MISE 3:8 - Boy Lonana

⁸ An doli ɗaŋŋi u heɓpa vi Musuk Yawera an oyra u saɓakŋa u ɗegeera u siɓpa a tak yara vi Yakobpa u suluk ma vi Israelna kiyo.

MISE 3:8 ပူးပေါင်းရင်းမြစ်များ

JOB 32:18

An cemi dlara an min a daɗta oy ki hurun cocoo. Yal man ma zulzulna zuɗun a an ɓaka.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

EZAYI 61:2

Nam sunun ay a di ki kay basara oora vi Yawera. Ni buu ma sa sukulna vi Looygina. Ɗil ii suu ka li hahawrana.

JEREMI 1:18

An tanda karam an mbuɗuŋ ki ni li ma saɓakŋa, mbal kawina, gulumun walakka. Iriŋ tinira kay mbassa u dlaɗ halaŋ. Iriŋ tinira kay muli suu Yudana kay suu ŋgolo mam suu sunda kay muli mam suu li ɓivunna, kay suu mam suu duuna lay.

JEREMI 20:9

Hu li ma an di ana, «An hin ka ɓak boy namma oloɗi, an hin ka ɓak boy u sem oloɗina», nam mbuɗ ki hurun kurufu ko kura ŋgalla na, a tliw tan ki gii daŋgayna an loɓ tan ana an daɓam hurunu may an ka ndakgi.

JEREMI 6:11

«An ki u yara vi Yawera hurun oy cocoo. An ka ndak a ɦeɓeɗ duk oloɗi.» Hin ya ndaɗta li kemba hu ɦoŋzina, kay gorzoŋŋi suu irisi kaay ko tasina. Njufiina u boyogina yowosi ki wa, sa maana u sa buu mamma ki ŋgol cocona.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 16:2

«Goŋ sanna, suu may suu Yerusalemma aŋ takasi coosira ki irisiya.

EZEKIYEL 20:4

Na ni aŋ ka a kaasi ɓakŋa kasiɗi su, goŋ sanna? Na daŋ may kaasi ɓakŋa kasiya, takasi dla cora somoyosi laɗta.

EZEKIYEL 22:2

«Hum haa, goŋ sanna, aŋ ka ndak a kaɓakŋaɗi su? Na daŋ may kaɓakŋa kay suu ci maɗna hu ɦoŋziisina, takasi dlaasira cora asi laɗta ki halaŋ.

EZEKIYEL 23:36

Yawe dan ana, «Goŋ sanna, aŋ min a kaɓakŋa kay Ohola u Oholiba su? Dasi dlaasira cora ha kiyo.

EZEKIYEL 3:14

Musuk Lonara tlan ki koloo. An mbuɗ ki ya cocoo, kay ko Yawe ɦegi kan eŋ cocoo.

EZEKIYEL 43:10

«Aŋ goŋ sanna may ni tak dla Ziŋ Lonara ndaɗta ha ki maŋ suu Israelna, u ŋgol maɗta halaŋ a asi wi sun masira asi laɗ co ndaɗta mbuɗ ki zolona.

MATIYE 7:29

Kaymege nam haɗasi wanni, ko sa um eŋŋa na, ka ko suu wi magaara gaɗta naɗi.

MARK 3:17

Jak u wayamma Jaŋ, asi ni goryoŋ Zebedena (Yesu tinisi sesi ki ana goryoŋ Lo ma bayra),

1 KORINTNA 2:4

Haɗta an haɗagi u boy ma an damma halaŋŋi ka u yalna vi sa warnaɗi, ni kay tak dlara vi sanara u saɓakŋa vi Musuk Lonara.