MISE 4:3 - Boy Lonana

³ Nam hin kaɓakŋa duk suuna bolowo kaɓakŋa duk ɦoŋ mbassa saɓakŋa ɦayra, hu li ma dayna lay. Ɗuɗusi ŋgewegi masina kiyo, asi hin mbuɗusi ki a kawira zumma, u ɓagi masisina asi mbuɗusi ki maragamba. Mbas taaragelay hin ka a koo ŋgew kolo kaɗ kay ndaraɗ oloɗi, suuna hin ka haɗ yal ma duu tasina oloɗi.

MISE 4:3 ပူးပေါင်းရင်းမြစ်များ

SOOLLA 46:10

Nam doo duuna ki kay yam mbassa halaŋ, nam kus mbuurura u saɓpa kiyo, nam ŋgal pus pus ma duuna ki lay.

SOOLLA 46:9

Tuɗugiya, gologi sunda Yawe laɗta, tlesuu nam ɓalakasi ki kay ndaŋgarana.

SOOLLA 72:3

U ɗegee ndaɗta tlena halaŋ ka furiya. Ҥinira lay ka wi jivi ndaɗta.

SOOLLA 72:7

Hu li ma nam ka ti mulla, ni suu ɗegeena tuɗ ha fok na ɗow ɗow, begera zul ha fok na ɗow ɗow may.

SOOLLA 82:8

Col koloo Lona kaɓakŋa kay duliyara, kay aŋ dew ni Bu njaf suu ka hu ndaŋgarana halaŋ.

SOOLLA 96:13

fok Yawe kay nam ka mbaa. Nam mba ni a ti mulla kay ndaŋgara, nam hinni a mul ma ɗegeena kay njaf suuna, ti kay suuna u ɗegee mamba.

SOOLLA 98:9

fok Yawe kay nam ka mbaya ni kay a kak mulna kay ndaŋgara, ti kay suuna u gasira, ti kay ndaŋgara u ɗegeera lay.

EZAYI 2:4

Nam hin li ni a sa ma ka ii ɓakŋa duk njaf suunana. Nam hin gi ii dlara duk njaf suuna bolowo. Ŋgewegi masi suu duuna asi hin dlasi ki kawira. Saɓii masisina asi hin dlasi ki maragamba. Suuna hinni ka li dlara duu duk tasi oloɗi. Sa ka haɗ yal ma duu oloɗi lay.

EZAYI 25:3

Kay ndaɗta njaf suu saɓak cocona hin ŋgaaŋu. Ҥoŋzi ŋgolo ma las suuna ɦayna mbuɗ laŋ ndaaraŋu.

EZAYI 51:5

Suɗta An ɦagirara hin wa tok, buɗta agi a buɗ kira hin tak taɗ kiyo. Suuna hin lakŋi hu ɗegeera an a takasirara. Suu ha ki day dayna lay hin tin hurusi kanu. Asi hin saa ni kay saɓak manna.

EZAYI 60:12

Njaf suuna u muli suu ka min a sunugiɗina hin ba kiyo, njaf suu asina halaŋŋi hin dik kiyo.

EZAYI 65:25

Bosogona u gor timigiina ti ko tasi dew, dlona u mbutlina ti ko tasi dew. Guyugina gugum ndaŋgara ni tiisina. Asi ka li va ma co eg saɗi. Ka ɓalak vaɗi lay, kay ɦini manda teteɗta, di na ni Yawe.

EZAYI 9:7

Bu Suuna kaɓakŋa kay njaf suu vi Yakobma, ɓak namma ndi ni kay suu Israelna.

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

Magaara Vi Sa Jok Vun Lona OZE 2:18

Va hin li hu buu nammana ni, Yawe di ana ndak hin yan ana, «Njufunu». Ndak hin ka yan ana, «Baal manna, malanna,» oloɗi.

Magaara Vi Sa Jok Vun Lona OZE 2:20

An hin vi galamba u asi hu buu namma, u mbuuri suu hu senenana lay, u laygi suu huulonana lay, u tlesuu ɦaram u vun dikisi kay ndaŋgarana lay. Gu mbuurura, ŋgewra lay, duuna lay, an hin bulumusi kiyo, tle asina hin ka li hu mbassa oloɗi. An hin ɦal voɗta maŋ suuna asi buu senna u heɓpa.

JOEL 3:2

Kay suu sunda njufiina u boyogina lay, hu li namma an hin njay Musuk manda kasiya.

ZAKARI 14:3

Na ɗaŋŋi Yawe hin yow suuna ay um duu u suu asina hu buu ma asi ci tasina, hu buu ma yara.

ZAKARI 8:20

Yawe, ma Saɓakŋa Kom Belna, ɓak ana, gasi, agi hin wi suuna mbay cocoo, suu ay hu ɦoŋzi ma ŋgolona.

ZAKARI 9:10

Nam hin bulum pupus ma duuna ki hu Efrayim lay, hu Yerusalem lay. Nam hin kus gu mburra duuna kiyo, hin mba heɓpa ay maŋ suuna. Nam hin ti mulla fun lumma ŋgolna ta ta tew fun lum ma hiŋŋa, col fun lumma ta ta tew ha ki keŋ mbassa ma daɓ ayna.

SUNDA 17:31

Nam mba buu ma dew a kaɓakŋa kay suuna u ɗegeera ni u sa ma dew ma nam ŋgaɓamma. Nam tuk dla ndaɗta u colla nam colom kolo hu miɗna iirira.»

WIRA ŊGAYRA 19:11

An gol irin ha kolo ni wi huulona ki maliya, kulum haɓma kal ki kiɗiki, sa ma fuli kamma sem ana ɗegeena, gasina, ma kaɓakŋa, ma duu duu ma ɗegeena.

1 SAMUEL 2:10

Yawe, suu babali mamsina hin miɗ kiyo. Ay kolo huulona day ni nam hin ŋgoɓosiya. Yawe hin kaɓakŋa kay ndaŋgara halaŋ. Nam hin ɦal saɓakŋa maŋ mul mamma. Nam hin tli yam saam ma suɗta koloo.»