Akab di Eli ana, «Aŋ sa ma babali manna, fan wa daŋ su?» Nam hoŋom dira ana, «An faŋ wa kay aŋ gus taŋ ki ni u busu sana kay dla cora aŋ laɗ fok Yawe wanda.
Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.
Nam ka li bana u sa ma Lona hinim kinaɗi, nam saa ni kay suu ɗegee suu li ndaa Yawena. Nam vi vunum kay dla wa ni nam laɗ ki mbee, lini dla ndaɗta a tam tam lay.
Hahawra, asi yi jivira ki a cora, yi cora ki a jivira may. Asi mbuɗ ndufunda ki a kiɗikka, mbuɗ kiɗikka ki a ndufunda may. Asi mbuɗ va ma galaana ki a ma heɓma, mbuɗ ma heɓma ki a ma galaana may.
Kay ndaɗta Bu Suuna, Yawe, di ana, maɗ ma agi cam hu ɦoŋzina coco wanna ni a tliwna, ɦoŋzina tamba ni a doyra may. Na may agi tagira an hin cukugi kiyo.
Agi kom mbulna. Agi baa tagi u barawna cili u tlimiɗ timigiina may. Lagi ɓivunna ni u yoori suu ɗoorina, na may u yoori suu hin halaŋŋa agi ka min a taarasiɗi lay.
Humugi boyna haa, dogoni mbutli suu Basanna, agi suu ti haɗna ay kay ɦinira Samarira doorogi suu maŋina kiyo, lasagi suu hawra lay, dagi malayagina ana, ɦal ay tlesuu cira.
Suu manna kaa wanni min tasi a duu u saasi ma babalira. Agi fokogi baraw ma cuki kolo kay ndarammana kiyo, ma vi suu ay fun duuna hoŋ ay vo u heɓpana na.
Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.
Kosi tinira ni a li dla cora. A li jivira eg saa ni mulna joɓ va nde may, sa ma kaɓakŋa joɓ ana ɦam va ɦawa nde may. Sa ma ɓii magaara ɓakŋi kay a hoɓ hayamba ɦawaa.
Muli maɗsina huruɗ ni ko dlona gi ŋgoɓpara na, suu maɗ suu kaɓakŋa ko ndal bosogori suu mayra casina a dik mbuurina del fiɗigira na, ko suu ka hin va kolo a ti vin maɗiiɗi layna na.
Asi kay tasira wi ɓak ma vi Lonna ki jiviya, suu li ko ndaɗta na na hin fi miɗna, asi wi ki masi na lay yasi gak li dla mayra ndaɗta, asi taɓ vunusi u suu li dlara ndaɗta lay.