An mbuɗ dlara mbuɗ mbuɗta vi suu kaboyna ki ɦawaa, suu may suu gol ciciwra an casi kiyo. Suu wi yalna cocona an hoŋosi ki dagani. An mbuɗusi yal masina ki a dlara ɦawara.
Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»
«Aŋ tii ni u huruŋ ɦawaa. Aŋ ka li dlara tok suuna a tii maɗnaɗi lay. Njun gaɗamul maŋga kaŋu. Ka fok tuɓuru maŋ ma seŋŋa kiɗi lay. Baa baraw ki kay njeɓereŋgi lay. Vi fu ma saaŋ ma vok zina ɦaŋŋa ay koŋŋaɗi lay.»
Gola, buuna ka mbaa, Bu Suuna, Loonna, di na, an hin cuk mayra kay yam mbassa, ka ni may funa holɗi lay, ka ni may yo ma cira holɗi lay, ni mayra ka hum boyna vi Yawe.
Hu buu namma ni gegelay ma jok vun Lona hin mbuɗ ki zolona kay sun mamba hu li ma nam jok vun Lona tuna, nam hin ka cuk barawra taɗ tlimiɗta a mbaɗ suuna oloɗi.
Samuel di Sol ana, «Aŋ loɓon tan a an kal ay ki kolo ni kay mege?» Sol di ana, «An u saara ŋgolla kan cocoo. Suu Filistinna ka duu u anu. Lona ɦuɗ tam ki egen na day, nam hoŋon dira ka oloɗi lay, ka fun suu jok vun Lonaɗi lay, ka u doyra diraɗi lay. An yaŋ ay ni kay a aŋ takan dlara an hin laɗta.»
Ay jew vi suu Israelna ni lini sa min tuɗ a joɓ Lona ni nam di ana, Mbaagi ay tuɗuygi eg sa wi u dlara. Kay ana sa jok vun Lona ay jew yammi ana, sa wi dlara.