6 Magi agi may ɗaŋŋi tlena tak tasi ki irigi ni njeŋgee, magi agi may ni ndufunda, wira fokka hin li ŋgol suwa. Faɗta hin ɗik ki kay suu jok vun Lona, buuna hin kuluɓ ki kasi ndufunda.
Ami tuɗ ni lam ko ndal suu dugina a lam pay goŋga na. Ami lammi ko suu irisi dugina na. Faali ŋgolla lay ni ami daɓ u tlena ko njeŋgera na. Tami ka tamiɗi ki fani lay ni, suu miɗina ni sumiya.
Cara vuɗ goora ki kiɗisiyara miɗ kiyo. Ndaɗ ka musuk oloɗi. Fataɗ ca ki hu buuna dukka gayra wa. Dlara zolona mba kaɗ wa. Ndaɗ mbuɗ ki zolona wa. Dlara hin ŋgoo daganda ni an caɗ ki u ŋgewra, hin ɦaɗ ki maŋ suu babali maɗsina. Di ni Yawe.
Ŋgaagi Yawe Loogina jew bay nam kuluɓugi lina kagi ndufunda, jew bay segi daɓ eg tlesuu kolo mbuy suu ndufunda viɗisi ki irigiya. Agi juɓugi kiɗikka may, nam mbuɗuɗ ki ndufunda ci maɗna, nam tin ɗugulla warra ay koloo.
Dlara hahawra u yoora zul ha kay taɗ ni zuli na ɗow ɗow. Boy ma wanna mba na ni, ma hiniŋŋa ay dagan gaw. Asi hin joɓ dlara ha fokka ko sa ma jok vun Lona. Muli suu li ɓivunna gaɗta vi Lonara viɗ ki irisi lay. Sa ŋgol ma gaɗ kemba ka oloɗi lay.
Gola, buuna ka mbaa, Bu Suuna, Loonna, di na, an hin cuk mayra kay yam mbassa, ka ni may funa holɗi lay, ka ni may yo ma cira holɗi lay, ni mayra ka hum boyna vi Yawe.
Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»
An hin tak saɓakan ki eg suu jok vun Lona suu kaboyna u suu wi wira mbaɗ vun tara. Asi ka hin li duk tokka vi suu mansinaɗi, sesi ka ɓii hu magaara vi suu Israelnaɗi lay, ka cuk kay ndaŋgara vi suu Israelnaɗi lay. Agi hin wi ki ana an ni Bu Suuna, Yawe.