MISE 4:13 - Boy Lonana

¹³ Col kolo, to wana, goora vi Siyon, mekka kakka an hin mbuɗuɗ ki kawina, sek ma tin kaŋgana an hin mbuɗum ki walakka, ndak tegeɗ suuna ki bolow cocoo, ndak hin doorosi ki kay bege masira u givunna hin ɦaɗ ki maŋ Yawe, bege masira ki ni maŋ mala mbassa halaŋ.

MISE 4:13 ပူးပေါင်းရင်းမြစ်များ

DANYEL 2:44

Doli ɗaŋŋi hu buu ma vi muli suu asina wanni Lo ma ay kolo huulonana hin tin mul ma ka ɓeŋ kiɗina, ma mul mamba hin ka ɦaɗ ki maŋ suu daŋ oloɗina. Nam hin luɗusi kiyo, hin bulum muli suu asina ki halaŋ, nam hin hinni a fafaɗta.

EZAYI 23:18

Na may warak masina u fiisina halaŋ hin hinni maŋ Yawe. Nam ka hin njuni kolo moli ɦawaɗi. Warak masina u fiisina ni a ɦal tina maŋ suu ka cuki fok Yawena u baraw ma dereŋ ma cuk tasina.

EZAYI 18:7

Hu buu namma ni suuna hin ɦal tlena maŋ Yawe, ma Saɓakŋa Kom Belna. Suu may suu wuli fiyeki cocona u suu tasi weleɗ ɦayna, ni suu may suu suuna hu duliyara halaŋ ka lasi ndaarasina, njaf suu saɓakaŋa suu ka las ndarayasinana, suu mbo lumma ɓorowosi irisi kina. Asi hin mbaa tle asina ay ni hu li ma Yawe ka kaki huna, ni kay yam ɦinira Siyonda.

1 KORINTNA 16:2

Hu faɗta damassa tew tew gegelay cuk gursura ki egem zeɗ u va ma nam famma, ka ana hu buu ma an mbana ni agi hin tok tlena ni toki tuwa naɗi.

ZAKARI 6:5

Sa sunda huulona dan ana, «Ni semeɗ ma keŋ lina fiɗina mbay ni namu. Nam col ay jew fok sa malaŋ ndaŋgara halaŋŋa.»

ZAKARI 4:14

Nam dan ɗaŋŋi ana, «Ni suu wara suu mba' suu ŋgaɓasi ki a li sun mbulnana, suu col fok malaŋ ndaŋgarana halaŋ halaŋŋa.»

JEREMI 51:33

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, Babilon ta jivira tli taɗ ni ko ndal li ma sana minim balassa ki kak njokŋi hin gijaŋ feɗ wana molom huna na.

SOOLLA 68:29

Tak saɓak maŋŋa kiyo, Lona. Saɓak ma aŋ min njunumi u namma.

JOSUWE 6:19

Doonora, lorra, u tlesuu yoori u kawi ma tlawna u kawi ma warna, asina halaŋŋi maŋ Yawe. Cukusi ni duk begera vi Yawera.»

EZAYI 5:28

Sii mbuuru masira guuri cocoo. Gu mbuuru masira tini fokosi bel bel. Sem kulumi masisina ki eŋga ko gogoyra na. Sem pus pus masisina tuɗ fetta ko mbirwinda na.

SOOLLA 72:10

Muli suu Tarsisna u muli suu kay daarana sunum tlena aya, muli suu Sabana u suu Sebana hin ɦam taara ni mamu.

GA 8ATAMBARA 33:25

Vun grek ma kay ɦoŋziimmana dugi ni u kawi ma eŋŋa. Saɓak mamma ka ni na gak gak hu li ma nam ka iirina.

EZAYI 21:10

Agi suu mansina, suu toogi ay ki ko suuna to wana hu maɗakŋa nana, dlara an humuɗ ay fun Yawe, ma Saɓakŋa Kom Belna, Lo ma vi suu Israelnana an dagira ha ni ndaɗu.

JEREMI 51:20

Ndak ay varanni ko goo zuzuna na, ko ɓagi ma duuna na. An pali njaf suuna ki u ndaku, an bulum mulina ki u ndaku.

Magaara Vi Sa Jok Vun Lona OZE 10:11

Efrayimmi ko go mbutl tamara haɗi jivira na, ta min to wana ɦayra. Hu li ma an jak eg deleɗ ta saɓakŋa na, ni an gi banaŋŋa ko Efrayim, Yuda a zumma may, Yakob balas lina ki may.

HABAKUK 3:12

Aŋ ŋguy yam ndaŋgara u yaaŋga aŋ tay suuna ki kaŋga u seŋ u yaaŋga.

SOOLLA 24:1

Soolla vi David. Yawe, duliyara u tlesuu huruɗna halaŋŋi maŋsina, ndaŋgara u suu kaɗna halaŋ.

MISE 5:7

Kay ndaɗta suu vi Yakob suu usi hinna hin li ni duk mbassa bolowra, duk suu bolowna ko ndal dlona duk mbuuri suu duk gurana na, ko ndal goo dlona duk timigiina na, nam jak dukusiya, tayasi kaŋgaa, casi kiyo, sa ka hin ndak a buɗusi kiɗi.

ZAKARI 12:3

Gasi, hu buu namma wanni an hin tin Yerusalem ki fok suuna halaŋ ko ndal gogoyra sa ka ndak a tlaɗ ki koloɗira na. Gegelay ma min a tlaɗ kolona hin dak tamu. Na lay njaf suu kay ndaŋgarana halaŋ hin vi vunusi kaɗu.

ZAKARI 12:6

Hu buu namma wanni an hin mbuɗ muli suu Yudana ko ndal kura ŋgali u gunara na, ko ndal dolla muni duk usuna na. Asi hin ci suu keŋesina ki halaŋ halaŋ bik njuf may, bik gulu may. Na may Yerusalem hin li kakira ni hu liiɗ ma dewna.