MISE 3:12 - Boy Lonana

¹² Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

MISE 3:12 ပူးပေါင်းရင်းမြစ်များ

SOOLLA 107:34

Mbuɗ ndaŋgara jiv tlena ki a ndaŋgara himiina, ni kay cora vi suu ka cuki hu mbas ndaɗtana.

SOOLLA 79:1

Soolla vi Azaf. Ҥi, Lona, suu bay vina cuk ki hu mbassa vi suu maŋsina wa, asi mbuɗuŋ Ziiŋ ma Teteɗna ki njenjera, to zi ma Yerusalemma ki ga lay.

EZAYI 32:14

Ziŋ mulna ta ŋgolla sa ka huruɗ oloɗi. Ҥoŋzi ma suuna li vunna hu cocona sa ka hu dew oloɗi. Ҥoŋzi ma yam ana Ofelna u zi mayra mini kolo fiyekka hin ki ni ɦawaa. Kini a li ma buu tlebagina u li ma asi ti haɗna huna.

JEREMI 17:3

Aŋ ma ɗegee ma goɓ Lona kay ɦinira lay, hu lina bel layna, bege maŋga u tlegeyeŋ halaŋ an ɦasi ki maŋ suuna asi ɦurumusi kiyo, kay cora agi laɗ hu li ma kolo dayna kay ndaŋga magira halaŋ halaŋga.

JEREMI 22:5

Na may lini agi hum boy namma kaɗi ni, an suu u tanda, Yawe di ana zi namma hin mbuɗ ki ni didiŋga cuk zozoɗta.

JEREMI 22:6

Gasi, Yawe ɓak kay zi ma vi mul ma Yudana anaba, aŋ li irinni ko Galaad na lay, ko ndal duk gura Libanda na lay, an ka saa kaŋ a mbuɗuŋ ki fullaɗi. Ҥoŋzi ma sa ka kak hurumbinaɗi.

JEREMI 26:18

«Mise ma Moresetna, ma li sunda jok vun Lona, hu li ma Ezekiyas a mulna hu Yudana di suu Yudana halaŋ ana, Bu Suuna, ma Saɓakŋa Kom Belna, ɓak anaba, Siyon, suuna hin laɗ ki baraɗna ko senena na, Yerusalem hin mbuɗ ki ni didiŋga zozoɗta, yam zira vi Lonara ma kolona hin mbuɗ ki ni ko bubura na.

JEREMI 35:17

Na ɗaŋŋi Yawe ma Saɓakŋa, Lona vi suu Israel, ɓak anaba, An hin mba dla cora ay kay suu Yudana u suu hu Yerusalemma u bolowoɗ halaŋ ta an vi kan a lasira egesira. Kay ana an ɓakasi cocoo asi humun kaɗi, an yasi coco lay asi hoŋ dira kaɗi lay.»

JEREMI 44:2

Na ɗaŋŋi Yawe, ma Saɓakŋa Kom Belna, Lona vi Israel, ɓak anaba, «Agi wi dla co mayra an mbaaɗ ay kay Yerusalem u Yudara halaŋgi su? Gola asi cecemi bulum ki wa. Sa ka kak hu oloɗi.

JEREMI 52:13

Nam gi kura eg zira vi Lonara eg ziŋ mulnana u zigini suu Yerusalemma halaŋ halaŋ, u ziŋ suu ŋgolo suu sunda lay.

JEREMI 9:10

An mbuɗ Yerusalem ki a gogoyra moli kay taɗta, li ma bayakka moli huna, ɦoŋzi ma Yudana ki li ma hahawra. Suu huna casi kiyo.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

YOORA 5:18

Ni kay ana ɦinira Siyonda bulum ki wa, bayakŋa mbuɗ poy ki kaɗu.

MISE 1:6

An hin mbuɗ Samari ki ni sene ma ɓeŋina, mbassa gugutlura. An hin lagaɗaɗ goygoy maɗta ki kaŋga hu giriŋŋa u zigini maɗ suu gii kaŋgana an hin takasi ki kiɗiki.

MATIYE 24:2

Yesu dasi ɗaŋi ana, «Agi gologi zira wanda gige! An dagi ni gasi, ndaɗ hin to ki ni ɦawaa, ɦini taa dew hin ka a li jaki kolo kay ndaraɗɗi.»