha kolo fokosi wa, sa ma hin a malasi voɗtana, asi mal voɗta wa, asi sel ki hu vun goŋga, asi sel ki ni huruɗu. Mul masina kal ki fokosiya, Yawe tuɗ fokosi ni namu.

MISE 5:3

Nam hin col kolo taa timigii mamsina u saɓak Yawena, u bibiŋilla vi sem Yawe Lonara. Asi hin kak kaŋgaa, kay nam hin li a ma ŋgolna ta ta keŋ ndaŋgara ma daɓ ayna.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

SOFONI 3:13

Suu Israel suu hinna hin ka li cora oloɗi, asi hin ka kaboyna oloɗi, sa hin ka humusi boy ma ganyam funusi oloɗi. Asi hin taa yoorina hin koɗ tasi lay, sa hin ka mbuɗusi ndaana oloɗi.»

SOFONI 3:20

Hu buu namma an hin hoŋogi ay voo, hin li ni hu buu ma an hin tokogi kay tagina. Segi hin tii ki kay yam mbassa, an hin mbuɗugi suu ŋgolona duk suu kay ndaŋgarana, Yawe di ana an hin mbuɗugi dlaagira jewra ki jivira ni irigi gaw.

Boy Ma Ayra Ma LUK Ɓiirimma 1:33

Nam hin li ni a mulna kay suu Israelna gak gak, mul mamba ka daɓ kiɗi.»

WIRA ŊGAYRA 11:15

Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»