MISE 3:5 - Boy Lonana

⁵ Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

MISE 3:5 ပူးပေါင်းရင်းမြစ်များ

VUN ŊGOLNA 28:21

Ɓorow ii suuna ni ka jiviɗi. Sana ndak a kal hu dla cora kay fu ma mbuluk vunna dewna.

EZAYI 3:12

Ҥii, suu mansina kemba ka gologi ni asiya, boyogina ti mulla kagi ni asiya. Agi suu mansina ŋgara agi ŋga tagira baagi ki wa. Ndaɗ ɓalakagi voɗta agi a tuɗ huruɗta ki wa.

JEREMI 23:27

U doy masira asi njaɗaɗ vunuɗ duk tasira, asi saa ana suu mansina hin maaran sen ki ko somoyosi u Baal masina maaran sen kira na.

JEREMI 23:32

An hin li dla cora eg suu jok vun Lona suu doyra kaboyna dasina. Yawe di na. Suu njaɗaɗ ki u kaboyna u dlaasira ganyamba viɗin suu mansina kiyo. An sunusi ay kaɗi lay, joɓosi va kaɗi lay. Asi ka li va ma jivi eg suu asinaɗi. Di na ni Yawe.

JEREMI 6:14

Asi li jivi toŋgo zak a doo kay dla cora vi suu mannara di ana, «Dlara ka jiviya, dlara ka jiviya.» Doli wanna va ka li dewɗi.

JEREMI 6:4

Ɓakagi dla duu ma vi Lonana egeɗu. Cologi koloo, gagijaŋ duuna ay ii ko ma mbayawna na ɗow. Aygi suu hahawra buuna mba kaygi wa, fiɗigira mbuɗ fiyekka.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 13:9

An hin tak saɓakan ki eg suu jok vun Lona suu kaboyna u suu wi wira mbaɗ vun tara. Asi ka hin li duk tokka vi suu mansinaɗi, sesi ka ɓii hu magaara vi suu Israelnaɗi lay, ka cuk kay ndaŋgara vi suu Israelnaɗi lay. Agi hin wi ki ana an ni Bu Suuna, Yawe.

Magaara Vi Sa Jok Vun Lona OZE 4:5

Aŋ hin daɓ taŋ kolo hu buuna, sa jok vun lona lay hin daɓ tam kolo u aŋ njeŋgee. An hin mbuɗuŋ suŋ vunuɗ ka ɓakgi.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MALASI 2:8

Agi may ɗaŋŋi viɗigi ki wa. Agi viɗ suuna u haɗ magira cocoo. Agi ɓeŋegi banara vi Levira ki wa. Yawe, ma saɓakŋa kom belna, di na.

MATIYE 15:14

Suu Farisenna agi hinisi na ta. Asi ni ko suu dugina li ta suu ndarayasi suu dugina na. Lini sa dugina li ta ndaram ma dugina ni, asi hin cuk hu zulla jak.»

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.